Lewi Dea Tena 10:3 - mzwDBL

³ Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Lewi Dea Tena 10:3 ပူးပေါင်းရင်းမြစ်များ

Kaala 19:22

Sɔfore kwaraa baa dɔ ŋwɛnɛ dɛɛ ba n be la, atane bá sɔ ba doŋa bwa ta dɛ́ do ɡoroŋ n be pera. Gɛ laa aa, mɛɛ tɛr ba deŋnee.”

Aesaya 49:3

O berɔ ŋɔ, “Israel harɛ, he do kɛŋɔ n bonɔɔ, he nɛɛ aa ba cheɡa nɛra kpɛɛ mɛ.”

Lewi Dea Tena 21:6

A chɛ kɛŋɔ ó do ɡoroŋ dɛ́ che tɛ Korowii dɛ bɛ o sɔndɛɛɡe la chɔɡ. Dɛkalkɛ onee kpɔ saraha kwaa baa fuah a ɛ kondikwaa aa do ɡoroŋ dɛ ɛ Korowii kwaa la baa tɛo.

Nɛra Kura 20:12

Belaa Korowii ŋɔ Mosis ne Arɔn be ŋɔ, “Haa wola men yaradae, dɛ kpɔ jirima tɛ mɛ kɛ n do ɡoroŋ Israel tena siwi ta nɔ, haa ba sie tɔ dɛ́ kpɔ ba ka jo harɛ maa baɡ ba nyoa la ta.”

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

Mmarare 32:51

A munii kɛŋɔ he bwa ta duure kpɔe tɛ mɛ Israel tena la bwa sie, ɡɛ saŋ he fa aa lɔ Mɛreba nee waa lɔ pua hɛŋle ɡbo harɛ ta bobɛl baa yerɔ Sin la.

Aesaya 52:11

Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.

Yela 89:7

Nyundua toroma bwa chemaa, hen Korowiirii do ɔma kohona, a bwa dɛ ɔmɛ, dɛ kpɔ duure dɛɛ tɛɛ.

1 Samoɛl 6:20

Anee Bɛt Sɛmɛs baala ŋɔ, “Umee dɛ́ won che Korowii o wa aa do ɡoroŋ nɔ sie nɔ? Leperaa ya kaa Daka nɔ ne ó le ya nɛɔ?”

Lewi Dea Tena 21:21

Arɔn naa te bɛlbwa waa di kirihiah la ta chɛ kɛ ó kpɔ saraha kwaa ba Korowii sie dɛ́ ba fuah. O di kirihiah, anomanta, a ta chɛ kɛ o kpɔ saraha kwaa ba n sie ba tɛ Korowii waa dɛ tomɔ.

Lewi Dea Tena 8:35

Hé soŋni Korowii Dea Cheremibɔr doonyoa tɔpera anuanɛ chɔɔ ne jwaana, ásɛ dɛɛ ɛ anɔ la aa wera o be. He vɛh ɡɛ Korowii aa do mɛ ŋɔ n bol he be la aa, sewaa hɛɛ ba sewa.”

Ɛsekeɛl 20:41

Mɛɛ lɛ heyaa kɛŋɔ daawiile a sɔɔh aa soma he yon kpɔ ɛ saraha dɛɛ tɛ mɛ la, mɛɛ boa he nyoa le harɛre haa peɡra kaa a ta la, ásɛ harɛre nɛra na kɛŋɔ n do ɡoroŋ.

Lewi Dea Tena 22:9

Sɔfore bwa chɛ kɛŋɔ bá teŋɛ dɛɛ ɛ anɔ la maa do ba a ta, dɛ bɛ sie laa kpɔ a ta, dɛ́ di bolchɔɡe dɛ́ ba sewɛ. Menee Korowii, menee lee ba cheɡ dɛ ɡel ba do ɡoroŋ.

Lewi Dea Tena 21:17

ó bol Arɔn be kɛŋɔ, o naanar baa ka ba bini bɛlbwa waa di kirihiah la ta chɛ kɛ o kpɔ saraha kondikwaa ba tɛ Korowii waa dɛ tomɔ la saŋ bɛlbwa bwa.

Lewi Dea Tena 21:15

Gɛɛ dɛ ɡel o bɛ doŋa kpɔ kah o bii o nɛra bini. Korowiirii leo o do ɡoroŋ.

Lewi Dea Tena 21:8

Nɛra la ɛɛ nyiŋi sɔfore kɛŋɔ nɛra baa do ɡoroŋ, banee kpɔ saraha kondikwaa aa do ɡoroŋ baa tɛ Korowii baa dɛ tomɔ la. Onee Korowii, o do ɡoroŋ dɛ ɡel o nɛra ɡe ɛɛ do ɡoroŋ.

Ɛsekeɛl 42:13

Baa la ŋɔ men Ɛsekeɛl be ŋɔ, “Deene aa lɔ weekaŋle nyunduabɔr, ne anɔ la aa lɔ weekaŋle harɛbɔr a sie chaɡɛ Korowii Dea dembaah bela la, ɛ sɔfore deene. Belaa sɔfore baa dɛ ba men Korowii sie la ɛɛ ba saraha kwaa aa do ɡoroŋ kohona la dɛɛ dii. Deene la aa do ɡoroŋ kohona nomanta, a binii baa ba saraha kwaa aa do ɡoroŋ kohona kɛŋɔ mea sarahare, ne wechɔɡa kpɔe dɛ kɛ sarahare, dɛ bolchɔɡe dii saraha kwaa kpɔe dɛɛ cheɡ.

