Lewi Dea Tena 9:7 - mzwDBL

⁷ O berɔ ŋɔ Arɔn be ŋɔ, “Kpɔ he wechɔɡa kpɔe dɛ kɛ saraha kwa, ne saraha kwaa haa fuah la ba saraha kon la ta ba soŋe he ne nɛra la bwa wechɔɡa. Kpɔ nɛra la saraha kwaa la ɡe ba soŋe ba wechɔɡa tɛɛ ba ɡɛ Korowii aa ŋɔa la.”

Lewi Dea Tena 9:7 ပူးပေါင်းရင်းမြစ်များ

Hibru 5:3

Gɛ o yon kpo kwaa ɛ saraha dɛɛ tɛ nɛra ba wechɔɡa waa la, ɡɛɛ wɛɛ ba ɛɛ dɛɛ tɛ o tenten, dɛkalkɛŋɔ o ɡba ɡe dɛ ɛ wechɔɡa.

Hibru 5:1

Sɔfonomoa bɛlbwa waa dɛ ɛ toma Korowii Dea la, o dɔŋa nɛwɛnyini binii ba yon leo, dɛ kpɔɔ ŋɔ ó ɛ Korowii toma dɛɛ tɛɛ ba, dɛ́ kpɔ jam kwaa dɛɛ tɛ Korowii, dɛ́ kpo kondɛɛra dɛ́ fuah dɛɛ tɛo ba wechɔɡa wa.

Hibru 9:7

Dea la bonɛɛte la te la, Sɔfonomoa ɡboo dɛɛ jo o bini. O ɡba kwaraa la, kerabeŋkpoŋ ɡboo wɛɛ jo bela bena bɛlbwa. O ta chal kpoŋaa, waa bela jo. A nee o kaa soŋe o wechɔɡa ne nɛra la wechɔɡa baa ɛa baa wola jemɛ kɛŋɔ ba ɛ wechɔɡa la.

Lewi Dea Tena 4:3

Dɛ Sɔfonomoa ɛa aa, o ɡelɔ nɛra la bwa di bolchɔɡe. A chɛ kɛŋɔ ó lawɛ nabal waa wola kirihiah bɛlbwa dii, dɛ́ kpɔ ɛ wechɔɡa kpɔe dɛ kɛ saraha tɛ mɛ o wechɔɡa la wa.

1 Samoɛl 3:14

Gɛ waa nɔ nomanta, n ŋwɛɛrɔ kɛŋɔ Eli ne o dem tena wechɔɡa baa ɛa la, hale kwaa kpoora kɛɛ saraha bɛlbwa ɛɛ aa won larawe tɛɛ ba.”

Lewi Dea Tena 9:2

Mosis ŋɔ Arɔn be ŋɔ, “Lawɛ nabale ne pebal a bini bɛlbwa aa wola kirihiah dii ba Korowii sie. Ásɛ nao la ɛ wechɔɡa kpɔe dɛ kɛ saraha kon, ásɛ pee la ɡe hé kpɔ ɛ saraha baa fuuh.

Lewi Dea Tena 8:34

Anɔ yaa ɛa fini nɔ, Korowiirii do yaa ŋɔ ya kpɔ soŋe he wechɔɡa.

Lewi Dea Tena 16:6

Árɔn tɔ sie kpɔ nabale la ba ó ɛ wechɔɡa kpɔe dɛ kɛ saraha, dɛ́ kpɔ soŋe o ne o dem tena wechɔɡa, ásɛ n kpɔ kɛ ba.

Lewi Dea Tena 16:11

Arɔn chɛ kɛ ó lawɛ nabale la waa kpɔ ba ɛ o ɡbabir wechɔɡa kpɔe dɛ kɛ saraha, dɛ́ soŋe o ne o dem tena wechɔɡa name, dɛ́ teŋe o baŋa, dɛ́ kpɔ ɛ wechɔɡa kpɔe dɛ kɛ saraha la.

Lewi Dea Tena 16:24

A chɛ kɛ ó ka sɔ nee bɔr waa do ɡoroŋ, dɛ́ berɛ kpɔ laalafala do. Ásɛ dɛ le ka kpɔ o ne Israel tena saraha kwaa baa fuah la fuh, dɛ́ soŋe o ne Israel tena bwa wechɔɡa, ásɛ n kpɔ kɛ ba.