Amanesoma Luk Aa Chwera Tɔn 1:79 - mzwDBL

⁷⁹ ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Amanesoma Luk Aa Chwera Tɔn 1:79 ပူးပေါင်းရင်းမြစ်များ

Job Tɔn 10:22

bela ɛ biro ɡbo dɛ do kɛŋɔ harambaŋa o ta mar dɔe, dɛ do saɡasaɡa.”

Job Tɔn 3:5

Gel biro o bini aa ɔma tɔ ɡɛ tɔpere la ta, kpɔ baama tɔ o ta o waa le, bochaah bɛ o ta ba kpa bwa.

Yela 107:10

Dɛ ba bini bane soɡe biro tenten ta, ba do ba jɔɡrɔre dɛ laɡ ba do dea, ba bwara ɛɛ nyɛɡ,

Yela 107:14

O laɡ ba le biro tenten ta dɛ chaa jɔɡrɔre baa kpɔa do ba.

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

Yela 25:12

Nɛra baa dɛ duu Korowii la, wɛɛ baɡ ba ŋwɛnɛɛ baa kpɔ o ta.

Yela 44:19

kɛ he ɡel yaa tɛ kpɔɡ bini ola, biro tenten tɔ ya nɛ.

Sɛɡla 3:17

O ɡelɔ he soɡa bini ɛɛ do wer, dɛ́ berɛ ɡel hɛɛ dɔ bosɔɔhna.

Sɛɡla 8:20

Waa aa toɡraa mɛɛ ɛ, dɛɛ teŋɛ kasinteŋ ta,

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 42:7

Hɛɛ ɡeloo nyoŋa sibie pili, ba won dɛɛ na, ne banɔ la baa do ba dea, ba do biro tenten ta.

Aesaya 48:17

Waa Korowii, waa ɛ he Lɛɛ, Israel Nɛŋɡoroŋ la aa dɛ bolee nɔ, “Menee Korowii haa dɛ tom mɛ la, menee dɛɛ chaɡle heyaa anɔ la aa wera tɛ heya, dɛ berɛ dɛɛ chaɡle heyaa ŋwɛnɛ aa chɛ kɛŋɔ hé kpɔ o ta.

Aesaya 48:22

Korowii ŋɔ, “Bosɔɔhna toole dɛ tɛ wechɔɡ-ɛɛra.”

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 49:9

Mɛɛ ŋɔ nɛra baa do ba deene bee ŋɔ, ‘Hé le kaa!’ dɛ́ ŋɔ banɔ la baa lɔ biro ta ɡe be ŋɔ, ‘Hé le ba bɔchaah ta.’ Baa ɛo kɛŋɔ peera aa dɛ di deŋɡarere ta ken,

Aesaya 59:8

Deŋnesɔɔhna ŋwɛnɛ te, haa an jemɛ. Kasinteŋ ɡe toole he waa bini. He we-ɛɛla bwa ɡolo, a ɡel nomɛlbwa waa dɛ teŋɛ a ta aa deŋnesɔɔhna waa jemɛ.

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Matiu 4:16

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.”

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Jɔn Aa Chwera Tɔn 1:9

Korowii Nyoa Wobol laanee nii kasinteŋ waa dɛ ba harɛ nɔ ta dɛ́ ba pili nɛwɛnyini sie la.

Amanesoma Jɔn Aa Chwera Tɔn 12:46

N ba harɛ nɔ ta kɛŋɔ kandea dɛ baa chaah nɛra bwa, ásɛ nomɛlbwa waa yarada mɛ la bɛ biro ta do kpa.

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Amanesoma Jɔn Aa Chwera Tɔn 9:5

N taa lɔ harɛ nɔ ta bonɔ nɔ, menee kandea dɛɛ chaah nɛra bwa.”

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

Tɔn Pɔɔl Aa Chwerɛ Rom Tena 3:17

Waa aa ɡela nɛn bambile ɛɛ sɔɔhno la te, baa an jemɛ.

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.