Lewi Dea Tena 7:5 - mzwDBL

⁵ Sɔfo la fuh noorare la saraha kon la ta ɡɛ baa fuh saraha kwaa dɛɛ tɛ mɛ la. A ɛ bolchɔɡe dii saraha.

Lewi Dea Tena 7:5 ပူးပေါင်းရင်းမြစ်များ

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Lewi Dea Tena 3:16

Sɔfo la fuah saraha kon la ta bela, kɛŋɔ mea saraha baa fuah dɛɛ tɛ men Korowii a sɔɔh ɛɛ do n som kohona la. Ol la noorare bwa ɛ n kwa, bá fuah.

Lewi Dea Tena 2:16

Sɔfo la ɛɛ kpɔ mea baa peɡra ne noo la anee, dɛ́ kpɔ daawiile la bwa ja, dɛ́ fuah saraha kon la ta, á baɡle kɛŋɔ n lɛ a bwa. Anɔɔ ɛ saraha ba yon fuah a sɔɔh ɛɛ do som n be.”

Lewi Dea Tena 2:9

Sɔfo la ɛɛ kpɔ kwaa la anee le a ta, dɛ́ fuah saraha kon la ta, á baɡle kɛŋɔ n lɛ a bwa. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 2:2

Dɛ́ kpɔ ba tɛ Arɔn bibaala sɔfore la. Ásɛ sɔfo la ka fuah saraha kon la ta, á baɡle kɛŋɔ a bwaa n lɛ. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 1:9

Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 5:7

Dɛ waa pee laanee dɔ aa, ó nyin kulukuku bii anɛ kɛɛ borɔnoma bii anɛ, dɛ́ kpɔ ba ɛ saraha bɔ o wechɔɡa la kem. Beŋkpoŋ che tɛ wechɔɡa kpɔe dɛ kɛ saraha, ásɛ beŋkpoŋ ɡe che tɛ saraha baa fuah dɛɛ tɛ mɛ la.

Lewi Dea Tena 7:4

ne o kporombie anɛ ne a noorare aa ja a ta, dɛ o pwɛ bela waa wera. Bá laa o pwɛ bela waa wera la ne o kporombie anɛ la laa kpɔ a pɛ dɔŋa nɛ.

Lewi Dea Tena 7:6

Baa te bɛlbwa waa le sɔfore dea la te won a dii. Kɛ bɔr waa do ɡoroŋee chɛ a dii, a do ɡoroŋ kɛrɛdɛ.

Lewi Dea Tena 3:3

Deŋnesɔɔhna saraha nao la pera haa fuh tɛ mɛ laanee o noyal bwa,