Lewi Dea Tena 14:3 - mzwDBL

³ Sɔfo la ɛɛ le bwɛɛ la daharaa dɛ́ ka nyiŋu na, o nao kɛŋɔ a toole o nɛɛ kpa aa,

Lewi Dea Tena 14:3 ပူးပေါင်းရင်းမြစ်များ

Lewi Dea Tena 13:46

Weela la taa lɔ o nɛɛ nɔ, ɡɛɛ doŋa ɡe ɛɛ ba o nɛɛ doe. A chɛ kɛ ó le nɛra bini, dɛ́ ɡbo ka so bela baa soɡa la dahara.

Amanesoma Luk Aa Chwera Tɔn 7:22

Anee Yeesu ŋɔ Jɔn toroma la be ŋɔ, “Hé ka bol Jɔn be waa haa baa na ne anɔ la haa baa no. Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Amanesoma Luk Aa Chwera Tɔn 4:27

Gɛ saŋ Korowii keame Elaesa fa aa lole la, dɛ Israel tena weechɔɡa ane aa chɔɡ ba bwadabii warɔ. Kɛ o ta ba bɛlbwa chaeh. Siiria harɛ baa Naaman ɡboo o chah.”

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 10:8

Hé chah weela tena, dɛ́ chum nɛra baa serewa. Hé chah weela bwa aa dɛ chɔɡ nɛn bwadabi, dɛ́ doŋi kwaa a yon dɛɛ ir nɛra nɛɛ la le ba nɛ. N kpɔ kpeɡri nɔ kɛ heyaa pɛɛpɛɛ. Hé ɡe kpɔ chaah ba pɛɛpɛɛ.

Job Tɔn 5:18

Onee dɛɛ do nɛn bol dɛ berɛ dɛɛ vɔrɔwo, dɛɛ do nɛn weela dɛɛ chaoh.

2 Koranar 5:14

Anomanta, Naaman iro dɛ ka jo Jɔɔdan Moo la bini, dɛ sɔ kera anuanɛ ɡɛ Korowii keame la aa ŋɔ o be la, asɛ o bwara berɛ kwaa dɛ do wer kɛrɛdɛ kɛŋɔ bechala bwara ken.

2 Koranar 5:3

Awola bɛl, bitolo la ŋɔ o nya la be ŋɔ, “N dɛ nyin kɛ n dɔɔ fe aa la Korowii keame bɛl waa lɔ Samaria be! O fe ɛɛ chaoh o wee nɔ kaa.”

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Lewi Dea Tena 13:2

“Bwadabii weela kɛŋɔ ɔr kɛɛ kure, kɛɛ wee foɡra aa dɛ ba wona ɛ weela aa bu lawɛ nɛn aa, bá kpɔ naate ka baɡle Arɔn kɛɛ o bibaala baa ɛ sɔfore la bini bɛl.

Lewi Dea Tena 14:48

Kɛ dɛ ba maa dem la asɛ a habɔɔ sɔfo la ba nyiŋi dɛ na kɛŋɔ konfɔɔla la ta dii jo aa, wɛɛ ŋɔɔ doŋa toole o ta, dɛkalkɛ konfɔɔla la toole o ta kpa.