Lewi Dea Tena 19:3 - mzwDBL

³ He bini bɛlbwa chɛ kɛ wɛ́ɛ duu o nya ne o mɛɛ, ásɛ dɛɛ di n Ona Tɔpera maa kpɔa tɛ heyaa la. Menee Korowii haa dɛ tom mɛ la.

Lewi Dea Tena 19:3 ပူးပေါင်းရင်းမြစ်များ

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Kaala 20:8

Hé di Ona Tɔpere la, dɛ́ ɛo tɔpedɛɛɡe o do ɡoroŋ.

Hibru 12:9

Ya mɛɛnanar baa lolɛ yaa la kwara, ba tɛr ya deŋne aa, ya dɛ no ba be. Aah dɛ ya Mɛɛ waa lɔ nyundua dɛ dɔ ya lileore la te sɛ, a ta chɛ kɛ ya no o be dɛ́ dɔ mkpa aa?

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

Lewi Dea Tena 11:44

Hé do ɡoroŋ dɛkalkɛ men Korowii haa dɛ tom mɛ la, n do ɡoroŋ.

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Sɛɡla 30:11

Nɛra bane dɛ taah ba mɛɛnanar, baa andɛɛɡa sweerɛ dɛɛ tɛ ba nyare.

Sɛɡla 23:22

Dɛɛ no he mɛɛ deŋna wa, onee lolɛ, he nya ɡe baa hwɛɛhraa, bɛ on nyiŋi vah.

Mmarare 27:16

Ásɛ ba berɛ ŋɔ, ‘Nomɛlbwa waa wola o nya ne o mɛɛ duu la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Kaala 21:17

Nomɛlbwa waa taah o nya kɛɛ o mɛɛ la chɛ kɛ bá kpoo.

Kaala 21:15

Nomɛlbwa waa lɔɔ o nya kɛɛ o mɛɛ la chɛ kɛŋɔ bá kpoo.

Kaala 16:29

Hé jemɛ kɛŋɔ Korowii tɛ heyaa tɔpere haa onɛ o ta. A waa tɔpenumɛl wee ta wɛɛ tɛ heya tɔpenuanɛ wee kondikwa dɛɛ ja la. Bɛlbwa chɛ kɛ ó so o buɡ ta tɔpenuanɛ wee la ta, dɛ bɛ le kaa bobɛlbwa.”

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Ɛsekeɛl 20:12

N ŋɔ baa di Ona Tɔpera la a ɛ fɔo dɛ́ chɔ n ne ba baah, dɛ́ lii kɛŋɔ men Korowiirii ɛɛ ba ba do ɡoroŋ.

Lewi Dea Tena 26:2

Hɛ́ɛ di n Ona Tɔpera la, ásɛ dɛ ɡel duure do n Dea bela. Men Korowiirii bola.

Sɛɡla 1:8

N bie, no waa he mɛɛ aa dɛ doe a ta, bɛ waa he nya aa dɛ baɡle vɛh.

Lewi Dea Tena 19:30

Hɛ́ɛ di n Ona Tɔpera la, ásɛ dɛ ɡel duure do bela haa dɛ tom mɛ la. Men Korowiirii bola.

Lewi Dea Tena 23:3

Tɔpera anumɛlee lole kɛ hé kpɔ ɛ he tomare, kɛ tɔpenuanɛ wee la ɛ Ona Tɔpere. O ɛ tɔpere hé bwa aa cheme dɛ́ɛ tom mɛ o ta. He bɛ toma bɛlbwa ɛ o ta bobɛlbwa haa soɡa, o ɛ Ona Tɔpere dɛ tɛ Korowii.

Mmarare 5:16

Hé duu he nyare ne he mɛɛnanar, ɡɛ men Korowii haa dɛ tom mɛ la aa do heyaa la. Anee dɛɛ ba ɡela he dɔ mkpajaŋ, wobɛlbwa do wer tɛ heya harɛ maa kpɔa dɛɛ tɛ heyaa la ta.

Mumpar 48:12

Belaa Josef ɡɔɔ ba le o mɛɛ nakpale ta, asɛ dɛ kpɔ sie pi harɛ o sie.

Lewi Dea Tena 19:25

Dɛ he dɔ ŋwɛnɛ name, dɛ́ di daa la nɔna bennue te la ta. Gɛɛ aa ba ɛɛ he daa won nɔnɛ kohona tɛ heya. Menee Korowii haa dɛ tom mɛ la.

Lewi Dea Tena 19:31

Hɛ́ɛ berɛ nɛra baa dɔ daabii ba ne lala ɛɛ bol waa be la. He dɛ ɛ ɡɛ naa, dɛ he kpɔ doŋa dɛɛ kah he te. Menee Korowii haa dɛ tom mɛ la.

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

Nehemia 9:14

He ŋɔ báa di he Ona Tɔpera a do ɡoroŋ, dɛ che he bonɔɔ Mosis nɛɛ kpɔ he Mmarare tɛɛ ba.