Lewi Dea Tena 1:9 - mzwDBL

⁹ Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 1:9 ပူးပေါင်းရင်းမြစ်များ

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

1 Webena 6:34

Ɛlkana bibaa Samoɛl, Jɛroham bibaa Ɛlkana, ne Eliel bibaa Jɛroham, dɛ Toa bibaa Eliel,

2 Webena 4:6

Kooro Solomɔn ɡelɔ ba ɛ loɡbaala fi, dɛ kpɔ anue cheɡ Korowii Dea la weekaŋle harɛbɔr, asɛ anue ɡe che weekaŋle nyunduabɔr. Gɛ loɡbaala la binii baa yaɡle kwaa baa kpoora dɛɛ fuah la. Kɛ Mpo la te bini nee laanee sɔfore la kpɔ dɛɛ sarame nɔɔra.

Yela 51:6

Kasinteŋ ne waa aa weraa hɛɛ nyin, anomanta, tɛ mɛ he wejema.

Yela 66:15

Mɛɛ kpoo peeraa bá fuh ɛ saraha he saraha kon la ta, dɛ́ lawɛ pebala ne nabala dɛ boohna ba tɛɛ, ásɛ a ninchuu la tɛr dɛɛ kaa nyundua.

Kaala 12:9

He bɛ ola la an lwɛɛ kɛɛ an daala chwe. Hé wɔɔ ane a nyuune ne nakpale ne a tea bini kwaa te bwa.

Kaala 29:18

Ásɛ dɛ fuh o bwa saraha kon la ta. A ɛ saraha kon baa dɛ fuh o bwa o sɔɔh ɛɛ do som n be.

Kaala 29:25

Berɛ lɛ saraha kwaa la ba be, ásɛ dɛ kpɔ ja anɔ la baa fuah la ta, dɛ́ fuah saraha kon la ta. A ɛ saraha baa fuh a bwa a sɔɔh ɛɛ do som n be.

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 20:41

Mɛɛ lɛ heyaa kɛŋɔ daawiile a sɔɔh aa soma he yon kpɔ ɛ saraha dɛɛ tɛ mɛ la, mɛɛ boa he nyoa le harɛre haa peɡra kaa a ta la, ásɛ harɛre nɛra na kɛŋɔ n do ɡoroŋ.

Ɛsekeɛl 40:38

Dea bɛl pɛl bela baa cheɡa dɛɛ jo, doonyoo aa lɔ dem waa lɔ bini la bɛlbwa, belaa baa yaɡle saraha kwaa baa dɛ fuah la.

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 1:17

Ásɛ dɛ lawɛ o kena dɛ́ pere o bini anɛ, dɛ bɛ ɡel o cha ta. Ásɛ sɔfo la fuuh nii la ta. Anɔ nɔɔ ɛ saraha ba yon fuh o bwa o sɔɔh ɛɛ do som n be.”

Lewi Dea Tena 2:16

Sɔfo la ɛɛ kpɔ mea baa peɡra ne noo la anee, dɛ́ kpɔ daawiile la bwa ja, dɛ́ fuah saraha kon la ta, á baɡle kɛŋɔ n lɛ a bwa. Anɔɔ ɛ saraha ba yon fuah a sɔɔh ɛɛ do som n be.”

Lewi Dea Tena 2:2

Dɛ́ kpɔ ba tɛ Arɔn bibaala sɔfore la. Ásɛ sɔfo la ka fuah saraha kon la ta, á baɡle kɛŋɔ a bwaa n lɛ. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 2:9

Sɔfo la ɛɛ kpɔ kwaa la anee le a ta, dɛ́ fuah saraha kon la ta, á baɡle kɛŋɔ n lɛ a bwa. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 3:11

Sɔfo la fuah saraha kon la ta bela kɛŋɔ mea saraha baa fuah dɛɛ tɛ mɛ.

Lewi Dea Tena 3:5

Ásɛ Arɔn bibaala la fuah ja anɔ la aa lɔ saraha kon la ta dɛɛ fuh la ta. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 4:31

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la fuah saraha kon la ta a sɔɔh do som men Korowii be. Gɛɛ sɔfo la ɛɛ ba ɛɛ, dɛ́ soŋe naate wechɔɡa la n be, ásɛ n kpɔ kɛo.

Lewi Dea Tena 6:14

Korowii berɔ ŋɔ Mosis be ŋɔ, “Ŋwɛnɛre aa chɔ le tɛ mea saraha la ɡee nɔ. Arɔn bibaala la chɛ kɛŋɔ bá kpɔ ba n sie saraha kon la sie ba tɛ mɛ.

Lewi Dea Tena 8:21

O yaɡle o tea bini kwaa ne o nakpale, dɛ fuh ane ol la bwa saraha kon la ta, dɛ ɛ saraha baa dɛ fuh o bwa o sɔɔh ɛɛ do som Korowii be ɡɛ waa do Mosis la.

Lewi Dea Tena 8:28

Mosis berɔ lɛ saraha kwaa la ba be, dɛ kpɔa dawɛ anɔ la ta dɛ fuh a bwa saraha kon la ta, a ɛ saraha baa ɛa dɛɛ do nɛn sɔfore ta a sɔɔh ɛɛ do som Korowii be.

Lewi Dea Tena 9:14

O yaɡle o tea bini kwaa bwa ne o nakpale, asɛ dɛ kpɔa ja dawɛ saraha kwaa baa dɛ fuah, a do saraha kon la ta la.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Nɛra Kura 15:3

dɛɛ nyin he fuh saraha kwaa tɛo dɛ́ le he nae kɛɛ peera bini a sɔɔh do som o be naa, dɛ saraha kwaa haa fuah kɛɛ nyobaɡa saraha, kɛɛ anɔ la aa le he bambile ta, kɛɛ he tɔpejena la dii saraha bɛlbwa ɡee yaa,

Nɛra Kura 28:11

Korobie bɛlbwa tɔpeloɡle ta la, hé kpɔ nabali anɛ ne pebal dɛ pebali anuanɛ a bɛlbwa aa di benanyoa, aa wola kirihiah bɛlbwa dii ɛ saraha tɛ Korowii.

Nɛra Kura 28:7

Hé kpɔ sen pɛrɛntoa beŋkpoŋ ne tama ne loɡla pebale la, dɛ́ ba fuɡe sen la ta saraha kon la ta, ásɛ a ɛ sen saraha.

Nɛra Kura 28:8

Jɔmɔra saraha la ɡe, hé ɛa ɡɛ haa ɛ anɔ la la, dɛ́ kpɔ a ɡe sen ja pebale nɛɛte la ta ɛ sen saraha. A ɡe ɛ mea saraha a sɔɔh aa dɛ do Korowii som.

2 Kɔrent 2:15

Yeesu Kristo ɡelɔ ya ɛ daawiile a sɔɔh aa soma Korowii be, ásɛ nɛra Korowii aa dɛ lɛɛ ba, ne banɔ la baa nyoɡre ŋwɛnɛ dɛɛ ba chɔɡa ta bwa ɛɛ no ya sɔɔh.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Mmarare 12:27

Ásɛ he kpɔ ol la ne chal la bwa ɛ saraha bela baa kpoo kwaa dɛ fuah dɛɛ tɛ Korowii la, dɛ́ fuɡe ol la bɛl ɡe chal ta bela baa kpoo kwaa dɛɛ fuah la, ásɛ dɛ di ol la te.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.