Lewi Dea Tena 2:10 - mzwDBL

¹⁰ Men baa kpɔa ba ɛ saraha la kar ɛ Arɔn ne o bibaala kwa. A do ɡoroŋ kohona dɛ ɛ kwaa baa kpɔa ɛ saraha dɛ fuh tɛ mɛ.

Lewi Dea Tena 2:10 ပူးပေါင်းရင်းမြစ်များ

Lewi Dea Tena 2:3

Men baa kpɔa ba ɛ saraha kar la ɛ Arɔn ne o bibaala kwa. A do ɡoroŋ kohona dɛ ɛ kwaa baa kpɔa ba ɛ saraha dɛ tɛ mɛ la bini ane.

Lewi Dea Tena 6:16

Arɔn ne o bibaala di anɔ la aa kaa la. Kɛ a chɛ kɛ ba dia bobɛl waa do ɡoroŋ n Dea Cheremibɔr la dembaah, dɛ́ bɛ iisi a ta do.

Ɛsra 2:63

Asɛ Juda harɛ nomoa ŋɔ ba be ŋɔ, baa won di kondikwaa aa do ɡoroŋ bɛlbwa baa kpɔa ba tɛ Korowii la, atane sɔfo bɛl lɔ bela dɛ́ do batakaare baa sɔh Urim ne Tumim dawɛ o ta, dɛ́ che a ta bɔɔ waa Korowii aa dɛ nyin la mɔɔ.

Lewi Dea Tena 5:13

Gɛɛ sɔfo la ɛɛ ba ɛɛ dɛ́ kpɔ soŋe ɡɛ wechɔɡa nɔ bini bɛlbwa naate aa ɛa la, ásɛ n kpɔ kɛo. Men la kar ɛ sɔfo la kwa ɡɛ baa dɛ ɛ mea saraha la.”

Lewi Dea Tena 6:9

“Do Arɔn ne o bibaala kɛŋɔ ŋwɛnɛre aa chɔ le tɛ saraha kwaa baa dɛ fuah laanee nɔ. A chɛ kɛ kwaa la dawɛ kafola waa lɔ saraha kon la ta awola la bwa tɔɔ ba per, dɛ́ ɡel nii la ɛɛ hɔ dɛ bɛ dime bwa.

Lewi Dea Tena 6:23

Mea saraha bɛlbwa sɔfo aa ɛ tɛ mɛ la ta dii doe, fuih chɛ kɛ ba fuh a bwa.”

Lewi Dea Tena 7:7

Webeŋkpoŋii lɔ bolchɔɡe dii ne wechɔɡa kpɔe dɛ kɛ saraha ta. Sɔfo waa kpɔ a ɡɛ kwaa la ka soŋe naate la wechɔɡa n be laanee dɔ a kar la.

Lewi Dea Tena 10:12

Ate, Mosis ŋɔ Arɔn ne o bibaala Eliasa ne Itama baa kaa la be ŋɔ, “Hé kpɔ mea saraha baa fuh ane tɛ Korowii la kar ɛ kondikwa, dɛ bɛ iisi a ta do ásɛ dɛ dia saraha kon la keŋkeŋ, dɛkalkɛ a do ɡoroŋ kɛrɛdɛ.

Lewi Dea Tena 14:13

Ó teŋe pee la baŋa boɡoroŋ bela baa dɛ kpoo wechɔɡa kpɔe dɛ kɛ saraha kwaa ne saraha kwaa baa fuah dɛɛ tɛ mɛ la. Gɛɛ chɛ kɛŋɔ ó ɛ, dɛkalkɛ bolchɔɡe dii saraha ne wechɔɡa kpɔe dɛ kɛ saraha kwaa la ɛ sɔfo la kwa. A ɛ kwaa aa do ɡoroŋ kohona.

Lewi Dea Tena 21:22

Kɛ wɛɛ won di saraha kwaa baa kpɔa ba tɛo la, anɔ la aa do ɡoroŋ kohona dɛ ɛ o kwaa la ne anɔ la aa do ɡoroŋ la bwa,

Nɛra Kura 18:9

Heyaa chɛ kɛŋɔ hé kpɔ kwaa baa kpɔa ba ɛ saraha baa wola an fuih a do ɡoroŋ kohona la bwa. Koŋkɛɛla bwa baa kpɔa baa tɛ mɛ a do ɡoroŋ kohona la, hale dɛ mea saraha, kɛɛ wechɔɡa kpɔe dɛ kɛ saraha, kɛɛ bolchɔɡe dii sarahaa yoo, a ɛ he ne he bibaala dibɔr.

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.

2 Webena 31:14

Lewi dea te Imna bibaa Koree ba le wɛɛ nyiŋi Korowii Dea wee leebɔr doonyoa la ta, dɛ chɔ sarahare koŋkɛɛla aa le nɛra bambile ta ba kpɔ baa tɛ Korowii ne a bɔna nyoa.

Ɛsekeɛl 44:29

Banee dɛ́ di mea sarahare, ne wechɔɡa kpɔe dɛ́ kɛ sarahare, ne bolchɔɡe dii sarahare, dɛ komɛlbwa Israel tena aa kpɔa baa tɛ mɛ la. A bwa ɛ ba kwa.

Ɛsekeɛl 46:20

Baa la ŋɔ n be ŋɔ, “Bonɔɔ sɔfore la ɛɛ ba bolchɔɡe dii sarahare ne wechɔɡa kpɔe dɛ kɛ saraha kwaa dɛɛ daala, dɛ wɔɔ mea saraha kwa, ɡɛ aa ɛ ba bɛ kwaa aa do ɡoroŋ kpɔ le kaa habɔɔ dembaah la bini, dɛ́ kpɔ waa ka ta nɛra la nɛ.”