Lewi Dea Tena 7:18 - mzwDBL

¹⁸ Nomɛlbwa waa di ɡɛ saraha ol waa di tɔpera atoro nɔ la, maa o saraha waa baa ɛ la lɛɛ ba. Dɛ aa were dɛɛ su men Korowii siwi kpa. N kia. Waa naate aa koh a waa ba ɛ saraha la berɔ dawɛ o nɛ. Nomɛlbwa waa di ɡɛ ol nɔ la ɛɛ dɔ deŋnetɛraa.

Lewi Dea Tena 7:18 ပူးပေါင်းရင်းမြစ်များ

Nɛra Kura 18:27

He saraha ɛɛ doo kɛŋɔ mea aa le pɛla ta, kɛɛ ɡrepo daa nɔna baa harame a nee la ken tɛ heya.

Lewi Dea Tena 22:25

He bɛ ɡɛ kondɛɛre nɔ bɛlbwa lɛ le nɛŋhɔɔh be ba ɛ saraha tɛ men Korowii haa dɛ tom mɛ. Waa were dɛɛ su men Korowii siwi kɛ ń lɛo, o bobɛl aa di kirihiah la nomanta.”

Lewi Dea Tena 11:41

Koŋkwaa bwa aa dɛ huuh kɛɛ dɛɛ tuuɡi tea ta la chɛ kɛ hé kia. He bɛ an di.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

Tɔn Pɔɔl Aa Chwerɛ Rom Tena 4:11

O pen teŋa la ɛ we-ɛɛle bɛl waa dɛ baɡle kɛŋɔ o yarada waa o won ɛ nɛndɛɛɡe o waa su Korowii siwi, dɛ baɡle kɛŋɔ waa wola teŋe mɔɔ la, dɛ o waa su Korowii siwi. Nɛra baa wola Juu tena ɛɛ, baa wola pen teŋe dɛɛ yarada Korowii asɛ o lɛɛ ba kɛ nɛndɛɛɡa ba waa su o siwi la, ba mɛɛɛ Abraham.

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Malakae 1:13

He ŋɔ he mee leɔ, dɛ laa sie kpɔ saraha kwaa aa wera kɛŋɔ he kpɔ baa tɛ mɛ la ta. Kɛ he kpɔ kondɛɛra bola aa lɔ a nɛ, ne anɔ la aa wola won valɛ kɛɛ weela tena ba ɛ saraha dɛɛ tɛ mɛ. Mɛɛ lɛa yaa?

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Emɔs 5:22

A lole kɛŋɔ he kpɔ saraha kwaa baa dɛ fuah ne mea sarahare baa tɛ mɛ, maa an lɛ. He kpɔ deŋnesɔɔhna sarahare baa tɛ mɛ te, n sie aa a taa lɛ.

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Ɛsekeɛl 18:20

Naate waa dɛ ɛ wechɔɡa laanee dɛɛ sewɛ. Bie ta chɛ kɛ ó na wa o mɛɛ wechɔɡa wa, mɛɛ ɡe ta chɛ kɛ ó na wa o bie wechɔɡa wa. Nomɛlbwa o waa aa toɡra wɛɛ ɛ wedɛɛɡa dɛ́ dɔ andɛɛɡa, nomɛlbwa waa dɛ ɛ wechɔɡa ɡe, wechɔɡaa dɛɛ teŋɛ o nɛ.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 14:10

Korowii bol nɛra nɔ waa ŋɔ, “Ba dɛ nyin bá chwa le n be, dɛ́ kaa valɛ bobɛlbwa baa dɛ nyin. Anomanta, men Korowii sie aa ba nɛɛ lɛ, mɛɛ lii ba wechɔɡa baa ɛa waa dɛ́ tɛr ba deŋne.”

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Aesaya 65:4

Ba dɛ la bwebɔɔne bini ne lala huɡribɔr, dɛ ka yerɛ lala jwaana, dɛ́ ka so ŋwama ta dɛɛ were. Ba dɛ chwe parakoo ola, dɛɛ di dɛɛ nyɔ ola baa kpoora tɛ voɡa dɔr, ne kwaa maa kia.

Lewi Dea Tena 22:23

Saraha aa le he bambile ta la te, hɛɛ won kpɔ nao kɛɛ pee o bobɛl aa di kirihiah kɛɛ dɛ mule ba. Kɛ waa were tɛ nyobaɡa chuɡra saraha.

Lewi Dea Tena 22:16

dɛ́ ɡel nɛra baa wola ŋwɛnɛ dɔe kɛ ba dia la di. Sɔfore baa laa sie kpɔ ɡɛ waa nɔ ta la ɛɛ ɡeloo nɛra di bolchɔɡe, dɛ́ dɔ deŋnetɛra. Menee Korowii, men ɡela a do ɡoroŋ.”

Lewi Dea Tena 20:19

Dɛ baa lawɛ o nyawee kɛɛ nyajen kɛɛ o nyaana chɔ aa, a ɛ sihihwa dɛ chɔɡ lola, nɛra banɛ la bwa chɛ deŋnetɛra.

Lewi Dea Tena 20:17

Dɛ baa mo o nimambihaah o ne waa pɛ mɛɛ kɛɛ nya, kɛɛ o nimambihaah o ne waa pɛ mɛɛ ne nya bwa naa, a ɛ sihihwa tenten. A chɛ kɛ bá laɡ ba ka che nɛnfuuh baah ta, dɛ́ per ba le ba nɛra bini. O do o nimambie la sihiih dɛ chɛ deŋnetɛra.

Lewi Dea Tena 17:16

Kɛ dɛ naate ta o laala chɛɡɛ dɛ sɔ ne aa, wɛɛ dɔ a waa.”

Lewi Dea Tena 10:19

Asɛ Arɔn chaŋe Mosis ŋɔ, “Fini baa baa ɛ ba wechɔɡa kpɔe dɛ kɛ saraha ne saraha baa fuah tɛ Korowii asɛ ɡɛ waa nɔ puu mɛ nɔ, dɛ n di wechɔɡa kpɔe dɛ kɛ saraha kwaa nɔ ane fini naa, a fe ɛɛ do Korowii somee kenɛ?”

Lewi Dea Tena 10:17

“Ɛrɛɛ he ta wechɔɡa kpɔe dɛ kɛ saraha kon la ka dii Korowii Dea nɔɔ? O do ɡoroŋ kohona ba kpɔ tɛ heyaa kɛŋɔ hé kpɔ soŋe nɛra la wechɔɡa Korowii sie ó kpɔ ba wechɔɡa kɛ ba.

Lewi Dea Tena 5:17

Dɛ nomɛlbwa jo waa maa do ba ŋɔ ba bɛ ɛ la bini bɛlbwa ta hale dɛ o ta nae yaa, dɛ o di bolchɔɡe dɛ chɛ deŋnetɛra.

Lewi Dea Tena 7:19

Dɛ ol la leɡe komɛlbwa waa kah doŋa aa, he bɛ di. A chɛ kɛ ba fuuh. Ol waa wola wera ne dii la, nomɛlbwa waa wola doŋa kaeh la te won dii.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Lewi Dea Tena 19:5

Hé ɛ deŋnesɔɔhna saraha dɛɛ ba n tɛɛ yaa, he ɛa ŋwɛnɛ aa chɛa ta, ásɛ a do wer tɛ mɛ ń lɛ.