Lewi Dea Tena 3:9 - mzwDBL

⁹ Deŋnesɔɔhna saraha pebie la haa fuh o pera tɛ mɛ laanee o no, ne o muŋɡo ne noo aa lɔ o ta bwa, dɛ o noyal la bwa,

Lewi Dea Tena 3:9 ပူးပေါင်းရင်းမြစ်များ

2 Samoɛl 6:17

Israel tena la kpɔ Korowii Ne Nɛwɛnyina Fɔo Daka la ba cheɡ o chebɔr, tɛnte dea Kooro Devid aa baŋro la bini, asɛ dɛ kpɔ saraha kwaa baa fuah, ne deŋnesɔɔhna sarahare ba Korowii sie bela.

1 Koranar 3:15

Ate, Kooro Solomɔn har dom ta dɛ na kɛŋɔ deeraa o dee. Asɛ o ba Jerusalam dɛ la ka che Korowii Ne Nɛwɛnyina Fɔo Daka la sie, dɛ fuh kwaa ɛ saraha ne deŋnesɔɔhna saraha tɛ Korowii. A habɔɔ, o ɛ kondikonjena, dɛ ta nɔn yerɛ o nomonome bwa.

1 Koranar 8:63

Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ dɛ kpɔ Dea la do Korowii nɔn ta.

1 Koranar 8:64

Awola tenten la, Kooro Solomɔn le dembaah waa lɔ Korowii Dea sie la cheɡ o do ɡoroŋ tɛ Korowii. Belaa o kpo kwaa dɛ fuah, dɛ ɛ mea sarahare, dɛ fuh ola la noorare ɛ deŋnesɔɔhna sarahare, dɛkalkɛŋɔ saraha kon baa kpɔ ayaawa ɛo la aa kanɛ kɛ a ɡɛ kwaa la bwa won jo o ta.

1 Webena 16:1

Israel tena la kpɔ Korowii Ne Nɛwɛnyina Fɔo Daka la ba cheɡ tɛnte dea Kooro Devid aa baŋro la bini, asɛ ba kpɔ saraha kwaa baa fuah ne deŋnesɔɔhna sarahare ba Korowii sie bela.

Kaala 29:22

Kpɔ pee la no ne anɔ la aa lɔ o muŋɡo ta bwa, ne o noyal ne o pwɛ bela waa wera, ne o kporombie anɛ ne noorare aa ja a ta bwa dɛ o nadiɡ hwi.

Sɛɡla 23:26

N bie, cheɡ deŋne kɛrɛdɛ, ásɛ dɛ kpɔ n da.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Lewi Dea Tena 17:5

Gɛɛ dɛɛ ba ɡela Israel tena baa kpoo kwaa dɛɛ ɛ saraha kpɔɡ bini taraken nɔ ɡel a ɛɛ. Bá kpɔa ba sɔfo be n Dea Cheremibɔr bela n sie ba ɛ deŋnesɔɔhna saraha tɛ mɛ.

Lewi Dea Tena 7:3

O noorare la bwa chɛ kɛ bá kpɔ tɛ mɛ. O muŋɡo noo la ne o noyal waa lɔ o tea bini bwa,

Lewi Dea Tena 8:25

O kpɔ o no, ne anɔ la aa lɔ o muŋɡo ta bwa ne o noyal ne o pwɛ bela waa wera, ne o kporombie anɛ ne a noorare aa lɔ a ta dɛ o nadiɡ hwi.

Lewi Dea Tena 9:19

Arɔn kpɔ nao la ne pee la noorare, ne o muŋɡo noo ne o noyal, ne o kporombie dɛ o pwɛ bela waa wera la,

Nɛra Kura 7:88

Kondɛɛra baa kpɔa ka ɛ deŋnesɔɔhna saraha la ɡe lɔ nae fifraanɛ dɛ anaarɛ, ne pebala fifraanumɛl ne bombala fifraanumɛl, dɛ pebali fifraanumɛl a bɛlbwa aa di benanyoa. A ɡɛ kwaa nɔɔ ba kpɔ tɛ, dɛ kpɔ saraha kon baa fuɡe noo yɔɔro la do men Korowii nɔn ta.

1 Samoɛl 10:8

Berɛ tɔ n sie dɛ kaa bwɛjen Gelɡal. Mɛɛ pui belaa dɛ́ ba fuh kwaa ɛ saraha ne deŋnesɔɔhna saraha. Kɛ so ka tel tɔpera anuanɛ mɔɔ ń ba baɡle waa haa ɛ.”