Lewi Dea Tena 2:2 - mzwDBL

² Dɛ́ kpɔ ba tɛ Arɔn bibaala sɔfore la. Ásɛ sɔfo la ka fuah saraha kon la ta, á baɡle kɛŋɔ a bwaa n lɛ. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 2:2 ပူးပေါင်းရင်းမြစ်များ

Nehemia 13:14

N Naa Korowii maa dɛ tomɛ, nyiŋi waa maa ɛa kasinteŋ ne he Dea nɔ ta nɔ, ne ɡɛ baa dɛɛ tomɛ bela.

Nehemia 13:22

Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

Kaala 30:16

Hé lɛ nyu chara suuɡa la Israel tena be naa, hé kpɔa ɛ n Dea Cheremibɔr la bini toma. Anee dɛ́ ɡel ń lii Israel tena wa, dɛ́ kpɔ nɔn tɔ ba nɛ.”

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 1:17

Ásɛ dɛ lawɛ o kena dɛ́ pere o bini anɛ, dɛ bɛ ɡel o cha ta. Ásɛ sɔfo la fuuh nii la ta. Anɔ nɔɔ ɛ saraha ba yon fuh o bwa o sɔɔh ɛɛ do som n be.”

Lewi Dea Tena 1:9

Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 2:16

Sɔfo la ɛɛ kpɔ mea baa peɡra ne noo la anee, dɛ́ kpɔ daawiile la bwa ja, dɛ́ fuah saraha kon la ta, á baɡle kɛŋɔ n lɛ a bwa. Anɔɔ ɛ saraha ba yon fuah a sɔɔh ɛɛ do som n be.”

Lewi Dea Tena 2:9

Sɔfo la ɛɛ kpɔ kwaa la anee le a ta, dɛ́ fuah saraha kon la ta, á baɡle kɛŋɔ n lɛ a bwa. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 24:7

Baŋ bɛlbwa ta la, ɛ daawiile a sɔɔh aa soma bil a jwɛh a ɛ saraha kwaa baa fuh cheɡ paanoo la naa ta tɛ Korowii.

Lewi Dea Tena 4:31

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la fuah saraha kon la ta a sɔɔh do som men Korowii be. Gɛɛ sɔfo la ɛɛ ba ɛɛ, dɛ́ soŋe naate wechɔɡa la n be, ásɛ n kpɔ kɛo.

Lewi Dea Tena 5:11

Dɛ waa won dɔ kulukuku bii anɛ kɛɛ borɔnoma bii anɛ la aa, ó kpɔ men baa nama a kper kɛrɛdɛ dɛ ɛ kuruwa del ba ɛ o wechɔɡa kpɔe dɛ kɛ saraha. O bɛ noo kɛɛ daawiile a sɔɔh aa soma ane bɛlbwa do a ta, dɛkalkɛ a ɛ wechɔɡa kpɔe dɛ kɛ saraha.

Lewi Dea Tena 5:12

Ó kpɔ ba tɛ sɔfo la ásɛ o ɛ men la nɔn del á baɡle kɛŋɔ n lɛ a bwa. Ásɛ dɛ fuah saraha kon la ta ja saraha kwaa baa kpɔa ba tɛ mɛ la ta. Anɔɔ ɛ wechɔɡa kpɔe dɛ kɛ saraha.

Lewi Dea Tena 6:15

Sɔfo la bɛl ɛ men baa nama a kper kɛrɛdɛ noo ja a ta nɔndel, dɛ́ kpɔ daawiile a sɔɔh aa soma dawɛ mea saraha kwaa la bwa ta, dɛ́ fuah saraha kon la ta, á baɡle kɛŋɔ a bwa ɛ n kwa a sɔɔh ɛɛ do men Korowii som.

Nɛra Kura 5:18

Sɔfo la aa kpɔ haah la ka che men Korowii sie la, ó laa kon kpɔ o nyu ta, ásɛ dɛ kpɔ meera mea saraha la do o nɔn ta. Anee dɛ baɡle kɛ haah la di bolchɔɡe kɛɛ o ta bolchɔɡe dii. Sɔfo la ɛɛ kpɔ nee aa do kpeli o ɛa do kon ta dɛ do teera a ta aa ba nyotaahna ne laanee kpoŋe.

Nɛra Kura 5:26

dɛ́ ɛ mea la nɔndel, dɛ́ fuah bela tɛ men Korowii, name dɛ́ ɡel haah la nyɔ nee la.

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.