Lewi Dea Tena 17:7 - mzwDBL

⁷ A ta chɛ kɛ Israel tena vɛh men Korowii toma, dɛ́ ka ɛ saraha tɛ voɡa dɛɛ toma. Gɛ Mmara nɔ chɛ kɛ á chɔ le tɛ ba ne ba naanar baa ka ba bwa.

Lewi Dea Tena 17:7 ပူးပေါင်းရင်းမြစ်များ

1 Kɔrent 10:20

N dɛ baɡle kɛŋɔ nɛra baa wola Juu tena ɛɛ dɛɛ kpoo kwaa la, ba kpoorɔ dɛɛ tɛ Bɔnsam toroma yaa wola an na la. Korowii laa ba ɛ dɛɛ tɛ. Maa nyin kɛŋɔ he ne Bɔnsam toroma pɛ komɛlbwa.

Kaala 34:15

Hé nyiŋi kɛrɛdɛ he ne ba bɛ fɔo bɛlbwa fɔwɛ, dɛkalkɛ ba kpɔ ba te tɛ ba voɡa la kɛŋɔ baa dɛ bɔ jwamane ken asɛ dɛ kpoo kwaa ɛ saraha dɛɛ tɛa, baa yerɛ heyaa ásɛ he di ane.

2 Webena 11:15

Kooro Jɛroboam le o ɡbaɡba kerekpoŋra ba so voɡa ta, dɛɛ tomɛ daabii ne nabali, dɛ voɡa waa sɛah la.

Mmarare 32:17

He kpoo kwaa tɛ daabii yaa wola an na, voɡfala he naawa aa wola an jemɛ, voɡa he Israel tena aa wola sie a be doe ka.

Yela 106:37

Ba kpoo ba bibaala ne bihaahna ɛ sarahare tɛ Keenan voɡa.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.

Ɛsekeɛl 23:8

O teŋɛ jwamane waa pa a mun Ijipt harɛ ta la ta, dɛ chɔɡ o te. O toli saŋ bwaa o le baala lawɔ dɛɛ chɔ.

Mmarare 31:16

Asɛ dɛ ŋɔ Mosis be ŋɔ, “Aa biɡri bɛlbwa ásɛ he chɔ he banɔn ta. A ba ɡɛ naa, nɛra haa tɔ ba sie nɔ ɛɛ chɔɡ fɔo n ne baa fɔwa laanee. Baa le n habɔɔ, dɛ́ ka tomɛ harɛ baa dɛ ba o ta joe nɔ voɡaa.

Lewi Dea Tena 20:5

n ɡbabir ɛɛ kpɔ sibeɡraa ta naate la ne o lolanar bwa nɛɛ, dɛ́ pere ba ne ba nɛra baa ja o nɛɛ dɛ vɛh n toma dɛ kaa tomɛ Molɛk la bwa le ba nɛra bini.

Kaala 32:8

Ba charɛ ba liire warane dɛ le waa maa do ba a ta la ta. Ba kpɔ suuɡaswɛm ɛ nabale dɛɛ ɡuŋu, dɛ kpoo koŋkwaa ɛ saraha dɛɛ tɛo, dɛ ŋɔ yabala Israel tena, voɡ waa tɔ ya sie dɛ kpɔ yaa le Ijipt harɛ laanee la.”

Kaala 22:20

Nomɛlbwa waa kpo kwaa ɛ saraha tɛ voɡ bɛlbwa, dɛ ɡel men Korowii la chɛ kɛ bá kpoo.

Ɛfesos 2:2

He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Amanesoma Jɔn Aa Chwera Tɔn 14:30

N ne haa won bol waa kohona kpa, dɛkalkɛ harɛ nɔ ta kooro dɛ ba. O ta kpeɡri bɛlbwa dɔe n nɛ,

Amanesoma Jɔn Aa Chwera Tɔn 12:31

Tɔpere Korowii aa bol harɛ nɔ ta nɛra bwa waa dɛ́ pa bole la telo, asɛ name ɡee mɛɛ ba ń doŋi Bɔnsam waa ɛ harɛ nɔ ta kooro la ta.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Lewi Dea Tena 3:17

A ɛ Mmara dɛ́ chɔ le tɛ he ne he naanar baa ka ba bwa. Bobɛlbwa haa lole bwa, a ta chɛ kɛŋɔ hé di ol noo kɛɛ o chal.”

Lewi Dea Tena 17:8

Berɛ ŋɔ ba be ŋɔ Israel te bɛlbwa kɛɛ hɔɔh bɛlbwa waa soɡe ba bini dɛɛ nyin ó ɛ saraha baa fuah, kɛɛ saraha te bɛlbwa,

Yela 106:39

A cheɡɛ ba we-ɛɛla ta, ba kpɔ doŋa kah ba te, ba waa ta kasinteŋ dɔe tɛ hen Korowii.

Ɛsekeɛl 23:3

Ijipt harɛ taa ba so, dɛ le ba toli saŋ kpɔ bannyin dawɛ ba sie ta, dɛɛ bɔ jwamane.

Kaala 22:19

Nomɛlbwa waa lawɛ kondɛɛre chɔ kɛ baa ne haah la chɛ kɛ bá kpoo.

Kaala 27:21

N Dea Cheremibɔr pateesan waa lɔ N Ne Nɛwɛnyina Fɔo Daka la habɔɔ la, Arɔn ne o bibaalaa chɛ kɛŋɔ bá nyiŋi kandere la ta aa hɔ Korowii sie le jɔmɔra ba le chɔɔ bwa. Gɛ waa nɔ chɛ kɛ á ɛ Mmara dɛ́ chɔ le tɛ Israel tena ne ba naanar baa ka ba bwa.”