Lewi Dea Tena 10:9 - mzwDBL

⁹ “He ne he bibaala nɔ bɛlbwa ta chɛ kɛŋɔ hé nyɔ seŋkpeɡa dɛ́ kpɔ ba n sie n Dea Cheremibɔr nɔ bini. He ɛ ɡɛ naa, serewaa hɛɛ ba serewa. Gɛ waa nɔ chɔ le tɛ he ne he naanar baa ka ba saŋ bɛlbwa bwa dɛɛ la.

Lewi Dea Tena 10:9 ပူးပေါင်းရင်းမြစ်များ

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

1 Timoti 3:3

A ta chɛ kɛŋɔ ó ɛ sennyɔdɛɛ, ó bɛ naɡrenyini ɛ. Kɛ ó ɛ nɛn waa pwɛra, waa wola o bwara ne waa nyin. A ta chɛ kɛ o siwi beɡre suuɡa.

Taetos 1:7

dɛkalkɛŋɔ, a chɛ kɛ nɛn waa dɛ tɔ asɔre tena sie la ɛ nɛndɛɛɡe nomɛlbwa aa wola o wechɔɡee dɔ bol bwa, waa ɛ Korowii bonɔɔ nomanta. A chɛ kɛ o ɛ nɛn waa wola o te baɡle, dɛ lɛ nɛn kon dɛɛ ja o kon ta, o baah aa wola di warawara, waa wola sennyɔdɛɛ ɛɛ, waa wola naɡra nyin, o siwi aa wola suuɡa ta beɡre kohona.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Ɛsekeɛl 44:21

Sɔfo bɛlbwa dɛ ba Dea la bini dembaah la ta joe yaa, o bɛ sen nyɔ.

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

1 Timoti 3:8

Nɛra baa chɔ tomare nyoo asɔre la ta la ɡe, ɡɛ. A wer kɛŋɔ baa ɛ waa aa dɔ duure, dɛɛ di kasinteŋ. Ba ta chɛɛ kɛ bá ɛ sennyɔdɛɛra, ba ta chɛɛ kɛ bá kpɔ suuɡa sibeɡra dɛɛ bɔ nɛra apoo.

Nɛra Kura 6:3

amɔ te, o bɛ ɡrepo daa nɔna baa kpɔa dɛɛ ɛ sen ne seŋkpeɡa bɛlbwa nyɔ. O bɛ sennyɛɡa baa kpɔ ɡrepo nɔna kɛɛ seŋkpeɡa bɛlbwa ɛa la nyɔ. O bɛ ɡrepo nɔnlwɛɛ kɛɛ daa nɔna aa hola di, dɛ bɛ a nee ɡe nyɔ.

1 Timoti 5:23

He tea la ne ɡɛ he bwara yon dɛɛ wee warawara la nomanta, bɛ nee ɡbo dɛɛ nyɔ kpa. He ɛo waa, hɛ́ɛ nyɔ sen ɡe tama.

Hosia 4:11

Sembena ne anfala nyɔe chɔɡ n nɛra liire baa waa mun no.

Sɛɡla 20:1

Sen nyɔe kohona ɡelɔ nɛn ɛɛ do ɡbɔɡa dɛɛ ɡɛn. Nomɛlbwa waa kpɔ a nyɔe berɛ o toma la ta liire dɔe.

Nɛra Kura 6:20

Ásɛ sɔfo la berɛ laa lɛ, dɛ́ ɡɔɔra nyundua, dɛ́ viiɡa men Korowii sie, a ɛ saraha aa do ɡoroŋ dɛ ɛ sɔfo la kwa, ane pee la bambile baa ɡɔɔro nyundua, ne o hwii baa kpɔa ba ɛ saraha la. A ɡɛ waa nɔ habɔɔ la, Nasiri te la dɔ ŋwɛnɛ kɛ ó nyɔ sen.

Lewi Dea Tena 3:17

A ɛ Mmara dɛ́ chɔ le tɛ he ne he naanar baa ka ba bwa. Bobɛlbwa haa lole bwa, a ta chɛ kɛŋɔ hé di ol noo kɛɛ o chal.”

Lewi Dea Tena 10:8

Korowii ŋɔ Arɔn be ŋɔ,

Kaala 27:21

N Dea Cheremibɔr pateesan waa lɔ N Ne Nɛwɛnyina Fɔo Daka la habɔɔ la, Arɔn ne o bibaalaa chɛ kɛŋɔ bá nyiŋi kandere la ta aa hɔ Korowii sie le jɔmɔra ba le chɔɔ bwa. Gɛ waa nɔ chɛ kɛ á ɛ Mmara dɛ́ chɔ le tɛ Israel tena ne ba naanar baa ka ba bwa.”