Lewi Dea Tena 27:3 - mzwDBL

³ ɡɛ bɛlbwa baa sɛah kɛŋɔ bá bɔ. Baa waa di bene dɛ le fifraanɛ ka tel fifraanumɛl la, bá bɔ suuɡapoŋa fifraanue, ɡɛ baa maɡa bil Korowii Dea la.

Lewi Dea Tena 27:3 ပူးပေါင်းရင်းမြစ်များ

2 Koranar 12:4

Awola bɛl, Kooro Joas ŋɔ sɔfore la be ŋɔ, “Hé lɛ suuɡare baa dɛ ba a ne baa ɛ sarahare Korowii Dea la bwa. Anɔ la baa dɛ ba a ne tɔpere bɛlbwa, ne deŋnesɔɔhna kwaa ne an la aa le bambile bini ba kpɔ dɛɛ ba bwa.

Kaala 30:13

Bɛlbwa waa ɡale ka ja banɔ la baa kur ba nɛɛ la chɛ kɛ ó bɔ suuɡapoŋ fah ɡɛ baa maɡa bil Korowii Dea a ɛ suuɡa bwejeɡre fifraanɛ. A ɡɛ suuɡapoŋ fah nɔ ɛ saraha dɛ tɛ men Korowii.

Kaala 38:24

Suuɡaswɛm nɛra aa kpɔa ba tɛ Korowii ba kpɔ ɛ o Dea la toma tɔɡre ɛɛ ɡwaa kilore kaɡboŋii, ɡɛ baa maɡa bil Korowii Dea la.

Lewi Dea Tena 27:14

Dɛ nɛn kpɔ o dem tɛ ŋɔ o ɛ men Korowii kon aa, sɔfoo chɛ kɛŋɔ ó baɡle o wer ne o wer bɛ doe bwa dɛ́ baɡle o yoɡ. Gɛ bwa waa baɡle la, dɛ o yoɡii.

Lewi Dea Tena 27:25

Gɛ baa maɡa bil Korowii Dea a ɛ suuɡa bwejeɡre fifraanɛ la taa baa ba nyiŋa, dɛ́ baɡle komɛlbwa yoɡ.

Lewi Dea Tena 27:4

Hanomoa ɡe, suuɡapoŋa fifraatoroo chɛ kɛŋɔ bá bɔ.

Lewi Dea Tena 5:15

“Dɛ nomɛlbwa ɛ wechɔɡa o ta kwaa a fe aa chɛ kɛŋɔ ó kpɔ ba ɛ saraha tɛ mɛ ɡɛ aa chɛa dɛ o laa saahna aa, ó lawɛ pebal waa wola kirihiah bɛlbwa dii ba ɛ saraha, dɛ́ kpɔ bɔ o wechɔɡa kem. O yoɡ chɛ kɛ ó do ɡɛ baa maɡa bil Korowii Dea la aa doa. O ɛ bolchɔɡe dii saraha.

Lewi Dea Tena 6:6

A chɛ kɛ naate lawɛ pebal waa wola kirihiah bɛlbwa dii o yoɡ do ɡɛ baa maɡa la ba tɛ sɔfo la, ásɛ o kpɔ ba ɛ bolchɔɡe dii saraha tɛ men Korowii dɛ́ kpɔ bɔ o wechɔɡa la kem.

Nɛra Kura 18:16

Bibanloɡle waa di korobie la, hé kpɔ suuɡapoŋa anue charɛ o nyu, ɡɛ baa maɡa bil Korowii Dea bela aa ɛ suuɡa bwejeɡre fifraanɛ la.

Nɛra Kura 3:47

bá kpɔ suuɡapoŋa anue charɛ bɛlbwa nyu, ɡɛ baa maɡa bil Korowii Dea a ɛ suuɡa bwejeɡre fifraanɛ la.