Lewi Dea Tena 7:1 - mzwDBL

¹ Korowii berɔ ŋɔ, “Ŋwɛnɛre aa chɔ le tɛ bolchɔɡe dii saraha ɡee nɔ. A do ɡoroŋ kɛrɛdɛ.

Lewi Dea Tena 7:1 ပူးပေါင်းရင်းမြစ်များ

Lewi Dea Tena 6:25

“Ŋɔ Arɔn ne o bibaala be ŋɔ, ŋwɛnɛre aa chɔ le tɛ wechɔɡa kpɔe dɛ kɛ saraha laanee nɔ. Wechɔɡa kpɔe dɛ kɛ saraha kon la chɛ kɛ ba teŋe o baŋa n sie, bela baa kpo kwaa dɛɛ fuah la. O ɛ saraha waa do ɡoroŋ kɛrɛdɛ.

Lewi Dea Tena 6:17

Anee n kpɔ tɛ sɔfore kɛŋɔ ba dibɔr dɛ le saraha kwaa baa fuah dɛɛ tɛ mɛ la ta. A do ɡoroŋ kɛrɛdɛ kɛŋɔ wechɔɡa kpɔe dɛ kɛ saraha, ne bolchɔɡe dii saraha ken.

Lewi Dea Tena 5:14

Korowii ŋɔ Mosis be ja ŋɔ,

Ɛsekeɛl 46:20

Baa la ŋɔ n be ŋɔ, “Bonɔɔ sɔfore la ɛɛ ba bolchɔɡe dii sarahare ne wechɔɡa kpɔe dɛ kɛ saraha kwaa dɛɛ daala, dɛ wɔɔ mea saraha kwa, ɡɛ aa ɛ ba bɛ kwaa aa do ɡoroŋ kpɔ le kaa habɔɔ dembaah la bini, dɛ́ kpɔ waa ka ta nɛra la nɛ.”

Ɛsekeɛl 44:29

Banee dɛ́ di mea sarahare, ne wechɔɡa kpɔe dɛ́ kɛ sarahare, ne bolchɔɡe dii sarahare, dɛ komɛlbwa Israel tena aa kpɔa baa tɛ mɛ la. A bwa ɛ ba kwa.

Ɛsekeɛl 40:39

Bela baa cheɡa dɛɛ jo doonyoa ta la, teeburre anɛ cheɡɛ baŋ bɛlbwa ta. A taa baa kpoo saraha kwaa baa dɛ fuah, ne wechɔɡa kpɔe dɛ kɛ saraha, dɛ bolchɔɡe dii saraha kwa.

Nɛra Kura 6:12

A chɛ kɛ ó berɛ kwaa kpɔ o te tɛ men Korowii kɛŋɔ Nasiri te, kɛ ó kpɔ pebale waa di benanyoa ba ɛ bolchɔɡe dii saraha tɛ mɛ. Tɔpera la o fa aa baɡɛ nyoa la ta jae kpa, dɛkalkɛ a taa o kah doŋa la.

Lewi Dea Tena 21:22

Kɛ wɛɛ won di saraha kwaa baa kpɔa ba tɛo la, anɔ la aa do ɡoroŋ kohona dɛ ɛ o kwaa la ne anɔ la aa do ɡoroŋ la bwa,

Lewi Dea Tena 5:11

Dɛ waa won dɔ kulukuku bii anɛ kɛɛ borɔnoma bii anɛ la aa, ó kpɔ men baa nama a kper kɛrɛdɛ dɛ ɛ kuruwa del ba ɛ o wechɔɡa kpɔe dɛ kɛ saraha. O bɛ noo kɛɛ daawiile a sɔɔh aa soma ane bɛlbwa do a ta, dɛkalkɛ a ɛ wechɔɡa kpɔe dɛ kɛ saraha.

Lewi Dea Tena 5:8

Ó kpɔa ba tɛ sɔfo la, ásɛ o tɔ sie kpɔ wechɔɡa kpɔe dɛ kɛ saraha kon la ɛ mɔɔ. Ó menɛ o baŋa dɛ bɛ o nyu la tor le,

Lewi Dea Tena 5:7

Dɛ waa pee laanee dɔ aa, ó nyin kulukuku bii anɛ kɛɛ borɔnoma bii anɛ, dɛ́ kpɔ ba ɛ saraha bɔ o wechɔɡa la kem. Beŋkpoŋ che tɛ wechɔɡa kpɔe dɛ kɛ saraha, ásɛ beŋkpoŋ ɡe che tɛ saraha baa fuah dɛɛ tɛ mɛ la.

Lewi Dea Tena 5:15

“Dɛ nomɛlbwa ɛ wechɔɡa o ta kwaa a fe aa chɛ kɛŋɔ ó kpɔ ba ɛ saraha tɛ mɛ ɡɛ aa chɛa dɛ o laa saahna aa, ó lawɛ pebal waa wola kirihiah bɛlbwa dii ba ɛ saraha, dɛ́ kpɔ bɔ o wechɔɡa kem. O yoɡ chɛ kɛ ó do ɡɛ baa maɡa bil Korowii Dea la aa doa. O ɛ bolchɔɡe dii saraha.

2 Webena 31:14

Lewi dea te Imna bibaa Koree ba le wɛɛ nyiŋi Korowii Dea wee leebɔr doonyoa la ta, dɛ chɔ sarahare koŋkɛɛla aa le nɛra bambile ta ba kpɔ baa tɛ Korowii ne a bɔna nyoa.