Lewi Dea Tena 4:3 - mzwDBL

³ Dɛ Sɔfonomoa ɛa aa, o ɡelɔ nɛra la bwa di bolchɔɡe. A chɛ kɛŋɔ ó lawɛ nabal waa wola kirihiah bɛlbwa dii, dɛ́ kpɔ ɛ wechɔɡa kpɔe dɛ kɛ saraha tɛ mɛ o wechɔɡa la wa.

Lewi Dea Tena 4:3 ပူးပေါင်းရင်းမြစ်များ

2 Webena 29:21

Ba kpɔ nabala anuanɛ ne pebala anuanɛ, ne pebiiri anuanɛ dɛ bombala anuanɛ, dɛ ka ɛ wechɔɡa kpɔe dɛ́ kɛ saraha tɛ harɛ la nɛra bwa, ne Korowii Dea la, dɛ Juda harɛ nɛra ɡe bwa. Kooro do Arɔn naanar baa ɛ sɔfore la ŋɔ, bá kpoo kwaa la kon baa kpoo kwaa ɛ saraha dɛɛ tɛ Korowii la ta.

Ɛsra 8:35

Nɛra baa laɡ ba kaa bojaŋ harɛ ta aa le bela ba la, ba kpɔ saraha kwaa ba ba fuh tɛ Korowii Israel tena aa dɛ tomɔ. Ba kpɔ nabala fi dɛ anɛ tɛ Israel harɛ tena bwa, pebala fifraanuanaarɛ dɛ anumɛl ne pebali fifraanuanɛ dɛ anuanɛ, asɛ dɛ kpɔ bombala fi dɛ anɛ ɡe ɛ wechɔɡa kpɔe dɛ kɛ saraha soŋe ba wechɔɡa. Ba fuh ɡɛ kwaa nɔ bwa ɛ saraha tɛ Korowii.

Kaala 29:14

Nao la te bwa la, fuh o ol ne o tɔn ne o tea bini kwaa bwa bela baa soɡa la dahara. O ɛ wechɔɡa kpɔe dɛ́ kɛ saraha kon.

Kaala 29:21

Berɛ kpɔ chal la aa lɔ saraha kon la ta la ane, ásɛ dɛ fuɡe noo baa kpɔa dɛɛ do ba sɔfore ta la ane do Arɔn nyu ne o laala ta, dɛ́ berɛ do ane o bibaala la ɡe nyuune ta, dɛ́ ɛ merɛ ba ɡe laala ta. Gɛɛ dɛ ɡel o ne o bibaala la ne ba laala bwa do ɡoroŋ.

Kaala 29:7

Ásɛ dɛ fuɡe noo baa kpɔa dɛɛ do ba sɔfore ta la ane do o nyu ta.

Kaala 30:10

Benanyoa bɛlbwa, kerabeŋkpoŋii chɛ kɛ Arɔn ɛ wechɔɡa kpɔe dɛ kɛ saraha, dɛ́ kpɔ kon baa kpo ɛ saraha la chal laa doŋa kpɔ nyeɡlare la ta. O do ɡoroŋ kohona tɛ mɛ.”

Ɛsekeɛl 40:39

Bela baa cheɡa dɛɛ jo doonyoa ta la, teeburre anɛ cheɡɛ baŋ bɛlbwa ta. A taa baa kpoo saraha kwaa baa dɛ fuah, ne wechɔɡa kpɔe dɛ kɛ saraha, dɛ bolchɔɡe dii saraha kwa.

Ɛsekeɛl 43:19

A chɛ kɛ he lawɛ nabale ɛ wechɔɡa kpɔe dɛ kɛ saraha tɛ Lewi dea tena baa ɛ sɔfore dɛ ɛ Sadɔk naanar. Banee dɛɛ ba n sie dɛ baa tom mɛ. Men Nemenɛ Korowiirii bola.

Ɛsekeɛl 44:27

Awola waa ba jo Korowii Dea, o bini dembaah la ta bela dɛ́ ba ɛ toma la, ó ɛ wechɔɡa kpɔe dɛ́ kɛ saraha tɛ o te. Men Nemenɛ Korowiirii bola.

Lewi Dea Tena 1:10

Dɛ nomɛlbwa saraha kon ɛ kondɛɛre kɛŋɔ pee, kɛɛ booh naa, o ɛ ombal waa wola kirihiah bɛlbwa dii.

Lewi Dea Tena 1:3

Dɛ nawee wɛɛ ba kpɔe dɛ ɛ saraha baa fuh tɛ mɛ naa, ó lawɛ ombal waa wola kirihiah bɛlbwa dii. N Dea Cheremibɔr doonyoa belaa ó che dɛ́ kpɔ ba tɛ mɛ ásɛ n lɛ.

