Lewi Dea Tena 4:7 - mzwDBL

⁷ Ásɛ sɔfo la ɛ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni ta dɛ do n sie n Dea Cheremibɔr la bini la. Chal la kar la, ó le dɛ́ ka fuɡa ta o mun ta n doonyoa bela.

Lewi Dea Tena 4:7 ပူးပေါင်းရင်းမြစ်များ

Lewi Dea Tena 8:15

Asɛ Mosis teŋe o baŋa dɛ kpɔ nonii ɛ o chal la ane merɛ kwaa aa paaɡe saraha kon la loŋkoni ta, dɛ leo cheɡ o do ɡoroŋ. Asɛ dɛ berɛ fuɡe chal la kar do saraha kon la mun ta. O ɛ ɡɛ dɛ laa doŋa kpɔ saraha kon la ta o do ɡoroŋ.

Lewi Dea Tena 9:9

Asɛ o bibaala kpɔ chal la ba tɛo, o kpɔ nonii do a ta dɛ ɛ ane ɛ kwaa aa paaɡe saraha kon la loŋkoni ta la ta. Dɛ fuɡe chal la kabora ta saraha kon la mun ta.

Lewi Dea Tena 16:18

Wɛɛ berɔɔ le ba saraha kon la ta bela n sie, dɛ́ ba laa doŋa bɛlbwa kpɔ o ta. A chɛ kɛ ó kpɔ nao la chal la ane ne booh la chal ane, dɛ́ kpɔ ɛ kwaa aa paaɡe saraha kon la loŋkoni bwa ta.

Lewi Dea Tena 5:9

ásɛ dɛ kpɔ chal la ane ɛ saraha kon la keŋkeŋ. Ásɛ dɛ fuɡe chal la kabora la ta saraha kon la mun ta. Anɔɔ ɛ wechɔɡa kpɔe dɛ kɛ saraha.

Lewi Dea Tena 4:34

Ásɛ sɔfo la kpɔ nonii do chal la ta, dɛ́ ɛ ane ɛ kwaa aa paaɡe kon baa dɛ fuh saraha kwaa o ta la loŋkoni ta. Ásɛ dɛ fuɡe a kabora la ta o mun ta.

Lewi Dea Tena 4:18

Sɔfo la kpɔ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni la ta n sie, n Dea Cheremibɔr bela. Dɛ́ fuɡe chal la kabora ka ta kon baa dɛ fuh saraha kwaa o ta la mun ta, n Dea Cheremibɔr la doonyoa bɔr bela.

Lewi Dea Tena 4:30

Ásɛ sɔfo la kpɔ o nonii do chal la ta, dɛ́ ɛ ane ɛ kwaa aa paaɡe kon baa dɛ fuh saraha kwaa o ta la loŋkoni ta. Ásɛ dɛ fuɡe a kabora la ta o mun ta.

Hibru 9:21

Gɛ tentenee o yon ɛ chal la dɛ merɛ Korowii Tɛnte Dea la ne numoli ne koŋkwaare baa dɛ ɛ a ne toma bela la bwa ta.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

Ɛfesos 2:13

Kɛ taraken he banɔ la he ne Korowii baah fa aa jaŋa la, Korowii koh Yeesu Kristo seo waa sewa, asɛ he ne o won pɛ la wa, dɛ kpɔ heyaa ba o be.

Yela 118:27

Korowii beŋkpoŋ ɡboo lole, on sune ya nɛɛ dɛ lɛ yaa. Hé pa he tɔpejen dii la mun, dɛ́ kpoŋe bambie daa, dɛ́ ka valɛ bar kwaa aa do kɛ nyeɡlare, dɛ do Korowii saraha on la bɔr la.

Wepila 6:9

Asɛ Pebie la swe kwaa baa kpɔa marɛ tɔn nuete la. Waa sweo la, n nyiŋi Korowii Dea bela baa dɛ ɛ saraha dɛɛ tɛ Korowii la harɛbɔr, dɛ na lala baa koh Korowii Waa la wa, ne cheɡa baa cheɡa tɛo waa dɛ kpoo ba la.

Lewi Dea Tena 4:25

Ásɛ sɔfo la kpɔ o nonii do chal la ta, dɛ́ kpɔ ane ɛ kwaa aa paaɡe kon baa dɛ fuh saraha o ta la loŋkoni ta. Ásɛ dɛ fuɡe a kabora ta o mun ta.

Lewi Dea Tena 6:30

Kɛ wechɔɡa kpɔe dɛ kɛ saraha komɛlbwa baa kpɔ o chal jo n Dea Cheremibɔr, dɛ́ kpɔ soŋe wechɔɡa n be Boɡoroŋ bela la te ta chɛ kɛ ba dia. Fuih chɛ kɛ ba fuah.”

Kaala 29:12

Ásɛ dɛ kpɔ noni ɛ nao la chal la ane ɛ kwaa aa paaɡe saraha kon la loŋkoni ta la ta, dɛ́ fuɡe a kar ta saraha kon la mun ta.

Lewi Dea Tena 1:5

Ó teŋe nabal la baŋa n sie bela, ásɛ Arɔn bibaala sɔfore la ɛ chal la merɛ saraha kon waa lɔ n Dea Cheremibɔr doonyoa la bɔr la ta. Bá ɛ merɛ o baŋre anaarɛ la bwa ta.