Lewi Dea Tena 26:4 - mzwDBL

⁴ mɛɛ ɡeloo bwaala nɛ o saŋ ta kɛrɛdɛ, ásɛ harɛ la ɛ kondikwaa kohona, daa haa dua he kooni ta ɡe bwa won nɔnɛ kɛrɛdɛ.

Lewi Dea Tena 26:4 ပူးပေါင်းရင်းမြစ်များ

Sekaria 8:12

Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa.

Yela 67:6

Kondikwa ɛɛ wonoo ɛ ya harɛ nɔ ta kohona, Korowii yaa dɛ tomɔ la ɛɛ swee yaa andɛɛɡaa.

Ɛsekeɛl 36:30

Mɛɛ ɡeloo he daa nɔnɛ kɛrɛdɛ, ásɛ koo kondikwaa ɡe ɛ kohona, ásɛ sihiih bɛ heyaa kpo harɛre ta nɛra be kondikwaa wa.

Aesaya 30:23

Korowii ɛɛ nɛ bwaalaa do kwaa haa dua ta, ásɛ a do wer dɛ́ ɛ kɛrɛdɛ. He kondɛɛra ɛɛ dɔ bɔr waa kanaa dɛɛ di.

Job Tɔn 5:10

O ɡelɔ bwaala ɛɛ nɛ harɛ ta, dɛ ɡel wɛɛ tel kpɔɡbaah bwa.

Mmarare 28:12

Wɛɛ pili nyundua dɛ́ nɛ bwaala saŋ waa wera ta, dɛ́ kpɔ cha he toma ásɛ he dɔ dɛ́ kpɔ ane cha harɛre ane ɡe, he te aa wola ba bee la ka kemɛ bwa.

Mmarare 11:14

wɛɛ ɡeloo bwaala nɛ heyaa saŋ aa chɛa ta, bwaala loɡla ne yoo bwaala bwa, ásɛ mea ne senfala ne ɔleve noo bu he nɛ,

Lewi Dea Tena 25:21

Mɛɛ ɡeloo harɛ la do wer kohona bennumɛl la ta, ásɛ kondikwaa aa le o ta ba la won tel heya bene atoro.

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Yela 85:12

Korowii ɛɛ ɡeloo ya wobɛlbwa do wer, ásɛ kondikwa kohona ba ya harɛ nɔ ta.

Yela 68:9

N Naa Korowii, he ɡelɔ bwaala nɛ kohona, dɛ sɔɔh harɛ haa kpɔa baɡɛ yaa nyoa la ta.

Wepila 11:6

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.

Jems 5:7

Kɛ yabala, hé lawɛ bambile, dɛ́ ka tel ɡɛ saŋ ya Dɔɔ la aa ba. Hé na ɡɛ paa yon so kpa bwaala loɡla á nɛ ó du o kwa, dɛ́ lawɛ bambile, ásɛ yoo ɡe yo mɔɔ o koo kwaa la yon ɛ la.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Yela 104:13

He ɡelɔ bwaala le nyundua, dɛ nɛ bwea dor, asɛ harɛ bwa vaɡɛ ne.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

Lewi Dea Tena 25:19

Harɛ la ɛɛ ɛ kondikwaa tɛ heyaa he di ɡɛ haa dɛ nyin, dɛ́ so bosɔɔhna ta.

Mmarare 11:13

Anomanta, dɛ he teŋɛ Korowii Mmarare maa kpɔa dɛɛ tɛ heyaa fini nɔ ta, dɛ nyin Korowii dɛ tomɔ he bambile ne he hweera bwa ne naa,

Yela 67:7

Korowii ɛɛ swee yaa andɛɛɡaa, ásɛ nɛra baa lɔ harɛ jaɡa bwa ɛɛ tomɔ.

Yela 85:13

Toɡra Korowii aa toɡra la ɛɛ tɔ o siee kɛŋɔ nɛn, dɛɛ kwaa ŋwɛnɛ ó kpɔ o ta.

Joel 2:22

Kpɔɡ bini ola, he bɛ ɔmɛ, ola dibɔra kpɔɡa dɛ moɡɛ. Daa ɡe ɛɛ nɔnɛ, fiɡ ne ɡrepo nɔna ɡe warɛ.