Lewi Dea Tena 16:11

Arɔn chɛ kɛ ó lawɛ nabale la waa kpɔ ba ɛ o ɡbabir wechɔɡa kpɔe dɛ kɛ saraha, dɛ́ soŋe o ne o dem tena wechɔɡa name, dɛ́ teŋe o baŋa, dɛ́ kpɔ ɛ wechɔɡa kpɔe dɛ kɛ saraha la.

Lewi Dea Tena 16:3

Dɛ wɛɛ won jo Korowii Dea belaa, atane ó kpo nabale dɛ́ ɛ wechɔɡa kpɔe dɛ kɛ saraha, ne pebal dɛ́ ɛ saraha baa fuuh tɛ mɛ la mɔɔ.

Lewi Dea Tena 16:5

Israel tena la chɛ kɛŋɔ bá tɛ Arɔn bombala anɛ ó kpɔ ɛ wechɔɡa kpɔe dɛ kɛ saraha, dɛ pebal waa kpɔ ɛ saraha baa fuah la.

Lewi Dea Tena 16:6

Árɔn tɔ sie kpɔ nabale la ba ó ɛ wechɔɡa kpɔe dɛ kɛ saraha, dɛ́ kpɔ soŋe o ne o dem tena wechɔɡa, ásɛ n kpɔ kɛ ba.

Lewi Dea Tena 4:14

Dɛ ba berɔ ba na kɛŋɔ ba ɛ wechɔɡa aa, bá bwa pɛ dɛ lawɛ nabal ba n Dea Cheremibɔr doonyoa bɔr bela, dɛ́ kpɔ ba ɛ ba wechɔɡa kpɔe dɛ kɛ saraha.

Lewi Dea Tena 4:23

Dɛ o berɔ ba na kɛŋɔ o ɛ wechɔɡa aa, a chɛ kɛ o lawɛ bombal waa wola kirihiah bɛlbwa dii ba ɛ saraha.

Lewi Dea Tena 4:28

Dɛ o berɔ ba na kɛ o ɛ wechɔɡa aa, a chɛ kɛ o lawɛ bohnee waa wola kirihiah bɛlbwa dii ba ɛ saraha o wechɔɡa la wa.

Lewi Dea Tena 4:5

Sɔfo nomoa la kpɔ nabal la chal ane kaa n Dea Cheremibɔr la bini,

Lewi Dea Tena 5:6

dɛ́ lawɛ pelor kɛɛ bohlor le o kondɛɛra bini ba ɛ wechɔɡa kpɔe dɛ kɛ saraha, ásɛ sɔfo la kpɔ soŋe naate wechɔɡa n be, ásɛ n kpɔ kɛo.

Lewi Dea Tena 6:18

Anɔ ɛ waa dɛ chɔ tɛ Arɔn bibaala ne o naanar bibaala baa ka ba saŋ bɛlbwa. Banee dɔ dibɔr saraha kwaa baa kpɔ ba fuah la ta. Nɛmpɛɛ kɛɛ komɛlbwa waa kpɔ o te leɡa la, dɛ o dɔ wa.”

Lewi Dea Tena 8:12

O berɔ fuɡe noo la ane do Arɔn nyu ta, dɛ leo cheɡ o do ɡoroŋ.

Lewi Dea Tena 9:2

Mosis ŋɔ Arɔn be ŋɔ, “Lawɛ nabale ne pebal a bini bɛlbwa aa wola kirihiah dii ba Korowii sie. Ásɛ nao la ɛ wechɔɡa kpɔe dɛ kɛ saraha kon, ásɛ pee la ɡe hé kpɔ ɛ saraha baa fuuh.

Lewi Dea Tena 9:3

Ásɛ he ŋɔ Israel tena be ŋɔ bá nyin bombal ba ɛ wechɔɡa kpɔe dɛ kɛ saraha, ne nabale waa di benanyoa ne pee waa di benanyoa, a bɛlbwa aa wola kirihiah dii la ba ɛ saraha baa fuah,

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Nɛra Kura 8:8

Gel ba kpɔ nabale ba, dɛ́ kpɔ men aa kpera kɛrɛdɛ noo koo a ta ɛ mea saraha ja o ta. Berɛ lɛ nabale la bɛl ja, dɛ́ kpɔ ɛ wechɔɡa kpɔe dɛ kɛ saraha.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Hibru 5:3

Gɛ o yon kpo kwaa ɛ saraha dɛɛ tɛ nɛra ba wechɔɡa waa la, ɡɛɛ wɛɛ ba ɛɛ dɛɛ tɛ o tenten, dɛkalkɛŋɔ o ɡba ɡe dɛ ɛ wechɔɡa.

Hibru 9:12

Yeesu Kristo jo Korowii Boɡoroŋ Tenten la. Waa jo bela la, boohna ne nabie chal laa o kpɔ jo bela. O ɡbaɡba chalee o kpɔ jo bela, dɛ lɛ yaa ta aa wola jaɡaa dɔ bwa. Kerabeŋkpoŋii o jo bela. A ta hiaih kɛŋɔ o jo bela kpa.