Lewi Dea Tena 3:1 - mzwDBL

¹ Korowii berɔ ŋɔ, “Dɛ nomɛlbwa kpɔ nao ba, dɛ́ ba ɛ deŋnesɔɔhna saraha tɛ mɛ naa, ó lawɛ ombal kɛɛ onnee waa wola kirihiah bɛlbwa dii, dɛ́ kpɔ ba n sie.

Lewi Dea Tena 3:1 ပူးပေါင်းရင်းမြစ်များ

Nɛra Kura 6:14

ásɛ o kpɔ saraha kwaa ba tɛ mɛ. Anee pebal waa di benanyoa waa wola kirihiah bɛlbwa dii ba ɛ saraha baa dɛ fuah, ne pelor waa di benanyoa waa wola kirihiah bɛlbwa dii ba ɛ wechɔɡa kpɔe dɛ kɛ saraha, dɛ pebal waa wola kirihiah bɛlbwa dii ba ɛ deŋnesɔɔhna saraha.

Lewi Dea Tena 1:3

Dɛ nawee wɛɛ ba kpɔe dɛ ɛ saraha baa fuh tɛ mɛ naa, ó lawɛ ombal waa wola kirihiah bɛlbwa dii. N Dea Cheremibɔr doonyoa belaa ó che dɛ́ kpɔ ba tɛ mɛ ásɛ n lɛ.

1 Jɔn 1:3

Anɔ la yaa naa dɛ no laanee yaa bol he ɡe be, ásɛ he no dɛ́ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Emɔs 5:22

A lole kɛŋɔ he kpɔ saraha kwaa baa dɛ fuah ne mea sarahare baa tɛ mɛ, maa an lɛ. He kpɔ deŋnesɔɔhna sarahare baa tɛ mɛ te, n sie aa a taa lɛ.

Kolosi 1:20

O ɛ ɡɛ dɛ che o Bie la nɛɛ dɛ kwaa o ne kwaa aa lɔ nyundua ne harɛ bwa baah. O ɡelɔ o Bie sewɛ daɡaɡre la ta o chal kwaa wobɛlbwa.

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Malakae 1:8

Koranar Bwa Kooro ŋɔ, “He kpɔ kondɛɛra aa nyoŋa, ne anɔ la aa wola won valɛ, dɛ anɔ la bwara aa dɛ wea ba ɛ saraha tɛ mɛ naa, a ta wechɔɡa ɛɛ yaa? He kpɔ ɡɛ kwaa nɔ ka tɛ he harɛ nomoa aa, aa do o somee yaa? O sie ɛɛ lɛ he nɛɛ dɛ ɛ he wesoŋa tɛ heya aa?

Ɛsekeɛl 45:15

Pee beŋkpoŋii chɛ kɛ hé lawɛ le kondɛɛre lafraanɛ bɛlbwa aa dɔ dibɔrdɛɛɡe Israel harɛ ta dɛɛ di ba tɛ mɛ. A ɡɛ peera laanee baa ba kpɔe ja mea sarahare ne saraha kwaa baa fuah, dɛ deŋnesɔɔhna sarahare ta, dɛ́ kpɔ soŋe nɛra la wechɔɡa n be n kpɔ kɛ ba. Men Nemenɛ Korowiirii bola.

Sɛɡla 7:14

“Fini n kpo kon dɛ ɛ deŋnesɔɔhna sarahare, asɛ a ka ola la ane.

1 Webena 21:26

Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah ne deŋnesɔɔhna sarahare tɛo. O soŋe Korowii asɛ o ɡel nii le nyundua, dɛ ba fuh saraha kwaa la bwa.

Sitɔɔla 21:4

Tɔ aa pera chɔmbibi la, nɛra la ɛ kon baa dɛ ɛ saraha o ta bela, dɛ ɛ saraha baa dɛ fuah ne deŋnesɔɔhna saraha o ta tɛ Korowii.

