Lewi Dea Tena 20:3 - mzwDBL

³ N sie ɛɛ beɡre naate nɛɛ dɛ́ pero le o nɛra bini, dɛkalkɛ lawa waa lawɛ o bie tɛ Molɛk la ɡelɔ o kpɔ doŋa kah n Dea, dɛ chɔɡ n sɔndɛɛɡe waa do ɡoroŋ la.

Lewi Dea Tena 20:3 ပူးပေါင်းရင်းမြစ်များ

Lewi Dea Tena 18:21

Bɛ he bie bɛlbwa lawɛ tɛ bá kpo ɛ saraha tɛ voɡ Molɛk. Dɛɛ berɛ men Korowii haa dɛ tom mɛ nɔ sɔn chɔɡ ɡɛ. Men Korowiirii bola.

Ɛsekeɛl 5:11

Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Lewi Dea Tena 17:10

Israel te, kɛɛ hɔɔh bɛlbwa waa soɡe he bini dɛɛ di ol chal la, n sie ɛɛ beɡre naate nɛɛ dɛ́ pero le o nɛra bini.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Ɛsekeɛl 20:39

Nemenɛ Korowii ŋɔ, “Israel tena, hé dɛ nyin kaala ka tomɛ he voɡare aa, hé kaa. Kɛ n dɛ ŋɔ he be ŋɔ a habɔɔ la, hɛɛ baa teŋɛ n waa taa dɛ́ ɡel sarahare ka ɛɛ he voɡare ta, dɛɛ chɔɡ n sɔn waa do ɡoroŋ, dɛɛ duu mɛ.

Nɛra Kura 19:20

Dɛ nomɛl kah doŋa dɛ vɛh a sɔe dɛ ta aa, a chɛ kɛŋɔ bá sɔɔ lola, dɛkalkɛŋɔ o kpɔ doŋa kah n Tɛnte Dea la. Ba ta doŋa laa kpɔ o nɛ, o ta kah doŋa.

Lewi Dea Tena 15:31

Anɔɔ hɛɛ ba ɛɛ dɛ́ ɡel Israel tena laa ba te dɛɛ kpɔ doŋa waa ta, dɛ bɛ doŋa kpɔ kah n Tɛnte Dea waa lɔ he bini la dɛ́ ba serewe.”

1 Pita 3:12

A do ɡɛ, dɛkalkɛ nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa. Kɛ nɛra baa dɛ ɛ wechɔɡa te, o ne baa jo.”

Lewi Dea Tena 20:4

Dɛ bwɛɛla ɡe na naate dɛ laa sie kpɔ ba ta on kpoe yaa,

Nɛra Kura 19:13

Nomɛlbwa waa leɡe nɛn waa sewa dɛ vɛh o doŋa sɔe dɛ ta la kpɔ doŋa kah n Tɛnte Dea la. A ta chɛ kɛ bá kuro ja Israel tena bini. Baa wola nee aa laa nɛn doŋa dɛɛ kpɔ o nɛɛ Tɛnte la ɛɛ merɛ naate nɛɛ nomanta, o kah doŋa. O doŋa ta lɔ o nɛ.

Kaala 30:33

Nomɛlbwa waa ɛ konsɔɔhsoma nɔ siwi, kɛɛ dɛ fuɡe ane do nomɛlbwa waa wola sɔfo ɛɛ nyu ta la, a chɛ kɛŋɔ bá le o ne o nɛra bini.”

Lewi Dea Tena 7:20

Kɛ dɛ nɛn kah doŋa dɛ di deŋnesɔɔhna saraha baa ɛa tɛ men Korowii nɔ naa, ba bɛ on kure ja o nɛra nɛɛ kpa.

Lewi Dea Tena 7:21

Nomɛlbwa berɔ leɡe doŋa kon bɛlbwa, dɛ nɛwɛnyini be pera doŋa bɛlbwaa kɛɛ ola aa wola were ne dii kɛɛ anɔ la baa kia dɛ ba di n deŋnesɔɔhna saraha ol la bɛl la, ba bɛ on kure ja o nɛra nɛɛ kpa.”

Lewi Dea Tena 19:12

He bɛ n sɔn kpɔ dɛɛ ŋwɛɛ waa aa ɛ nyosone, dɛ́ chɔɡ men Korowii haa dɛ tom mɛ sɔndɛɛɡe la. Men Korowiirii bola.

Lewi Dea Tena 21:6

A chɛ kɛŋɔ ó do ɡoroŋ dɛ́ che tɛ Korowii dɛ bɛ o sɔndɛɛɡe la chɔɡ. Dɛkalkɛ onee kpɔ saraha kwaa baa fuah a ɛ kondikwaa aa do ɡoroŋ dɛ ɛ Korowii kwaa la baa tɛo.