Amanesoma Luk Aa Chwera Tɔn 10:30 - mzwDBL

³⁰ Anee Yeesu chaŋo ŋɔ, “Baa bɛlee le Jerusalam dɛɛ kaa Jeriko, dɛ ka pu ŋwɛɛra ŋwɛnɛ baah ta, ba den ɡuɡru, dɛ lɔɔro, dɛ doo bola, tamaa kaa o sewɛ, dɛ laa o laala bwa lɛ o be, dɛ ɡelo o chɔ ŋwɛnɛ baah ta bela dɛɛ ba sewa.

Amanesoma Luk Aa Chwera Tɔn 10:30 ပူးပေါင်းရင်းမြစ်များ

Yela 88:4

N do kɛŋɔ nɛn waa dɛ ba sewa, n bokpeɡa bwa tonɔ.

Amanesoma Luk Aa Chwera Tɔn 18:31

Yeesu kpɔ o habɔteŋra fi dɛ banɛ la le bokɛre asɛ dɛ ŋɔ ba be ŋɔ, “Hé no! Ya dɛ kaa Jerusalam. Belaa Men Nɛn Bie wobɛlbwa Korowii keamere la aa chwera la ɛɛ ba kpela ɛɛ.

Amanesoma Luk Aa Chwera Tɔn 19:28

Yeesu aa bol a ɡɛ waa nɔ tonɛ la, o tɔ sie ba nɛɛ dɛɛ kaa Jerusalam.

Ɛsekeɛl 30:24

Mɛɛ ɡeloo Babelɔn kooro do kpeɡri, dɛ́ kpɔ n kere do o nɔn ta. Kɛ Ijipt kooro te, mɛɛ kuuɡi o nɔɔraa, ásɛ o bwara nyɛɡo wɛɛ pɛmɛ Babelɔn kooro sie, dɛ́ sewɛ.

Jeremia 51:52

Kɛ Korowii ŋɔ, “Tɔpera ane dɛ ba bala ásɛ n chɔɡ Babelɔn harɛ voɡa, ásɛ nɛra baa do ba bola bwa ɛɛ pɛmɛ harɛ la ta.

Wiile 2:12

Lɔr ne nyɔɡre ɡelɔ ba wi dɛɛ yerɛ ba nyare, dɛɛ choɡli bwɛɛ la fɔɡbaahna kɛŋɔ baa do ba bola ken, dɛ serewe dawɛ ba nyare nɔɔra ta.

Amanesoma Luk Aa Chwera Tɔn 10:31

Dɛ Sɔfo bɛl ɡe kpɔ ŋwɛnɛ la ta dɛ baa kaa, dɛ na baa la, dɛ fɛrɔ ba kaa.