Amanesoma Luk Aa Chwera Tɔn 1:20 - mzwDBL

²⁰ Kɛ haa wola n waa nɔ yaradae dɛɛ tɔŋ mɛ nomanta, hɛɛ berɛ amumuu dɛ́ ka tel kɛŋɔ waa nɔ bwa aa ɛa dɛ ɛ kpela mɔɔ he won bol wa. Jemɛ kɛŋɔ waa nɔ maa bola nɔ saŋ telaa, a bwa ɛɛ ɛo kɛrɛdɛ ken.”

Amanesoma Luk Aa Chwera Tɔn 1:20 ပူးပေါင်းရင်းမြစ်များ

2 Koranar 7:19

Dɛ kooro nomoa waa dɛ chao la fa ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Asɛ Korowii keame la fa chaŋo ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

2 Koranar 7:2

Anee nomoa waa dɛ cha kooro ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Elaesa ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

Kaala 4:11

Belaa Korowii ŋɔ o be ŋɔ, “Umee tɛ nɛn nyoa o kpɔ dɛɛ bol waɔ? Kɛɛ umee dɛɛ ɛ nɛn amumu ne deŋneɡbeŋa te, kɛɛ nɛn waa dɛ na ne onɔ la waa wola na nɔ? Men Korowii laa aa?

Aesaya 7:9

Israel harɛ ta bwɛjen laa Samaria aa? Kooro Pɛka ɡee bwɛɛ la nyu te. Onee umeo? Dɛ he ta yarada dɔe dɛ che kiŋkiŋ naa, haa won che kɛrɛdɛ kpa.”

Ɛsekeɛl 24:27

Awola tɔpere la, mɛɛ ɡeloo he berɛ won waa bola, ásɛ he ne naate bol wa. Gɛɛ aa ba ɛɛ ba nyiŋi dɛ́ kpɔ hweli waa dɛ́ jemɛ kɛŋɔ menee Korowii.”

Ɛsekeɛl 3:26

Mɛɛ berɛ he nyondoŋee he bol waa kahonɛ, haa won bol waa dɛ́ kah deŋnekpeɡ tena nɔ kpa.

Daneɛl 10:15

O ta aa dɛ bol waa n be la, n kpɔ sie pi harɛ dɛ bol waa kahonɛ.

Nɛra Kura 20:12

Belaa Korowii ŋɔ Mosis ne Arɔn be ŋɔ, “Haa wola men yaradae, dɛ kpɔ jirima tɛ mɛ kɛ n do ɡoroŋ Israel tena siwi ta nɔ, haa ba sie tɔ dɛ́ kpɔ ba ka jo harɛ maa baɡ ba nyoa la ta.”

Amanesoma Mak Aa Chwera Tɔn 16:14

A habɔɔ la, o kpɔ o te chaɡle o habɔteŋra fi dɛ beŋkpoŋ la, dɛ ba dɛ di kwa. O pwaah ba ba yarada nyae ne ba bambikpeɡ la waa kɛŋɔ baa wola ba bala baa tɔ sie nao la yaradae la.

Amanesoma Mak Aa Chwera Tɔn 9:19

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”

Amanesoma Luk Aa Chwera Tɔn 1:19

Anee nyundua torome la chaŋo ŋɔ, “Menee Gebreɛl maa dɛ che Korowii sie la. Onee tom mɛ ŋɔ ń ba bol Amanesoma nɔ he be.

Amanesoma Luk Aa Chwera Tɔn 1:21

Gɛ saŋ Sekaria aa lɔ Korowii Dea bela la, dɛ nɛra cheɡɛ buse dɛɛ kpao. A ɛɛ ba nyokpoa kɛ waa biɡri bela la.

Amanesoma Luk Aa Chwera Tɔn 1:22

Waa le Korowii Dea bela dɛ ba buse la, o ta wone bol waa nɛra la be. Anomanta, ba nao kɛŋɔ o na komɛl deera ta bela. Anee ɡela waa wola won waa bol dɛ kpɔ nɔɔra ne nyu dɛɛ baɡle waa la.

Amanesoma Luk Aa Chwera Tɔn 1:45

He na som kɛ haa no n Naa Korowii wobol dɛ yarada kɛŋɔ ɡɛ waa la ɛɛ ɛo nɔ.”

Amanesoma Luk Aa Chwera Tɔn 1:64

Buɡ la ta la, Sekaria o fa aa wola won bol waa la nyoa chaarɔ, o won bol wa, dɛɛ kpɛɛ Korowii kɛŋɔ waa ɛ wejena tɛo la.

Tɔn Pɔɔl Aa Chwerɛ Rom Tena 3:3

Amɔ dɛ ya bini bane ta Korowii yaradae yaa, wɛɛ koh a waa ásɛ o waa aa yaradaa dɔ aa?

2 Timoti 2:13

Dɛ ya ta kasinteŋ tena ɛɛ yaa, o te ta ɛ kasinteŋ te, waa won beɡre o te.”

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.