Lewi Dea Tena 2:1 - mzwDBL

¹ Korowii berɔ ŋɔ, “Nomɛlbwa kpɔ mea saraha dɛɛ ba n tɛɛ yaa, ó nama a kper kɛrɛdɛ. Dɛ́ fuɡe noo do a ta, dɛ́ ɛ daawiile ja a ta.

Lewi Dea Tena 2:1 ပူးပေါင်းရင်းမြစ်များ

Kaala 29:2

kpɔ mea aa kpera kɛrɛdɛ iisi aa wola toole a ta ɛ paanoo, ne anɔ la baa do noo a ta dɛ anɔ la aa do kɛ biskeeti ken mɔɔ dɛ do noo a ta.

Aesaya 43:23

Hé ta peera kpoe dɛ fuah ɛ sarahare tɛ mɛ, á ba ɛ kɛŋɔ hɛɛ kpɔ saraha bɛlbwaa ba duu mɛ. N ta mea sarahare waa kpɔe dawɛ he nɛɛ a ɛ heyaa bontɔɡa, n ta daawiile ɡe waa pɛɛrɛ le he be he mee le.

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Ɛsekeɛl 46:20

Baa la ŋɔ n be ŋɔ, “Bonɔɔ sɔfore la ɛɛ ba bolchɔɡe dii sarahare ne wechɔɡa kpɔe dɛ kɛ saraha kwaa dɛɛ daala, dɛ wɔɔ mea saraha kwa, ɡɛ aa ɛ ba bɛ kwaa aa do ɡoroŋ kpɔ le kaa habɔɔ dembaah la bini, dɛ́ kpɔ waa ka ta nɛra la nɛ.”

Joel 1:9

Mea ne sen sarahare toole Korowii Dea kpa. Sɔfore baa dɛ ɛ toma Korowii Dea la bwa dɛ wi a wa.

Joel 2:14

O ken ɛɛ na ya sumii dɛ́ charɛ o liire, dɛ́ swee yaa andɛɛɡa, ásɛ ya dɔ mea ne sen kohona dɛ́ kpɔ ba ɛ sarahare tɛo.

Lewi Dea Tena 14:10

Tɔ aa per tɔpenuatoro wee la, ó lawɛ pebali anɛ ne pelor aa di benanyoa, a bɛlbwa aa wola kirihiah dii la, ne men baa nama a kper kɛrɛdɛ kuruware atoro noo aa koo a ta, dɛ noo pɛrɛntoa fah.

Lewi Dea Tena 24:7

Baŋ bɛlbwa ta la, ɛ daawiile a sɔɔh aa soma bil a jwɛh a ɛ saraha kwaa baa fuh cheɡ paanoo la naa ta tɛ Korowii.

Lewi Dea Tena 5:11

Dɛ waa won dɔ kulukuku bii anɛ kɛɛ borɔnoma bii anɛ la aa, ó kpɔ men baa nama a kper kɛrɛdɛ dɛ ɛ kuruwa del ba ɛ o wechɔɡa kpɔe dɛ kɛ saraha. O bɛ noo kɛɛ daawiile a sɔɔh aa soma ane bɛlbwa do a ta, dɛkalkɛ a ɛ wechɔɡa kpɔe dɛ kɛ saraha.

Lewi Dea Tena 6:7

Gɛɛ sɔfo la ɛɛ ba ɛɛ dɛ́ soŋe a ɡɛ wechɔɡa nɔ bɛlbwa naate aa ɛa dɛ di bolchɔɡe n be la ásɛ n kpɔ kɛo.”

Lewi Dea Tena 9:17

O berɔ kpɔ mea saraha la ɡe ba, dɛ ɛ nɔndel dɛ pɛ fuah kon baa dɛ ɛ saraha o ta la ta, ane saraha kwaa baa dɛ fuah chɔɔ bɛlbwa la bwa.

Lewi Dea Tena 9:4

ne nabal dɛ pebal ba ɛ deŋnesɔɔhna saraha tɛ Korowii. Bá kpɔ noo koo mea saraha ta dɛ́ kpɔa ja ba tɛ Korowii. Hé ɛ ɡɛ dɛkalkɛ fini Korowii dɛ́ ba he be.”

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Nɛra Kura 18:9

Heyaa chɛ kɛŋɔ hé kpɔ kwaa baa kpɔa ba ɛ saraha baa wola an fuih a do ɡoroŋ kohona la bwa. Koŋkɛɛla bwa baa kpɔa baa tɛ mɛ a do ɡoroŋ kohona la, hale dɛ mea saraha, kɛɛ wechɔɡa kpɔe dɛ kɛ saraha, kɛɛ bolchɔɡe dii sarahaa yoo, a ɛ he ne he bibaala dibɔr.

Nɛra Kura 28:5

Hé kpɔ men baa nama a kper kɛrɛdɛ kuruwa del, dɛ́ kpɔ ɔleve noo pɛrɛntoa beŋkpoŋ ne fah koo men la ta ba ɛ mea saraha.

Nɛra Kura 29:18

Hé ɛ nae la bɛlbwa ne pebala la bɛlbwa ne pebali la bɛlbwa mea saraha ne a sene saraha, ɡɛ maa baɡla la,

Nɛra Kura 7:13

O saraha kwaa ɛ suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, suuɡapoŋ loɡ beŋkpoŋ baa ɛ nee dɛɛ do o bini, dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

Nɛra Kura 7:19

Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

Nɛra Kura 8:8

Gel ba kpɔ nabale ba, dɛ́ kpɔ men aa kpera kɛrɛdɛ noo koo a ta ɛ mea saraha ja o ta. Berɛ lɛ nabale la bɛl ja, dɛ́ kpɔ ɛ wechɔɡa kpɔe dɛ kɛ saraha.

Amanesoma Jɔn Aa Chwera Tɔn 6:35

Asɛ Yeesu ŋɔ, “Menee kondikwaa aa dɛ tɛ Korowii mkpa la. Nomɛlbwa waa ba n be la, lɔr aa on kpo. Asɛ nomɛlbwa ɡe waa yarada mɛ dɛ́ kpɔ o te tɛ mɛ la, nyɔɡre ɡba aa o kpoe ba bwa.

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

Tɔn Jud Aa Chwera 1:20

N dandɛɛɡa, hé te swɛɛ siwi dɛ́ɛ cha dɔŋa dɛ́ won che kiŋkiŋ, ásɛ he yarada haa dɔa Yeesu Kristo ŋwɛnɛɡoroŋ nɔ ta la do kan kohona. Hɛ́ɛ soŋe Korowii o Domadɛɛɡe la kpeɡri ne.

Wepila 8:3

Nyundua torome bɛl balɔ dɛ kpoŋe suuɡaswɛm kon baa kpɔa dɛɛ fuh daawiile a sɔɔh aa soma, dɛ ka che bela baa fuh kwaa ɛ saraha dɛɛ tɛ Korowii la. Ba kpɔ konsɔɔhsoma la kohona tɛo o kpɔ ja Korowii nɛra ba wa aa toɡra wesoŋa la ta, dɛ fuah konsɔɔhsoma la fuih bɔr baa kpɔ suuɡaswɛm ɛo o che kookara la sie la.