Sitɔɔla 20:26

Asɛ Israel tena la bwa la Bɛtel dɛ ka so Korowii sie dɛ wi noo ja. Ba vɔwɛ nyoa awola tɔpere le chɔɔ ka tel jɔmɔra. Ba fuh kwaa ɛ saraha ne deŋnesɔɔhna saraha tɛ Korowii.

Nɛra Kura 7:17

ne nabala anɛ baa fɔɡa, ne pebala anue ne bombala anue, dɛ pebali anue a bɛlbwa aa di benanyoa, bá kpɔ ɛ deŋnesɔɔhna saraha. A nɔɔ ɛ Aminadab bibaa Naasɔn saraha kwaa waa ba ane.

Lewi Dea Tena 17:5

Gɛɛ dɛɛ ba ɡela Israel tena baa kpoo kwaa dɛɛ ɛ saraha kpɔɡ bini taraken nɔ ɡel a ɛɛ. Bá kpɔa ba sɔfo be n Dea Cheremibɔr bela n sie ba ɛ deŋnesɔɔhna saraha tɛ mɛ.

Kaala 29:28

Anee ɛ dibɔra aa chɛ kɛŋɔ saŋ bɛlbwa Israel tena kpɔ baa tɛ Arɔn ne o bibaala. A ɛ bɔra aa chɛ kɛŋɔ bá kpɔ ba tɛ men Korowii dɛ le deŋnesɔɔhna saraha kwaa ta.

Kaala 24:5

Asɛ o tomɛ Israel bonɔɔna ba ka fuh kwaa ɛ saraha, dɛ kpoo nabali ɛ deŋnesɔɔhna saraha tɛo.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Lewi Dea Tena 3:6

Dɛ nomɛl lawɛ pee kɛɛ booh dɛɛ ba ba ɛ deŋnesɔɔhna saraha tɛ mɛ naa, ó lawɛ ombal kɛɛ onnee waa wola kirihiah bɛlbwa dii.

Lewi Dea Tena 9:18

O teŋe nabal la ne pebal la baŋa dɛ kpɔ ɛ deŋnesɔɔhna saraha tɛ nɛra la. O bibaala ɛ a chale la ba tɛo, asɛ o ɛ merɛ saraha kon la baŋne anaarɛ la bwa ta.

Nɛra Kura 7:59

ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Pedasur bibaa Gamaleɛl kwaa waa kpɔa ba.

Nɛra Kura 15:8

Dɛ he kpɔ nabale dɛɛ ba ba ɛ saraha baa fuuh kɛɛ nyobaɡa saraha kɛɛ deŋnesɔɔhna saraha tɛ Korowii aa,

Mmarare 12:27

Ásɛ he kpɔ ol la ne chal la bwa ɛ saraha bela baa kpoo kwaa dɛ fuah dɛɛ tɛ Korowii la, dɛ́ fuɡe ol la bɛl ɡe chal ta bela baa kpoo kwaa dɛɛ fuah la, ásɛ dɛ di ol la te.

Ɛsekeɛl 43:27

Tɔpera anuanɛ nɔ ba a jaɡa aa, tɔpenuatoro wee la, sɔfore la chɛ kɛŋɔ bá kpɔ saraha kwaa haa fuah, ne deŋnesɔɔhna sarahare la ba saraha kon la ta, ásɛ n lɛ heyaa do. Men Nemenɛ Korowiirii bola.”

Lewi Dea Tena 1:10

Dɛ nomɛlbwa saraha kon ɛ kondɛɛre kɛŋɔ pee, kɛɛ booh naa, o ɛ ombal waa wola kirihiah bɛlbwa dii.

Lewi Dea Tena 9:4

ne nabal dɛ pebal ba ɛ deŋnesɔɔhna saraha tɛ Korowii. Bá kpɔ noo koo mea saraha ta dɛ́ kpɔa ja ba tɛ Korowii. Hé ɛ ɡɛ dɛkalkɛ fini Korowii dɛ́ ba he be.”