Lewi Dea Tena 7:6 - mzwDBL

⁶ Baa te bɛlbwa waa le sɔfore dea la te won a dii. Kɛ bɔr waa do ɡoroŋee chɛ a dii, a do ɡoroŋ kɛrɛdɛ.

Lewi Dea Tena 7:6 ပူးပေါင်းရင်းမြစ်များ

Lewi Dea Tena 6:29

Baa bɛlbwa waa le sɔfore dea la dɔ ŋwɛnɛ kɛŋɔ o di ane. A do ɡoroŋ kɛrɛdɛ.

Lewi Dea Tena 2:3

Men baa kpɔa ba ɛ saraha kar la ɛ Arɔn ne o bibaala kwa. A do ɡoroŋ kohona dɛ ɛ kwaa baa kpɔa ba ɛ saraha dɛ tɛ mɛ la bini ane.

1 Kɔrent 9:13

Haa jemɛ kɛŋɔ nɛra baa dɛ ɛ toma Korowii Dea la, a taa ba dɔ kwaa dɛɛ di, asɛ banɔ la ɡe baa dɛ kpoo kwaa baa kpɔa baa tɛ Korowii o Dea bini la, a taa ba ɡee di kɛɛ?

1 Kɔrent 10:18

Hé ta sie dɛ́ na Juu tena wa. Nɛra baa dɛ di kwaa baa kpoora dɛɛ tɛ Korowii la, ba ta ɡɛ we-ɛɛla la ta jae yaa?

Lewi Dea Tena 7:5

Sɔfo la fuh noorare la saraha kon la ta ɡɛ baa fuh saraha kwaa dɛɛ tɛ mɛ la. A ɛ bolchɔɡe dii saraha.

Ɛsekeɛl 42:13

Baa la ŋɔ men Ɛsekeɛl be ŋɔ, “Deene aa lɔ weekaŋle nyunduabɔr, ne anɔ la aa lɔ weekaŋle harɛbɔr a sie chaɡɛ Korowii Dea dembaah bela la, ɛ sɔfore deene. Belaa sɔfore baa dɛ ba men Korowii sie la ɛɛ ba saraha kwaa aa do ɡoroŋ kohona la dɛɛ dii. Deene la aa do ɡoroŋ kohona nomanta, a binii baa ba saraha kwaa aa do ɡoroŋ kohona kɛŋɔ mea sarahare, ne wechɔɡa kpɔe dɛ kɛ sarahare, dɛ bolchɔɡe dii saraha kwaa kpɔe dɛɛ cheɡ.

Haɡae 2:12

Dɛ nomɛl kpoŋe ol baa kpɔa ɛ saraha tɛ men Korowii, o do wer ne dii do o batakaare bini, asɛ dɛ kpɔ batakaare la ka leɡe paanoo, ne kondikwaa baa daala kɛɛ sen, kɛɛ no, kɛɛ kondikwaa bɛlbwa naa, a ɡelɔ a ɡɛ kondikwaa la ɛɛ do ɡoroŋ aa?” Asɛ sɔfore la ŋɔ, “Akai.”

Lewi Dea Tena 6:11

Dɛ berɛ ka laa laala waa doa la foo bil dɛ́ kpɔ anfala do, ásɛ dɛ ba kpɔ tɔɔ la le ka ta bela baa soɡa la dahara bela baa ɛo o do wer.

Lewi Dea Tena 21:22

Kɛ wɛɛ won di saraha kwaa baa kpɔa ba tɛo la, anɔ la aa do ɡoroŋ kohona dɛ ɛ o kwaa la ne anɔ la aa do ɡoroŋ la bwa,