Amanesoma Luk Aa Chwera Tɔn 10:31 - mzwDBL

³¹ Dɛ Sɔfo bɛl ɡe kpɔ ŋwɛnɛ la ta dɛ baa kaa, dɛ na baa la, dɛ fɛrɔ ba kaa.

Amanesoma Luk Aa Chwera Tɔn 10:31 ပူးပေါင်းရင်းမြစ်များ

Yela 69:20

Chɛɡa ɡelɔ n bambile chɔɡ, dɛ ɡel n liire bwa damɛ. N dɛ nyin nomɛl ó fee ba larawe n bwara, n ta nɛn nae, kɛɛ nomɛl ba do mɛ ɡbemba, kɛ nɛn toole.

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Hosia 6:9

Sɔfore la do kɛŋɔ ŋwɛɛra dɛ sɔh kpɔɡ bini. Ba dɛ kpoo nɛra Sɛkem ŋwɛnɛ ta, dɛɛ ɛ wechɔɡa aa ɛ sihihwaa bwa soo siwi.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Sɛɡla 21:13

He laa deŋna kpɔ nyaa wii waa dɛ wi ta naa, he ɡe ɛɛ baa wiu, haa nɛnee dɔ ó lɛɛ.

Yela 142:4

N keo nyiŋi na naa, nomɛlbwa toole dɛ́ cha mɛ. N ta nɛn maa chwa ka sɔh o be dɔe, nomɛlbwa waane laa n nyu dɔe wa.

Rut Tɔn 2:3

Anomanta, o la koo bɛl ta, dɛ ka teŋɛ tom-ɛɛra nɛ dɛɛ kuuh mea la. Jaah dɛ Ɛlemɛlɛk lole Boas koo taa.

2 Samoɛl 1:6

Ate, o chaŋe ŋɔ, “Dɛ n lɔ Gelboa Bwejen doa dɛ na Kooro Sɔɔl kɛŋɔ waa kpoŋe o lampea dɛ kpɔ o te dawɛ o ta, asɛ nɛra baa soɡe kwaa aa do kɛŋɔ torɔɡo ba vɔwɛ pɛl jaɡre, ne nɛra baa soɡe jaɡre ta siwi beɡre dɛɛ bɛno dɛ́ lawɔ.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Amanesoma Luk Aa Chwera Tɔn 10:30

Anee Yeesu chaŋo ŋɔ, “Baa bɛlee le Jerusalam dɛɛ kaa Jeriko, dɛ ka pu ŋwɛɛra ŋwɛnɛ baah ta, ba den ɡuɡru, dɛ lɔɔro, dɛ doo bola, tamaa kaa o sewɛ, dɛ laa o laala bwa lɛ o be, dɛ ɡelo o chɔ ŋwɛnɛ baah ta bela dɛɛ ba sewa.

Amanesoma Luk Aa Chwera Tɔn 10:32

Dɛ Lewi dea te bɛl waa dɛ ɛ toma Korowii Dea ɡe kpɔ ŋwɛnɛ la tenten ta dɛ ba pu baa la, dɛ ɡe fɛrɔ kaa.