Lewi Dea Tena 4:4 - mzwDBL

⁴ Ó lawɛ nabal la ba n sie n Dea Cheremibɔr la doonyoa bɔr bela, ásɛ dɛ kpɔ nɔn dawɛ o nyu ta, dɛ́ teŋe o baŋa n sie.

Lewi Dea Tena 4:4 ပူးပေါင်းရင်းမြစ်များ

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Lewi Dea Tena 16:21

Ó kpɔ nɔɔra dawɛ booh la nyu ta, ásɛ dɛ bol Israel tena chɔɡre, ba wechɔɡa ne ba deŋnekpeɡ bwa baa ɛa dɛ ta o nyu ta, dɛ́ kpɔ do nomɛl nɔn ta, ásɛ o teɡɔ kaa pua hɛŋle ɡbo harɛ ta.

Lewi Dea Tena 4:15

Nomonome baa chɔ ba nyoo la kpɔ nɔɔra dawɛ nao la nyu ta n sie, ásɛ mɔɔ dɛ teŋe o baŋa bela.

Lewi Dea Tena 4:29

Ó kpɔ nɔn dawɛ bohnee la nyu ta, dɛ́ teŋe o baŋa bela baa dɛ kpo saraha kwaa dɛɛ fuah la.

Lewi Dea Tena 8:14

Mosis lawɛ nabal baa kpɔ ɛ wechɔɡa kpɔe dɛ kɛ saraha la ba, asɛ Arɔn ne o bibaala kpɔ ba nɔɔra dawɛ o nyu ta.

Nɛra Kura 8:12

Lewi dea tena la aa kpɔ nɔɔra darawe nae la nyuune ta tonɛ la, bá kpɔ beŋkpoŋ ɛ wechɔɡa kpɔe dɛ kɛ saraha tɛ mɛ, asɛ dɛ kpɔ nɛɛte la ɡe ɛ saraha baa dɛ fuah dɛ́ kpɔ soŋe Lewi dea tena wechɔɡa n be tɛɛ ba.

2 Webena 29:23

Ba kpɔ boohna baa kpɔ ɛ wechɔɡa kpɔe dɛ kɛ saraha la ba kooro ne nɛra baa cheme bela la bwa sie, asɛ ba kpɔ nɔɔra dawɛ a nɛ.