Lewi Dea Tena 3:5 - mzwDBL

⁵ Ásɛ Arɔn bibaala la fuah ja anɔ la aa lɔ saraha kon la ta dɛɛ fuh la ta. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 3:5 ပူးပေါင်းရင်းမြစ်များ

Lewi Dea Tena 6:12

A chɛ kɛ ba ɡel nii la ɛɛ hɔ saraha kon la ta dɛ bɛ dime bwa. Chɔɔ bɛlbwa la, a chɛ kɛ sɔfo la pa daa do nii la ta, ásɛ dɛ kpɔ saraha kwaa baa dɛ fuah la dawɛ a ta, dɛ́ kpɔ deŋnesɔɔhna saraha noorare la ɡe ja a ta fuh.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Kaala 29:13

Laa o noyal bwa ne o pwɛ bela waa wera, ne o kporombie anɛ la dɛ a noorare bwa kpɔ, dɛ́ fuah saraha kon la ta.

Ɛsekeɛl 44:15

Kɛ Sadɔk naanar baa ɛ Lewi dea sɔfore dɛ kpɔ kasinteŋ ba tom mɛ n Dea bela, ɡɛ saŋ Israel tena aa le n habɔɔ la, banee ba n sie bela dɛ ba tom mɛ. Kɛ taraken, bá ba che n sie dɛ́ kpɔ ola noorare ne a chale ɛ sarahare dɛɛ tɛ mɛ. Men Nemenɛ Korowiirii bola.

Ɛsekeɛl 44:7

A bwa habɔɔ, he ɡelɔ nɛŋhɔɔhra baa wola ba pena teŋe, baa wola men duu, ba jo n Dea la ta, dɛ kpɔ doŋa kaoh, ɡɛ saŋ haa kpɔ kondikwaa ne ola noorare, dɛ a chale ba ɛ saraha dɛɛ tɛ mɛ. A cheɡɛ a ta he chɔɡ n ne he fɔo la.

2 Webena 35:14

Anɔ habɔɔ, Lewi dea tena la yon kpɔ ola la ane, dɛ tɛ sɔfore baa ɛ Arɔn naanar sɔfore la ɡe, dɛkalkɛ jwaana bwaa sɔfore la yon so dɛɛ fuh saraha kwaa ne a noorare bɔra la. Gɛɛ Lewi dea tena la yon laa ba dibɔr kpɔ, dɛ laa anɔ la ɡe aa ɛ sɔfore baa le Arɔn luɡe ta dibɔr kpɔ tɛɛ ba.

1 Koranar 8:64

Awola tenten la, Kooro Solomɔn le dembaah waa lɔ Korowii Dea sie la cheɡ o do ɡoroŋ tɛ Korowii. Belaa o kpo kwaa dɛ fuah, dɛ ɛ mea sarahare, dɛ fuh ola la noorare ɛ deŋnesɔɔhna sarahare, dɛkalkɛŋɔ saraha kon baa kpɔ ayaawa ɛo la aa kanɛ kɛ a ɡɛ kwaa la bwa won jo o ta.

Lewi Dea Tena 4:35

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la kpɔ ja kwaa baa kpɔa ba ɛ saraha dɛ́ fuah tɛ mɛ la ta. Gɛɛ sɔfo la ɛɛ ba ɛɛ, dɛ́ soŋe naate wechɔɡa waa ɛa n be ásɛ n kpɔ kɛo.”

Lewi Dea Tena 4:31

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la fuah saraha kon la ta a sɔɔh do som men Korowii be. Gɛɛ sɔfo la ɛɛ ba ɛɛ, dɛ́ soŋe naate wechɔɡa la n be, ásɛ n kpɔ kɛo.

Lewi Dea Tena 1:9

Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 3:4

ne o kporombie dɛ noorare aa tɔ a ta bwa, ne o pwɛ bela waa wera la.

Lewi Dea Tena 3:11

Sɔfo la fuah saraha kon la ta bela kɛŋɔ mea saraha baa fuah dɛɛ tɛ mɛ.

Lewi Dea Tena 7:28

Korowii berɔ ŋɔ Mosis be ŋɔ

Lewi Dea Tena 9:17

O berɔ kpɔ mea saraha la ɡe ba, dɛ ɛ nɔndel dɛ pɛ fuah kon baa dɛ ɛ saraha o ta la ta, ane saraha kwaa baa dɛ fuah chɔɔ bɛlbwa la bwa.

Nɛra Kura 15:8

Dɛ he kpɔ nabale dɛɛ ba ba ɛ saraha baa fuuh kɛɛ nyobaɡa saraha kɛɛ deŋnesɔɔhna saraha tɛ Korowii aa,

Nɛra Kura 28:3

Kwaa haa kpɔ ba ɛ saraha dɛ́ fuah dɛɛ tɛo tɔpere bɛlbwa laanee, pebali anɛ bɛlbwa aa di benanyoa waa wola kirihiah bɛlbwa dii.

Nɛra Kura 28:12

Hé kpɔ men baa nama a kper kɛrɛdɛ kuruware atoro, dɛ́ kpɔ koo ɔleve noo ta ne nabal beŋkpoŋ la ta, á ɛ mea saraha. Ásɛ dɛ kpɔ men kuruware anɛ ja pebal la ta.

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 1:17

Ásɛ dɛ lawɛ o kena dɛ́ pere o bini anɛ, dɛ bɛ ɡel o cha ta. Ásɛ sɔfo la fuuh nii la ta. Anɔ nɔɔ ɛ saraha ba yon fuh o bwa o sɔɔh ɛɛ do som n be.”

Nɛra Kura 18:17

Nao kɛɛ pee, kɛɛ booh biloɡle waa ɛ ombal te, he bɛ a nyuune charɛ. A te ɛ n kwa. Hé kpɔ a chale merɛ saraha kon la ta, ásɛ dɛ fuh a noorare la kɛŋɔ saraha baa dɛ fuah. A sɔɔh ɛɛ do men Korowii somee.