Lewi Dea Tena 1:5 - mzwDBL

⁵ Ó teŋe nabal la baŋa n sie bela, ásɛ Arɔn bibaala sɔfore la ɛ chal la merɛ saraha kon waa lɔ n Dea Cheremibɔr doonyoa la bɔr la ta. Bá ɛ merɛ o baŋre anaarɛ la bwa ta.

Lewi Dea Tena 1:5 ပူးပေါင်းရင်းမြစ်များ

Lewi Dea Tena 3:8

dɛ́ kpɔ nɔn dawɛ o nyu ta, dɛ́ teŋe o baŋa n Dea Cheremibɔr la doonyoa bɔr bela. Ásɛ Arɔn bibaala la ɛ chal la merɛ saraha kon la baŋne anaarɛ la bwa ta.

Lewi Dea Tena 1:11

Naate la teŋe o baŋa saraha kon weekaŋle nyunduabɔr pera n sie. Ásɛ Arɔn bibaala baa ɛ sɔfore la ɛ chal la merɛ saraha kon la baŋne anaarɛ la bwa ta.

Lewi Dea Tena 3:2

Naate la waa dɛ ba ba ɛ saraha la kpɔ o nɔn dawɛ nao la nyu ta, dɛ́ teŋe o baŋa n Dea Cheremibɔr la doonyoa bɔr bela n sie. Ásɛ Arɔn bibaala sɔfore la ɛ chal la merɛ saraha kon la baŋne anaarɛ la bwa ta.

1 Pita 1:2

Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

2 Webena 35:11

Baa kpoo pebiiri ne bombiire la tonɛ la, sɔfore la kpɔ a chal merɛ kon baa ɛ saraha o ta dɛɛ tɛ Korowii la ta, asɛ Lewi dea tena la ɡe ɛɛ swea.

Lewi Dea Tena 3:13

Naate la kpɔ nɔn dawɛ o nyu ta, dɛ́ teŋe o baŋa n Dea Cheremibɔr la doonyoa bɔr bela. Ásɛ sɔfore la ɛ o chal la merɛ saraha kon la baŋne anaarɛ la bwa ta.

Kaala 29:16

Teŋe o baŋa ásɛ dɛ ɛ o chal la ta saraha kon la baŋne bwa ta.

Hibru 10:11

Juu tena sɔfore te la, tɔpere bwaa ba che ba sɔfore toma ta dɛ teŋɛ dɛɛ ɛ saraha siwibeŋkpoŋ. Kɛ a ɡɛ saraha nɔ aa won laa nɛn wechɔɡa kpɔ o nɛɛ bwa.

Maeka 6:6

Bɔkwaa mɛɛ ba kpɔe ba Korowii waa dɛ di kora nyundua sie ba tomɔ wɔ? Ń kpɔ nabiiri aa di benanyoa ba fuah ɛ saraha o sie naa?

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Aesaya 52:15

Kɛ taraken, harɛre nɛra nyoa ɛɛ kpo o waa, koranar hel, ba bwara yɔr. Baa na waa baa wola ba be bolɛ bwaa, ásɛ anɔ la baa wola noɛ bwa la, bá no a mun.”

Nɛra Kura 18:17

Nao kɛɛ pee, kɛɛ booh biloɡle waa ɛ ombal te, he bɛ a nyuune charɛ. A te ɛ n kwa. Hé kpɔ a chale merɛ saraha kon la ta, ásɛ dɛ fuh a noorare la kɛŋɔ saraha baa dɛ fuah. A sɔɔh ɛɛ do men Korowii somee.

Lewi Dea Tena 16:15

A habɔɔ la, ó kpɔ booh la, dɛ́ kpo ɛ wechɔɡa kpɔe dɛ kɛ saraha tɛ nɛra la, dɛ́ kpɔ o chal la ba pateesan la habɔɔ, dɛ́ ɛa ɡɛ tenten waa ɛ nao la chal la. Ó merɛ ane N Ne Nɛwɛnyina Fɔo Daka tɔ la ta, dɛ́ merɛ ane ɡe o sie bela.

Lewi Dea Tena 1:15

Sɔfo la kpɔ kon la kaa saraha kon la ta, dɛ́ tor o nyu ta nii la ta ó fuh, ásɛ dɛ kpoŋo o chal la bwa hwaah ta saraha kon la baŋ bɛl.

Kaala 29:11

Teŋe o baŋa men Korowii sie n Dea Cheremibɔr doonyoa bɔr bela.

Lewi Dea Tena 4:29

Ó kpɔ nɔn dawɛ bohnee la nyu ta, dɛ́ teŋe o baŋa bela baa dɛ kpo saraha kwaa dɛɛ fuah la.

Lewi Dea Tena 4:33

Ó kpɔ nɔn dawɛ o nyu ta, dɛ́ teŋe o baŋa bela baa kpo kwaa dɛɛ fuah la bɔr, dɛ́ kpɔ ɛ wechɔɡa kpɔe dɛ kɛ saraha.

Lewi Dea Tena 17:11

Komɛlbwa o siwi aa lole la mkpa lɔ o chal ta, a waa n kpɔ tɛ heyaa kɛŋɔ hé kpɔ soŋe he wechɔɡa saraha kon ta la. Chal laanee bá kpɔ soŋe nɛn wechɔɡa dɛɛ tɛo wɛɛ dɔ mkpa.

1 Samoɛl 1:25

Baa kpo nabal la tonɛ la, ba kpɔ bie la do sɔfo Eli nɔn ta,

Ɛsekeɛl 43:18

Nemenɛ Korowii berɔ ŋɔ n be ŋɔ, “Nɛwɛnyini bie, dɛ ba ɛ saraha kon la tonaa, ŋwɛnɛre baa che a ta dɛɛ fuh saraha kwaa dɛ́ kpɔ a chale dɛɛ merɛ o ta laanee teŋa nɔ.

Kaala 40:6

Ásɛ dɛ kpɔ kon baa fuh saraha kwaa dɛɛ tɛ Korowii o ta la ba cheɡ n Dea Cheremibɔr la sie,

Lewi Dea Tena 4:7

Ásɛ sɔfo la ɛ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni ta dɛ do n sie n Dea Cheremibɔr la bini la. Chal la kar la, ó le dɛ́ ka fuɡa ta o mun ta n doonyoa bela.