Haa kpɔ laala nɔ do he dɔɔ Arɔn ne o bibaala tonɛ la, hé fuɡe noo do ba nyuune ta dɛ́ kpɔ ba sɔfo toma do ba nɔn ta. Ɛɛ ba bá do ɡoroŋ dɛ́ won dɛɛ ɛ n toma kɛŋɔ sɔfore.
Korowii berɔ ŋɔ Mosis be ŋɔ, “Kenii hɛɛ ba ɛɛ dɛ́ le Arɔn ne o bibaala cheɡ bá do ɡoroŋ, ásɛ dɛɛ ɛ n toma kɛŋɔ sɔfore. Lawɛ nabale ne pebala anɛ aa wola kirihiah bɛlbwa dii,
dɛ́ pi ba ɡbɛrɛre. Ásɛ dɛ kpɔ kirisore vɔwɛ Arɔn ne o bibaala la. Ba ne ba naanar ɛɛ ɛ sɔfore, dɛɛ tom mɛ saŋ bɛlbwa dɛɛ la. Gɛɛ hɛɛ ba ɛɛ dɛ́ le Arɔn ne o bibaala dɛ́ kpɔ ba toma do ba nɔn ta.
“Kpɔ Arɔn ne o bibaala ne ba sɔfo batakaani, ne noo baa kpɔa dɛɛ do ba sɔfore ta, ne nabal baa kpɔ ɛ wechɔɡa kpɔe dɛ kɛ saraha, ne pebala anɛ dɛ paanoo iisi aa wola toole a ta wɛɡrɛ la ba n Dea Cheremibɔr la doonyoa,
Arɔn ne o naanar ɡboo dɛ́ kpɔ saraha kwaa baa fuah ba kon baa dɛ fuh saraha o ta, dɛ́ kpɔ ane ɡe ba kon baa dɛ fuh daawiile o ta la ta. Banee dɛɛ ɛ Boɡoroŋ Tenten bela toma, dɛ́ soŋe Israel tena wechɔɡa Korowii be ó kpɔ kɛ ba, ɡɛ Korowii bonɔɔ Mosis aa do ba la.
