Amanesoma Luk Aa Chwera Tɔn 1:66 - mzwDBL

⁶⁶ Nomɛlbwa waa no waa nɔ la, o liira o nyu bini ŋɔ, “Ɛrɛɛ ɡɛ bie nɔ ɛɛ ba doe yɔ?” Ba nao kɛŋɔ Korowii teŋɛ bie la nɛ.

Amanesoma Luk Aa Chwera Tɔn 1:66 ပူးပေါင်းရင်းမြစ်များ

Mumpar 37:11

Ate, o dɔɔranar la bwaawee ir o nɛɛ kɛrɛdɛ, kɛ o mɛɛ te kpɔ waa la do o nyu bini.

Mumpar 39:2

Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem.

1 Koranar 18:46

Korowii tɛ Elaeja kpeɡri bɛl o kwaa o yal vɔwɛ chara kɛrɛdɛ, dɛ won takapɔ chwa tɔ Kooro Ahab jaaɡɔ la sie dɛ kaa Jesreel.

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Yela 80:17

Kpɔ nɔn tɔ nɛra haa lee ba tɛ he te la nɛ, lɛ nɛra haa lee ba dɛ tɛɛ ba kpeɡri kohona la.

Yela 89:21

Mɛɛ ja o nɛɛ saŋ bɛlbwaa, dɛ́ chao dɛɛ tɛo bokpeɡa.

Amanesoma Luk Aa Chwera Tɔn 1:80

Kenii a do asɛ Jɔn kpeɡ, dɛ dɔ nomonliire. O soɡe pua hɛŋle ɡbo harɛ, dɛ ka tel kɛŋɔ tɔpere waa pa o toma mun Israel tena bini aa tela.

Amanesoma Luk Aa Chwera Tɔn 2:19

Asɛ Mɛɛre kpɔ waa la bwa do o nyu bini dɛɛ kari.

Amanesoma Luk Aa Chwera Tɔn 2:40

Yeesu kpeɡo, dɛ do kpeɡri, dɛ dɔ liire, asɛ Korowii chao wɛɛ ɛ wedɛɛɡa.

Amanesoma Luk Aa Chwera Tɔn 2:51

Belaa Yeesu ir ba chiɡ ŋwɛnɛ ta dɛ kaa Nasarɛt. Waa lɔ o nya ne o mɛɛ be la, dɛ o dɛ no ba deŋna wa. O nya kpɔ waa la bwa do o nyu bini dɛɛ kara.

Amanesoma Luk Aa Chwera Tɔn 9:44

“Hé cheɡ deŋne dɛ́ no waa nɔ maa dɛ ba he be bola nɔ, ásɛ dɛ bɛ soh! Ba dɛ ba Men Nɛn Bie lee do nɛra nɔn ta.”

We-ɛɛla 11:21

Dɛ Korowii dɛ cha ba o kpeɡri ne, asɛ nɛra no Yeesu waa la dɛ yaradaa, dɛ charɛ ba liire, dɛ kpɔ ba te tɛ Yeesu. A ɡɛ nɛra nɔ warɔ kɛrɛdɛ.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

1 Samoɛl 16:18

Belaa bonɔɔna la bɛl chaŋe ŋɔ, “N na Jese bibaa bɛl, o lɔ Bɛtlɛham dɛ jemɛ janjela lɔe. O ɛ banyoo, o bambile ɡe do kpeɡri, o jemɛ wobol dɛ do wer bonɔɔ ɡe. Asɛ Korowii ja o nɛ.”

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.