Lewi Dea Tena 5:1 - mzwDBL

¹ Korowii berɔ ŋɔ, “Dɛ nomɛl dɔ waane, asɛ bɛl jemɛ a bini ba yerɔ ŋɔ o ba di danseɛ o ta waa waa naa kɛɛ dɛ jemɛ la bolaa, dɛ o ɛ wechɔɡa dɛ chɛ deŋnetɛra.

Lewi Dea Tena 5:1 ပူးပေါင်းရင်းမြစ်များ

Lewi Dea Tena 5:17

Dɛ nomɛlbwa jo waa maa do ba ŋɔ ba bɛ ɛ la bini bɛlbwa ta hale dɛ o ta nae yaa, dɛ o di bolchɔɡe dɛ chɛ deŋnetɛra.

Sɛɡla 29:24

He ne ŋwɛɛ dɛ bɔ aa, he ta he nyu, he bol kasinteŋ kɔɔto aa, ba dɛ tɛr he deŋne, he ta kasinteŋ bolɛ aa, Korowii dɛ taahne.

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Lewi Dea Tena 19:8

Nomɛlbwa waa di ɡɛ ol la chɛ kɛ bá tɛr o deŋne, dɛkalkɛ o chɔɡ kwaa aa do ɡoroŋ dɛ tɛ men Korowii. A chɛ kɛ ba pere naate le o nɛra bini.

Lewi Dea Tena 7:18

Nomɛlbwa waa di ɡɛ saraha ol waa di tɔpera atoro nɔ la, maa o saraha waa baa ɛ la lɛɛ ba. Dɛ aa were dɛɛ su men Korowii siwi kpa. N kia. Waa naate aa koh a waa ba ɛ saraha la berɔ dawɛ o nɛ. Nomɛlbwa waa di ɡɛ ol nɔ la ɛɛ dɔ deŋnetɛraa.

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

1 Koranar 8:31

Dɛ a balɔ kɛŋɔ nomɛl kpɔ wechɔɡa dɛɛ dawɛ o dɔŋ, asɛ a ba kɛŋɔ o ba he Dea nɔ bini dɛ ba che saraha kon la sie dɛ ŋwɛɛraa,

Nɛra Kura 9:13

Dɛ nomɛlbwa ta doŋa kaeh, o ta bobɛlbwa ɡe kaalɛ dɛ saah vɛh tɔpejen la dii yaa, baa naatee kure ja n nɛra nɛɛ kpa, dɛkalkɛŋɔ o ta o saraha kwaa kpɔe ba tɛ men Korowii a saŋ ta. Naate nyin waa dawɛ o nɛ, dɛ chɛ deŋnetɛra.

Lewi Dea Tena 20:17

Dɛ baa mo o nimambihaah o ne waa pɛ mɛɛ kɛɛ nya, kɛɛ o nimambihaah o ne waa pɛ mɛɛ ne nya bwa naa, a ɛ sihihwa tenten. A chɛ kɛ bá laɡ ba ka che nɛnfuuh baah ta, dɛ́ per ba le ba nɛra bini. O do o nimambie la sihiih dɛ chɛ deŋnetɛra.

Lewi Dea Tena 17:16

Kɛ dɛ naate ta o laala chɛɡɛ dɛ sɔ ne aa, wɛɛ dɔ a waa.”

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

Ɛsekeɛl 18:20

Naate waa dɛ ɛ wechɔɡa laanee dɛɛ sewɛ. Bie ta chɛ kɛ ó na wa o mɛɛ wechɔɡa wa, mɛɛ ɡe ta chɛ kɛ ó na wa o bie wechɔɡa wa. Nomɛlbwa o waa aa toɡra wɛɛ ɛ wedɛɛɡa dɛ́ dɔ andɛɛɡa, nomɛlbwa waa dɛ ɛ wechɔɡa ɡe, wechɔɡaa dɛɛ teŋɛ o nɛ.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Yela 38:4

N wechɔɡa ɡwaa n nɛɛ kohona, a do kɛ bontɔɡa maa wola won che.

2 Webena 18:15

Asɛ Kooro Ahab ŋɔ o be ŋɔ, “Keraŋwɛnɛɛ ń ɡel he ŋwɛɛ kɛŋɔ hé bol kasinteŋ Korowii sɔn ta nɔ?”

1 Koranar 22:16

Asɛ Kooro Ahab ŋɔ o be ŋɔ, “Keraŋwɛnɛɛ ń ɡel he ŋwɛɛ kɛŋɔ he bol kasinteŋ Korowii sɔn ta nɔ?”

Sitɔɔla 17:2

Awola bɛl, o iro dɛ ŋɔ o nya be ŋɔ, “N noɔ kɛ haa dɛ taah naate waa kpɔ he suuɡapoŋa kaɡboŋ dɛ lafa. Menee kpɔa, a lɔ n be.” Asɛ o berɛ kpɔ suuɡapoŋa la tɛ o nya, anee o nya ŋɔ, “N bie, Korowiirii dɛ sweere andɛɛɡa.”

Lewi Dea Tena 5:15

“Dɛ nomɛlbwa ɛ wechɔɡa o ta kwaa a fe aa chɛ kɛŋɔ ó kpɔ ba ɛ saraha tɛ mɛ ɡɛ aa chɛa dɛ o laa saahna aa, ó lawɛ pebal waa wola kirihiah bɛlbwa dii ba ɛ saraha, dɛ́ kpɔ bɔ o wechɔɡa kem. O yoɡ chɛ kɛ ó do ɡɛ baa maɡa bil Korowii Dea la aa doa. O ɛ bolchɔɡe dii saraha.

Lewi Dea Tena 4:2

ó ŋɔ Israel tena be ŋɔ, “Dɛ nomɛlbwa ɛ wechɔɡa dɛ jo waa maa do ba ŋɔ ba bɛ ɛ la bini bɛlbwa ta dɛ o laa saahnaa, waa aa chɛ kɛ o ɛ laanee nɔ.

Kaala 22:11

ba nɛra banɛ la bwa la Korowii sie, ásɛ naate waa dɛ nyiŋi kon la ta la ŋwɛɛ kɛŋɔ kon la toole o be. Kon te la chɛ kɛ ó no a mun ɡɛ, ate komɛlbwa toole naate bɔ tɛo kpa.

Jeremia 23:10

Jwamane su harɛ la ta, Korowii taahna nomanta, harɛ la chɔɡɔ, a ɡel kondɛɛra dibɔra aa lɔ pua hɛŋle ɡbo harɛ hol. Keamere la kpɔ ŋwɛnɛchɔɡa ta dɛɛ di kpeɡri.