Lewi Dea Tena 10:2 - mzwDBL

² Anomanta, Korowii ɡelɔ nii le buɡ la ta, o sie bela dɛ ba fuuh ba, ba bwa serewe.

Lewi Dea Tena 10:2 ပူးပေါင်းရင်းမြစ်များ

2 Samoɛl 6:7

Korowii baah di Ussa nɛɛ kohona, dɛkalkɛ o kono kɛ waa lawɛ Korowii Ne Nɛwɛnyina Fɔo Daka la kpoŋe la. Anomanta, Ussa sewɔ chɔ Korowii Fɔo Daka la keŋkeŋ.

1 Koranar 13:28

O lawɛ ŋwɛnɛ dɛ ka na kɛŋɔ o chɔɔ, keeɡo la ne nyujente la che o jwɛh. Nyujente la ta on chwee, o ta keeɡo la ɡe kpoe.

1 Koranar 18:38

Ate, Korowii ɡel nii ba le saraha kwaa la ta, dɛ fuh a ne daa la ne bwea dɛ harɛ la bwa, nee aa lɔ bɔɔ la bini ɡe hweeh.

2 Koranar 1:10

Anee Elaeja ŋɔ laa sitɔɔ la be ŋɔ, “Dɛ Korowii keamee men aa, ate nii le nyundua dɛ́ ba fuh he ne he laa tena fifraanue nɔ bwa.” Buɡ la ta, nii den le nyundua dɛ ba fuh laa sitɔɔ la ne o laa tena la bwa ba serewe.

2 Koranar 1:12

Elaeja ŋɔ, “Dɛ Korowii keamee men aa, ate nii le nyundua dɛ́ ba fuh he ne he laa tena fifraanue nɔ bwa.” Ate, Korowii den ɡel nii le nyundua, dɛ ba fuh laa sitɔɔ la ne o laa tena la bwa ba serewe.

1 Webena 13:10

Korowii baah di Ussa nɛɛ dɛ kpoo buɡ la ta, dɛkalkɛ o kpɔ nɔn lawɛ Daka la. Anomanta, Korowii sie belaa o sewɛ.

1 Webena 15:13

He Lewi dea tena aa wola toole loɡla dɛ́ cheo la waa Korowii yaa dɛ tomɔ baah di ya nɛ. Ya ta on bɔɔrɛ dɛ jemɛ ŋwɛnɛ yaa kpɔ o ta cheo.”

1 Webena 24:2

Kɛ Nadab ne Abihu te sewɔ mɔɔ ba mɛɛ sewɛ, ba ta bibaala lolɛ anomanta, Eliasa ne Itama ɛ sɔfore toma.

Job Tɔn 1:16

Torome la nyoa taa lɔ waa la ta wɛɛ bol la, dɛ torome la bɛl ɡe balɔ dɛ ba ŋɔ, “Bwaala kɔrɔ jo ya ne kondɛɛra la bini, dɛ fuh a ne n bala la bwa. N ɡboo le a nyoa, asɛ dɛ baa bol he be la.”

Yela 50:3

Korowii yaa dɛ tomɔ dɛ ba naa, waa sɔeh dɛɛ ba, nijena dɛ́ tɔ o sie, ásɛ peukpeɡ ta baro dɛɛ cheme.

Kaala 24:1

Korowii berɔ ŋɔ Mosis be ŋɔ, “He ne Arɔn ne Nadab ne Abihu dɛ Israel nomonome fifraanuanɛ la teeh bwe ba n be. Hé che bojaŋ tama dɛɛ tom mɛ.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Lewi Dea Tena 10:5

Dɛ ba sɔfore batakaani ta lɔ ba bwara ta, asɛ ba ba kpɔ ba le kaa dahara ɡɛ Mosis aa bola la.

Lewi Dea Tena 16:1

Korowii berɔ bol waa Mosis be ɡɛ saŋ Arɔn bibaala banɛ aa wola ŋwɛnɛdɛɛɡe ta cheɡɛ ba Korowii sie dɛ serewe la habɔɔ.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Nɛra Kura 14:37

Korowii ɡelɔ weechɔɡa ane ba le nɛra baa ɡela waa la perɛ kɛŋɔ harɛ la aa were la nɛ, ba bwa serewe o siwi ta.

Nɛra Kura 16:35

Asɛ nii le Korowii be, dɛ ba fuh nɛra lafraanɛ fifraanue baa dɛ fuh daawiile la bwa.

Nɛra Kura 16:49

Nɛra kaɡboŋa fi dɛ banaarɛ lafraanuanɛɛ sewa weechɔɡa la ta, dɛ ja banɔ la baa koh Kora waa sewɛ la nɛ.

Nɛra Kura 26:61

Nadab ne Abihu kpɔ nii aa wola chɛ kɛ bá kpɔ do kon baa ɛ saraha o ta dɛɛ tɛ Korowii ta dɛ serewe.

We-ɛɛla 5:10

Buɡ la ta, o ɡe den chole chɔ Pita sie bela, dɛ ɡe sewɛ. Bonɔɔna la aa bala dɛ o ɡe sewɔ, asɛ ba cheo le buse dɛ ka huɡo o jaa jwɛh.

We-ɛɛla 5:5

Ananias aa dena no waa nɔ la, o den chole, dɛ sewɛ ɡe. Nɛra baa no a ɡɛ waa nɔ la bwa ɔmɔ kɛrɛdɛ.

1 Kɔrent 10:11

Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa.

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.