Lewi Dea Tena 5:16 - mzwDBL

¹⁶ A chɛ kɛ ó bɔ wubwa kwaa waa wola ɛɛ la, ásɛ dɛ berɛ bɔne anɔ la waa ɛa la dɔŋa bini anue, dɛ́ kpɔ bɔrbeŋkpoŋ ja a ta. Dɛ́ kpɔ a bwa ka tɛ sɔfo. Ásɛ sɔfo la kpɔ pebal la ɛ naate bolchɔɡe dii saraha, dɛ́ kpɔ soŋe o wechɔɡa, ásɛ n kpɔ kɛo.

Lewi Dea Tena 5:16 ပူးပေါင်းရင်းမြစ်များ

Nɛra Kura 5:7

A chɛ kɛ ó bol wechɔɡa waa ɛa la, dɛ́ bɔ kwaa baa lɛo la bwa, dɛ́ berɛ bɔne anɔ la waa bɔa la bini bele anue, dɛ́ kpɔ bɔrbeŋkpoŋ ja a ta tɛo.

Lewi Dea Tena 22:14

Nomɛlbwa waa koni di saraha kwaa aa do ɡoroŋ nɔ la chɛ kɛ ó nyin a nachiɡe ba tɛ sɔfo. Dɛ́ berɛ kpɔ ane ja. Ba bɔne o bini bɔre anue naa, ó kpɔ bɔrbeŋkpoŋ ja tɛ sɔfo la.

Lewi Dea Tena 27:31

Dɛ nomɛl dɛ nyin kɛŋɔ ó berɛ yawɛ a bini bɛlbwa naa, a chɛ kɛ ó bɔ yoɡ baa teŋa bil la, ásɛ dɛ bɔne yoɡ la bini bɔre anue, dɛ́ bɔ bɔrbeŋkpoŋ ja a ta.

Lewi Dea Tena 27:27

Dɛ kondɛɛre waa wola were ne dii yaa, kon te la ɛɛ berɔɔ won yawɔ ɡɛ baa teŋe o yoɡ la, dɛ́ bɔne yoɡ baa teŋa bil la bini bɔre anue dɛ́ bɔ bɔrbeŋkpoŋ ja a ta. Dɛ kon te la ta berɛ won yawɛ aa, nɛnfale ɛɛ won yawɛ ɡɛ baa teŋe o yoɡ bil la.

Lewi Dea Tena 27:15

Naate waa kpɔ dem la tɛ mɛ la berɔ dɛɛ nyin o yawɛ aa, a chɛ kɛ ó bɔ yoɡ baa teŋa bil la, dɛ́ bɔne suuɡa la bini bɔre anue, dɛ́ bɔ bɔrbeŋkpoŋ ja a ta.

Lewi Dea Tena 27:13

Dɛ naate berɔ dɛɛ nyin kɛ ó yawɛ aa, a chɛ kɛ ó bɔ suuɡa la dɛ́ bɔne a bini bɔre anue dɛ́ bɔ bɔrbeŋkpoŋ ja a ta.

Lewi Dea Tena 5:10

Sɔfo la berɛ kpɔ onɔ la ɡe dɛ ɛa ŋwɛnɛ baa kpɔ o ta dɛɛ ɛ saraha baa dɛ fuah la ta, dɛ́ soŋe naate wechɔɡa waa ɛa la tɛo, ásɛ n kpɔ kɛo.

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

Yela 69:4

Nɛra baa hah mɛ pɛɛ warɔ ɡwaa n nyumpona. N dɔma teŋe nyosone dɛɛ dawɛ n nɛ, ba bwara kpeɡri baa nyin mɛ dɛ́ kpo, ba ɡelɔ n berɛ bɔ kwaa maa wola ŋwɛɛ kem tɛɛ ba.

Lewi Dea Tena 5:13

Gɛɛ sɔfo la ɛɛ ba ɛɛ dɛ́ kpɔ soŋe ɡɛ wechɔɡa nɔ bini bɛlbwa naate aa ɛa la, ásɛ n kpɔ kɛo. Men la kar ɛ sɔfo la kwa ɡɛ baa dɛ ɛ mea saraha la.”

Lewi Dea Tena 5:6

dɛ́ lawɛ pelor kɛɛ bohlor le o kondɛɛra bini ba ɛ wechɔɡa kpɔe dɛ kɛ saraha, ásɛ sɔfo la kpɔ soŋe naate wechɔɡa n be, ásɛ n kpɔ kɛo.

Lewi Dea Tena 4:26

Ó kpɔ o noo la bwa, ásɛ dɛ fuah saraha kon la ta ɡɛ baa ɛa dɛɛ fuh deŋnesɔɔhna saraha kwaa la. Gɛɛ sɔfo la ɛɛ ba ɛɛ, dɛ́ soŋe naate la wechɔɡa n be, ásɛ n kpɔ kɛo.

Kaala 22:1

Korowii berɔ ŋɔ Mosis be ŋɔ, “Dɛ nomɛlbwa ŋwɛ nao kɛɛ pee dɛ kpo kɛɛ dɛ yoɡu waa, a chɛ kɛŋɔ ó bɔ nae anue, kɛɛ dɛ bɔ peera anaarɛ chiɡ pee la naa ta.

Lewi Dea Tena 7:2

A chɛ kɛ ba teŋe kon la baŋa bela baa dɛ teŋe saraha kwaa baŋa dɛɛ fuah la, ásɛ dɛ ɛ chal la ane merɛ saraha kon la baŋne anaarɛ la bwa ta.

Nɛra Kura 5:8

Dɛ naate waa ɛo wechɔɡa la sewaa, a chɛ kɛ ó bɔ tɛ o lole tenten. Dɛ o ta ɡɛ nɛn dɔe yaa, a ɛ men Korowii kwa. Ó bɔ tɛ sɔfo la dɛ́ kpɔ pebal ja, ásɛ sɔfo la kpɔ soŋe naate wechɔɡa n be ń kpɔ kɛo.

1 Samoɛl 6:3

Anee ba chaŋe ŋɔ, “Hé kpɔ Korowii Israel tena aa dɛ tomɔ, Ne Nɛwɛnyina Fɔo Daka la berɛ dɛɛ kaa o buɡ ta tenaa, he bɛ o ne kaa pɛɛpɛɛ. Hé kpɔ bolchɔɡe dii saraha kwaa ja ka tɛ Korowii. Anee dɛɛ ba ɡela he dɔ chaeh, ásɛ he jemɛ he deŋnetɛra mun.”

Lewi Dea Tena 4:20

ásɛ dɛ ɛ nao nɔ ɡɛ tenten waa ɛ wechɔɡa kpɔe dɛ kɛ saraha nao la. Gɛ ŋwɛnɛ nɔ taa sɔfo la ɛɛ ba kpɔe, dɛ́ soŋe ba wechɔɡa n be ásɛ n kpɔ kɛ ba.