Lewi Dea Tena 4:12 - mzwDBL

¹² ne nao la kar te bwa chɛ kɛ sɔfo la kpɔ le kaa bela baa soɡa la dahara baa ɛo o do wer dɛ fuɡe tɔɔ kaa ta la. Ásɛ dɛ mar nii dɛ fuuh.

Lewi Dea Tena 4:12 ပူးပေါင်းရင်းမြစ်များ

Hibru 13:11

Juu tena Sɔfonomoa dɛ ba chal ne saraha ɛɛ Boɡoroŋ Tenten la aa, o dɛ jo a ne bela dɛ́ kpɔ soŋe o nɛra wechɔɡa. Kondɛɛra la baa ɛ a chal la te la, ba dɛ le a ne dahara dɛ́ ka fuah.

Kaala 29:14

Nao la te bwa la, fuh o ol ne o tɔn ne o tea bini kwaa bwa bela baa soɡa la dahara. O ɛ wechɔɡa kpɔe dɛ́ kɛ saraha kon.

Lewi Dea Tena 16:27

Nabale la ne booh baa kpɔa ɛ wechɔɡa kpɔe dɛ kɛ saraha, dɛ kpɔ a chal ba Boɡoroŋ Tenten bela ba soŋe wechɔɡa la, a ɡe chɛ kɛ bá chea le bela baa soɡa la dahara dɛ́ ka fuah. A tɔne ne ola, dɛ a tea bini kwaa bwa chɛ kɛŋɔ bá fuah.

Nɛra Kura 19:5

Wɛɛ cheo nyiŋi bá fuh nabir la. O tɔn ne o ol, ne o chal dɛ o tea bini kwaa bwa.

Nɛra Kura 19:3

Hé lawɔ tɛ sɔfo Eliasa, ásɛ o le o ne he bini kaa dahara dɛ́ ka kpoo n siwi ta.

Nɛra Kura 15:35

Asɛ Korowii ŋɔ Mosis be ŋɔ, “Baa nɔ chɛ kpoe. A chɛ kɛ Israel tena la bwa lawɔ kaa bela baa baŋre ba tɛnte deene la dahara, dɛ́ ka foɡro bwea kpo.”

Nɛra Kura 5:3

Haahna ne baala bwa baa do ɡɛ la, bá le ba ne dahara, ásɛ ba bɛ doŋa ba kpɔ kah bela haa soɡa n do he baah ta la.”

Lewi Dea Tena 13:46

Weela la taa lɔ o nɛɛ nɔ, ɡɛɛ doŋa ɡe ɛɛ ba o nɛɛ doe. A chɛ kɛ ó le nɛra bini, dɛ́ ɡbo ka so bela baa soɡa la dahara.

Lewi Dea Tena 4:21

Ó kpɔ nao la kaa bela baa soɡa la dahara, dɛ́ ka fuuh kɛŋɔ waa fuh loɡla kon la. Anɔ ɛ wechɔɡa kpɔe dɛ kɛ saraha aa kpɔ Israel tena bwa wechɔɡa kɛ ba.

Lewi Dea Tena 6:30

Kɛ wechɔɡa kpɔe dɛ kɛ saraha komɛlbwa baa kpɔ o chal jo n Dea Cheremibɔr, dɛ́ kpɔ soŋe wechɔɡa n be Boɡoroŋ bela la te ta chɛ kɛ ba dia. Fuih chɛ kɛ ba fuah.”

Lewi Dea Tena 8:17

Nao la kar te bwa la, o fuh o ol bwa ne o tɔn ne o tea bini kwaa bwa bela baa soɡa la dahara, ɡɛ Korowii aa doo la.

Lewi Dea Tena 9:11

Kɛ o ol la kar ne o tɔn la te, ó le ane bela baa soɡa la dahara dɛ ka fuah.

Ɛsekeɛl 43:21

Kpɔ nabale la ɛ wechɔɡa kpɔe dɛ kɛ saraha, dɛ́ fuuh bela baa lea cheɡ Korowii Dea la dahara bela.

Lewi Dea Tena 6:4

dɛ o di bolchɔɡe. A chɛ kɛ o berɛ kwaa waa ŋwɛa, kɛɛ dɛ faah nɛra, ne anɔ la waa kpɔa tɛo ŋɔ o cheɡ kɛɛ anɔ la aa nyoɡra o kpaah la,

Lewi Dea Tena 6:23

Mea saraha bɛlbwa sɔfo aa ɛ tɛ mɛ la ta dii doe, fuih chɛ kɛ ba fuh a bwa.”