Lewi Dea Tena 2:4 - mzwDBL

⁴ Dɛ a ɛ mea baa wɔɔra kɛŋɔ paanoo dɛ kpɔa ba ɛ mea saraha aa, a chɛ kɛ he namɛ mea la a kper kɛrɛdɛ iisi aa wola toole a ta, dɛ́ kpɔ noo koo a ta, kɛɛ dɛ biskeeti ɡee yaa, kpɔ noo fɔɡa.

Lewi Dea Tena 2:4 ပူးပေါင်းရင်းမြစ်များ

Kaala 29:2

kpɔ mea aa kpera kɛrɛdɛ iisi aa wola toole a ta ɛ paanoo, ne anɔ la baa do noo a ta dɛ anɔ la aa do kɛ biskeeti ken mɔɔ dɛ do noo a ta.

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

1 Pita 2:22

“O ta wechɔɡa ɛɛ bwa. Nyosonwaa ta o nyoa leɛ bwa.”

1 Pita 2:1

Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Amanesoma Jɔn Aa Chwera Tɔn 12:27

Anee Yeesu berɛ ŋɔ, “Taraken n liire ta bobeŋkpoŋ cheɡɛ. Ɛrɛɛ ń soŋe n Mɛɛ ŋɔɔ? Ń soŋo ŋɔ, ‘N Mɛɛ, lɛɛ mɛ le waa nɔ nyoa’ aa? Akai! A ta ɡɛ maɡrɛ, dɛkalkɛŋɔ ɡɛ waa nɔ waa n ba.”

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Matiu 26:38

Asɛ o ŋɔ ba be ŋɔ, “N tea bini chɔɡɔ kohona to. A ɡbo ɛɛ kpo mɛɛ kwara. Hé so bonɔ dɛɛ were ń la ba.”

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Lewi Dea Tena 10:12

Ate, Mosis ŋɔ Arɔn ne o bibaala Eliasa ne Itama baa kaa la be ŋɔ, “Hé kpɔ mea saraha baa fuh ane tɛ Korowii la kar ɛ kondikwa, dɛ bɛ iisi a ta do ásɛ dɛ dia saraha kon la keŋkeŋ, dɛkalkɛ a do ɡoroŋ kɛrɛdɛ.

Ɛsekeɛl 46:20

Baa la ŋɔ n be ŋɔ, “Bonɔɔ sɔfore la ɛɛ ba bolchɔɡe dii sarahare ne wechɔɡa kpɔe dɛ kɛ saraha kwaa dɛɛ daala, dɛ wɔɔ mea saraha kwa, ɡɛ aa ɛ ba bɛ kwaa aa do ɡoroŋ kpɔ le kaa habɔɔ dembaah la bini, dɛ́ kpɔ waa ka ta nɛra la nɛ.”

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Lewi Dea Tena 7:12

Dɛ jam sarahaa yaa, naate kpɔ men baa kpɔ noo koo a ta iisi aa wola toole a ta dɛ́ wɔɔra. Dɛ biskeeti ɡee yaa, bɛ iisi a ta do dɛ́ kpɔ noo fɔɡa, dɛ́ kpɔ men baa nama a kper kɛrɛdɛ noo koo a ta, dɛ́ charama kɛrɛdɛ dɛ́ kpɔ a bwa ba jam saraha kon la ta.

Lewi Dea Tena 6:17

Anee n kpɔ tɛ sɔfore kɛŋɔ ba dibɔr dɛ le saraha kwaa baa fuah dɛɛ tɛ mɛ la ta. A do ɡoroŋ kɛrɛdɛ kɛŋɔ wechɔɡa kpɔe dɛ kɛ saraha, ne bolchɔɡe dii saraha ken.

Lewi Dea Tena 1:11

Naate la teŋe o baŋa saraha kon weekaŋle nyunduabɔr pera n sie. Ásɛ Arɔn bibaala baa ɛ sɔfore la ɛ chal la merɛ saraha kon la baŋne anaarɛ la bwa ta.

Kaala 16:31

Israel tena la ŋɔ kondikwaa la sɔne ‘maana’. A do kɛŋɔ boyubi dɛ to. He dia aa, o som kɛŋɔ baa kpɔ tooh do biskeeti ta la ken.

Kaala 12:8

Awola jwaana la tenten la, bá wɔɔ ola la, dɛ́ kpɔ papooni aa kpela ne paanoo baa wola iisi a ta doe la ja a ta dɛ́ di.

Nɛra Kura 6:15

Ó kpɔ mea sarahare ne sen sarahare ne paanoo wɛɡrɛ del iisi aa wola toole a ta, dɛ́ kpɔ men baa nama a kper kɛrɛdɛ dɛ́ do noo a ta, ne biskeeti baa kpɔ noo koo a ta dɛ́ kpɔ ba.