Lewi Dea Tena 2:11 - mzwDBL

¹¹ Mea saraha nomɛlbwa aa ɛ tɛ mɛ la ta chɛ kɛ iisi do a ta. Bɛ iisi kɛɛ tooh do mea haa kpɔ ba fuh ɛ saraha tɛ mɛ la ta.

Lewi Dea Tena 2:11 ပူးပေါင်းရင်းမြစ်များ

Galaasia 5:9

Ba ŋɔ, “Iisi tama ken won paanoo damanta hoeh,” anomanta, hɛ́ɛ nyiŋi liire aa do ken nɔ dɔŋa kɛrɛdɛ.

Amanesoma Luk Aa Chwera Tɔn 12:1

Aa ɛ tama la, nɛra kaɡboŋa baa cheme Yeesu sie. Baa wara nomanta, dɛ ba dɛ tiɡri dɔŋa nakpale ta. Belaa Yeesu tɔ sie bol waa o habɔteŋra la be dɛ sɛɡ ba ŋɔ, “Hé nyiŋi he te kɛrɛdɛ Farisii tena iisi wa. Nɛra sie baa nyiŋi dɛɛ ɛ wa.

Kaala 23:18

He bɛ komɛlbwa baa kpo ɛ saraha chal kpɔ ja komɛlbwa iisi aa lɔ o ta tɛ mɛ. Ola baa kpoora n tɔpejena ta noorare ta chɛ kɛŋɔ hé cheɡa tɔɔ per a ta.

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Amanesoma Mak Aa Chwera Tɔn 8:15

Yeesu ŋɔ ba be ŋɔ, “Hé nyiŋi he te kɛrɛdɛ Farisii tena ne Hɛrɔd iisi wa.”

Sɛɡla 25:27

Tooh kohona dii aa were, ɡɛɛ aa wola were kɛ he nyin sɔn kohona.

Sɛɡla 25:16

He dɔ tooh naa, di anɔ la aa maɡre he ne, a kohona dii ɛɛ ɡeloo he dɔ weela.

Sɛɡla 24:13

N bie, tohnoo dɔ pɛla dɛ do som, anomanta, bɛ an vɛh.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Matiu 16:6

Anee Yeesu ŋɔ ba be ŋɔ, “Hɛ́ɛ nyiŋi he te kɛrɛdɛ Farisii tena ne Saduki tena iisi wa.”

Kaala 34:25

Hé dɛ ba kon kpoe ɛ saraha tɛ mɛ naa, he bɛ komɛlbwa iisi aa koo o ta kpɔ ja. He bɛ ɡel Galekaa kondikwaa haa kpɔa ba ɛ saraha la ka tɔɔ per a ta.

Kaala 29:25

Berɛ lɛ saraha kwaa la ba be, ásɛ dɛ kpɔ ja anɔ la baa fuah la ta, dɛ́ fuah saraha kon la ta. A ɛ saraha baa fuh a bwa a sɔɔh ɛɛ do som n be.

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 6:10

Ásɛ sɔfo la kpɔ o yapepoŋ waa doo mun ta ne o batakaarejaŋ ompoŋ do, dɛ́ laa tɔɔ la pa le saraha kon la bini bil o keŋkeŋ.