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Ɛsekeɛl 28:22

men Nemenɛ Korowii ŋɔ, ‘Bwɛjen Sidon, n ne he dɔɔ. He nɛɛ mɛɛ ba cheɡa dɔ jirima. He nɛra ɛɛ jemɔɔ kɛŋɔ menee Korowii ɡɛ saŋ maa ba tɛr ba deŋne, dɛ́ baɡle kɛŋɔ n do ɡoroŋ la.

Job Tɔn 2:10

Asɛ Job chaŋo ŋɔ, “He dɛ bol ɡɛnewobol. Wedɛɛɡa ɡboo yaa ba dɔe le Korowii be, yaa wola wechɔɡa tenee dɔ aa?” A ɡɛ waa nɔ bwa ta la, o ta waa bolɛ yaɡɛ Korowii bwa.

Amanesoma Jɔn Aa Chwera Tɔn 12:28

Asɛ o ŋɔ, “N Mɛɛ, ɡel he sɔn dɔ jirima!” Belaa ba no taa bɛl le nyundua kɛŋɔ, “N ɡelɔ n sɔn dɔ jirima, kɛ mɛɛ berɔɔ ɡel o dɔ ja.”

1 Samoɛl 3:18

Anomanta, Samoɛl bol waa la bwa baɡlo, o ta bɛlbwa kpɔe sɔɔh. Ate Eli ŋɔ, “Onee Korowii, ɡel o ɛ waa aa too o tea.”

Kaala 14:4

Mɛɛ ɡeloo o deŋne do kpeɡri o ŋɔ wɛɛ ti baa. Mɛɛ pɔ o ne o laa tena nɛɛ dɛ́ dɔ jirima. Ásɛ Ijipt tena bwa jemɛ kɛŋɔ menee Korowii kpela.” Anomanta, ɡɛɛ Israel tena ɛ.

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

2 Tesalonika 1:10

Awola waa ba o tɔpejen la ta ásɛ o nɛra tɛo duure la, nɛra baa yaradao la bwa ɛɛ nao dɛ́ kpɛɛro. He ɡba jao, dɛkalkɛŋɔ ya fa aa baɡle heyaa o waa la, he noɔ dɛ teŋɛ a ta.

Amanesoma Jɔn Aa Chwera Tɔn 14:13

Ásɛ komɛlbwa haa che n sɔn ta dɛ́ soŋe la, mɛɛ ɛo. Anɔ taa aa ba cheɡa ń lɛ jirima tɛ n Mɛɛ Korowii.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Aesaya 39:8

Kooro Hɛsɛkea chaŋe ŋɔ, “Waa haa ɡela n no le Korowii be nɔ wer.” Dɛkalkɛŋɔ, o liiro kɛ wɛɛ dɔ deŋnesɔɔhnaa o kora che kɛrɛdɛ o saŋ.

Kaala 14:17

Mɛɛ ɡeloo Ijipt tena deŋne do kpeɡri, ásɛ ba ti heya. Belaa mɛɛ ba n jirima dɔe dɛ́ le Ijipt kooro ne o laa tena ne kwaa aa do kɛ torɔɡore, dɛ nɛra baa dɛ so jaɡre ta la bwa nɛ.

Kaala 30:30

Fuɡe noo la ane do Arɔn ne o bibaala nyuune ta, ásɛ ba do ɡoroŋ dɛ́ won ɛ sɔfore dɛɛ tom mɛ.

Nɛra Kura 16:5

Belaa o ŋɔ Kora ne o bala baa ja o nɛɛ la bwa be ŋɔ, “Kere chɔɔ Korowii ɛɛ ɡeloo yá jemɛ naate waa ɛ o nɛn, dɛ́ ɡel naate ba o sie. Nomɛlbwa waa leo laanee dɛɛ ba wona la o sie.

Yela 148:14

O ɡelɔ o nɛra Israel tena ba waa aa toɡra, waa do o bambile ta kohona, ásɛ ba bwa kpɛɛro. Hé kpɛɛ Korowii!

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Ɛsekeɛl 40:46

asɛ onɔ la o ɡe sie aa chaɡɛ weekaŋle nyunduabɔr la ɛ sɔfore baa dɛ nyiŋi kon baa dɛ ɛ saraha o ta la kon. Banee Sadɔk naanar, ba ɡboo ɛ Lewi dea tena baa dɛ ba wona la Korowii sie dɛ́ kaa tomɔ.”

Kaala 19:24

Belaa Korowii ŋɔ Mosis be ŋɔ, “Berɛ tu ka kpɔ Arɔn ja he nɛɛ he bwa ba. Kɛ sɔfore la ne nɛra la te bɛ lii kɛŋɔ baa ɡale jwɛh laanee dɛ́ ba n be bwe nɔ ta. Gɛ laa aa, mɛɛ tɛr ba deŋnee.”

Yela 39:10

Bɛ n deŋne tɛr kpa! He deŋnetɛra la ɡwaa n nɛ.

Yela 93:5

He mmarare cheɡɔ kiŋkiŋ saŋ bɛlbwa dɛɛ la. He Dea do ɡoroŋ kohona, saŋ bɛlbwa dɛɛ la.