Amanesoma Luk Aa Chwera Tɔn 1:76 - mzwDBL

⁷⁶ Anee Sekaria bol waa o bie la be ŋɔ, “N bie, baa yerɛɛ Nemenɛ Korowii keamee, dɛkalkɛŋɔ hɛɛ tɔ ya Dɔɔ siee, dɛ́ kwaa bɔr tɛo ásɛ o ba,

Amanesoma Luk Aa Chwera Tɔn 1:76 ပူးပေါင်းရင်းမြစ်များ

Yela 87:5

Baa bol bwɛjen Jerusalam waa ŋɔ, o binii harɛre nɛra bwa le dɛ ba, Nemenɛ Korowii ɛɛ ɡeloo ó do kpeɡri.

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Malakae 4:5

Hé no, mɛɛ tomɛ n keame Elaeja he bee, mɔɔ men Korowii Tɔpejen waa do ɔma kohona la ba.

Matiu 14:5

Asɛ kooro la fe ɛɛ nyin Jɔn dɛ́ kpo. Kɛ dɛ o dɛ ɔmɛ Juu tena la, dɛkalkɛ ba te bwa ŋɔ Jɔn ɛ Korowii keame.

Matiu 21:26

Dɛ ya berɔ ŋɔ nɛnee tɛo waa, ya dɛ ɔmɛ waa bwɛɛla nɔ aa kpɔ ɛ yaa, dɛkalkɛ ba bwa dɛ yarada kɛŋɔ Jɔn ɛ Korowii keame.”

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Matiu 3:3

Jɔn nɔ waa Korowii keame Aesaya faa bol la. O ŋɔ, “Nomɛl dɛ bol waa takpeɡ ne pua hɛŋle ɡbo harɛ ta dɛ ŋɔ, nɛ́ra ɡel ba we-ɛɛla toɡre, dɛ́ kpɔ ba te dɛɛ kpa ba Dɔɔ bala.”

Amanesoma Mak Aa Chwera Tɔn 11:32

Kɛ dɛ ya ŋɔ nɛwɛnyinii tɛo ɡe aa, aa werii do.” Dɛ ba dɛ ɔmɛ ba ɡbaɡba nɛra la, dɛkalkɛŋɔ dɛ nomɛlbwa yaradao kɛŋɔ Korowii keamee Jɔn.

Amanesoma Luk Aa Chwera Tɔn 1:32

Wɛɛ ɛ nɛnjenii, ásɛ baa yerɔ Nemenɛ Korowii Bie. N Naa Korowii dɛ ba on o naa Devid kora la dɔŋ cheɡa ó di.

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Amanesoma Jɔn Aa Chwera Tɔn 1:23

Belaa Jɔn kpɔ Korowii keame Aesaya waa o fa aa bola la chaŋ ba ŋɔ, “Menee naate waa dɛ bol waa takpeɡ ne pua hɛŋle ɡbo harɛ ta dɛ ŋɔ, ‘Hé ɡel he we-ɛɛla toɡre, dɛ́ kpɔ he te dɛɛ kpa he Dɔɔ bala’ la.”

Amanesoma Jɔn Aa Chwera Tɔn 1:27

Men bala mɔɔ o ba, kɛ o ɡwaa mɛ. Maa o napaa tee kwaraa dɔ.”

Amanesoma Jɔn Aa Chwera Tɔn 3:28

Maa ŋɔa ŋɔ n laa Kristo la, dɛ ŋɔ tomaa ba tom mɛ ŋɔ ń tɔ o sie la, he ta noɛ yaa?

We-ɛɛla 16:17

A ɡɛ bitolo la do lɔŋɔre teŋɛ ya ne Pɔɔl nɛɛ dɛɛ ŋɔ, “Nemenɛ Korowii tomɛ nɛra nɔ he be la! Waa haa ɛ ásɛ Korowii lɛ heyaa laanee baa bol la!”