Lewi Dea Tena 16:2 - mzwDBL

² O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Lewi Dea Tena 16:2 ပူးပေါင်းရင်းမြစ်များ

Kaala 30:10

Benanyoa bɛlbwa, kerabeŋkpoŋii chɛ kɛ Arɔn ɛ wechɔɡa kpɔe dɛ kɛ saraha, dɛ́ kpɔ kon baa kpo ɛ saraha la chal laa doŋa kpɔ nyeɡlare la ta. O do ɡoroŋ kohona tɛ mɛ.”

Hibru 9:25

A ta hiaih kɛ o teŋɛ dɛɛ jo Boɡoroŋ Tenten la dɛ́ kpɔ o te ɛ saraha bena bɛlbwa ɡɛ Juu tena Sɔfonomoa aa dɛ jo ba kon ta chal aa wola o ɡbaɡba bwara chal ɛɛ ne la.

Matiu 27:51

Waa sewa la, ate dɛ yal waa teŋe Korowii Dea la baah ta la pere anɛ le nyundua ba ta harɛ. Harɛ jiɡro, asɛ bwetala bini peɡri,

2 Webena 5:14

Sɔfore la ta wone ɛ ba toma, bam waa baa tɔ Korowii Dea la bini la wa, asɛ Korowii jirima do Dea la bini bwa.

1 Koranar 8:6

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ Korowii Dea la bini, Boɡoroŋ Tenten bela Kerobim la kena lɔɡre.

Hibru 9:3

Asɛ bela baa dɛ yerɛ Boɡoroŋ Tenten la ɡe do pateesan nɛɛte la habɔɔ.

Nɛra Kura 17:10

Korowii berɔ ŋɔ Mosis be ŋɔ, “Berɛ kpɔ Arɔn daŋɡbala la ka tel N Ne Nɛwɛnyina Fɔo Daka la sie, ó do le dɛɛ baɡle lwɛmkpeɡ tena wa. Anee dɛ́ teŋe n waa baa dɛ naɡre nɔ ta dɛ bɛ serewe.”

Nɛra Kura 4:19

Waa aa chɛ kɛŋɔ hé ɛ ásɛ ba dɔ ba nyu dɛ bɛ serewe laanee kɛŋɔ, ba bɛ kwaa aa do ɡoroŋ kohona la bɛne. Arɔn ne o bibaalaa chɛ kɛ bá tɔ sie, ásɛ dɛ chaɡle bɛlbwa o toma ne o bone waa che.

Lewi Dea Tena 23:27

“Korobie anuanɛ nɔ ta, o tɔpera fi ɛ Wechɔɡa Soŋa Korowii Be Ó Kpɔ Kɛ Tɔpejen. Hé bwa vɔwɛ nyoa dɛ́ cheme, dɛ́ tom mɛ awola tɔpere, dɛ́ kpɔ saraha kwaa baa fuah ba tɛ mɛ.

Lewi Dea Tena 16:13

Ó kpɔ daawiile la do nii la ta n sie bela, ásɛ a chuu la bɔle N Ne Nɛwɛnyina Fɔo Daka tɔ la ta, ásɛ o bɛ o tɔ la na dɛ́ ba sewɛ.

Lewi Dea Tena 8:35

Hé soŋni Korowii Dea Cheremibɔr doonyoa tɔpera anuanɛ chɔɔ ne jwaana, ásɛ dɛɛ ɛ anɔ la aa wera o be. He vɛh ɡɛ Korowii aa do mɛ ŋɔ n bol he be la aa, sewaa hɛɛ ba sewa.”

Hibru 6:19

A ɡɛ hwɛɡa nɔɔ dɛ ɡel ya bambile won che bobeŋkpoŋ, ásɛ ya che kɛrɛdɛ. Hwɛɡa nɔ nomanta, a kaa ɛ kɛŋɔ yaa won jo Korowii Dea la bini tenten, bela pateesan fa aa tɔa nɛmpɛɛne aa wola bela jo la.

Hibru 9:5

Ba kwaa kena kwaa anɛ ane baa dɛ yera Kerobim la chɔŋɛ Daka la ta a paɡri kena tɔ o ta a sie chaɡɛ dɔŋa. Belaa ba laa Korowii bandia dɛɛ kpɔ o nɛra nɛɛ la, aa baɡle kɛŋɔ Korowii jirima lɔ bela. Yaa won dɔ bɔr taraken dɛ baɡle kwaa nɔ waa bwa ka tonɛ.

Wepila 15:8

Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.

Nɛra Kura 4:5

Dɛ Israel tena la ŋɔ bá ir kaa bofale aa, Arɔn ne o bibaalaa chɛ kɛ bá jo dɛ́ ka laa pateesan waa saɡɛ Korowii Ne Nɛwɛnyina Fɔo Daka la sie, kpɔ dɛ́ kpɔ tɔ o ta.

1 Koranar 6:16

O kpɔ peleme daa la ane teŋe Korowii Dea la bini, Boɡoroŋ Tenten la baah ta kɛŋɔ pateesan ken le nyundua ba chiɡ harɛ. O jaŋne lɔ naɡale fifraatoro.

Lewi Dea Tena 16:34

Mmarare nɔ chɛ kɛŋɔ hɛ́ɛ teŋɛ a ta saŋ bɛlbwa dɛɛ la. Bena bɛlbwa, kerabeŋkpoŋii chɛ kɛ bá soŋe Israel tena wechɔɡa bwa ń kpɔ kɛ ba.” Asɛ ba ɛ a bwa ɡɛ Korowii aa do Mosis ŋɔ ba ɛ la.

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”