Lewi Dea Tena 1:3 - mzwDBL

³ Dɛ nawee wɛɛ ba kpɔe dɛ ɛ saraha baa fuh tɛ mɛ naa, ó lawɛ ombal waa wola kirihiah bɛlbwa dii. N Dea Cheremibɔr doonyoa belaa ó che dɛ́ kpɔ ba tɛ mɛ ásɛ n lɛ.

Lewi Dea Tena 1:3 ပူးပေါင်းရင်းမြစ်များ

Mumpar 22:13

Abraham ha sie nyiŋi, asɛ dɛ na pebal o nyeɡlare aa karɛ kaɡra ane ta o che. Asɛ o ka lawɔ dɛ kpoo, dɛ kpɔ chiɡ o bie la naa ta, dɛ fuh ɛ saraha tɛ Korowii.

Mumpar 22:2

Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”

Mumpar 22:8

Asɛ Abraham chaŋe ŋɔ, “N bie, Korowii ɡbaɡbaa dɛ́ tɛ pee maa kpɔ ɛ saraha la.” Ba nɛra banɛ la bwa berɛ tɛr do dɛɛ kaa.

Mumpar 8:20

Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

2 Webena 29:32

Ba kpɔ nabala fifraanuanɛ ne pebala lafa, dɛ pebiiri lafraanɛ ba fuh ɛ sarahare tɛ Korowii.

2 Webena 35:12

Ba laa anɔ la baa fuah ɛ sarahare la kpɔ, dɛ bɔna denaa ta tɛ nɛra la, asɛ ba kpɔ ɛ saraha tɛ Korowii ɡɛ aa lɔ Mosis Tɔn bini la. Gɛ tentenee ba ɛ nabali la ɡe.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Kaala 12:5

Kondɛɛre ombal waa wola kirihiah bɛlbwa dii, dɛ di benanyoa laanee chɛ kɛ hé lawɛ ba ɛ ɡɛ waa nɔ. He ta pebie dɔe yaa, bohnee chɛ kɛ hé lawɛ.

Kaala 24:5

Asɛ o tomɛ Israel bonɔɔna ba ka fuh kwaa ɛ saraha, dɛ kpoo nabali ɛ deŋnesɔɔhna saraha tɛo.

Kaala 29:18

Ásɛ dɛ fuh o bwa saraha kon la ta. A ɛ saraha kon baa dɛ fuh o bwa o sɔɔh ɛɛ do som n be.

Kaala 29:4

Ásɛ dɛ kpɔ Arɔn ne o bibaala la ba n Dea Cheremibɔr doonyoa bela dɛ́ sɔ ba ne.

Kaala 29:42

Gɛɛ dɛ chɔ le tɛ naanar baa ka ba la baa fuh a ɡɛ saraha kwaa nɔ tɔperee bwa n Dea Cheremibɔr doonyoa bela men Korowii sie. Belaa mɛɛ ba heyaa chema, dɛ́ bol waa he be.

Kaala 32:6

Anomanta, tɔ aa pera la, ba felo ir dɛ ba kpoo kwaa fuh ɛ saraha kon la ta, dɛ kpɔ deŋnesɔɔhna saraha kwaa ɡe ba. A habɔɔ la, ba soɡo dɛ di kwa, dɛ nyɔ sen, dɛ ir sa sachɔɡa.

Kaala 35:21

asɛ bɛlbwa aa le o bambile ta kɛŋɔ ó kpɔ kwaa ba tɛ Korowii, bá kpɔ kwaa o Dea Cheremibɔr la kpɔ ba, ásɛ ba kpɔ ɛ kwaa baa kpɔ tomɛ Korowii bela, ne laala aa do ɡoroŋ la bwa.

Kaala 35:29

Israel tena haahna ne baala bwaa le ba bambile ta dɛ kpɔ saraha kwaa ba cha Korowii toma ɡɛ waa cheɡɛ Mosis nɛɛ dɛ bol ba be la.

Kaala 35:5

Komɛlbwa haa dɔa la, hé kpɔ a bini ane ba ɛ saraha tɛ Korowii. Gɛ aa le bɛlbwa bambile bini la ó kpɔ ba tɛ Korowii. Koŋkwaa kɛŋɔ suuɡaswɛm ne suuɡapoŋ dɛ ayaawa,

Kaala 36:3

Anee Mosis kpɔ saraha kwaa Israel tena aa kpɔa ba ŋɔ bá kpɔ ɛ Korowii Dea la toma tɛɛ ba. Nɛra ta tea dɛ teŋɛ kpɔ kwaa baa tɛ chɔɔ bɛlbwa bambile bwa ne.

Kaala 38:1

O kpɔ akaasia daa kwaa kon baa dɛ fuh saraha kwaa o ta dɛɛ tɛ Korowii. O jaŋne ne o paɡri bwa kɛrɛdɛ. O jaŋne ɛ naɡale anuanɛ ne tama, o paɡri ɡe ɛ ɡɛ tenten asɛ o daŋa ɛ naɡale anaarɛ ne tama.

Aesaya 1:11

O ŋɔ, “Bɔkwaa kwaa haa dɛ kpoo kohona dɛ kpɔ ɛ saraha dɛɛ tɛ mɛ la ɛɛ baɡleɔ? Kwaa haa kpoora dɛ fuah dɛ kpɔ dɛɛ jam mɛ, pebala, ne ola noorare pe mɛ, nae ne pebiiri ne boohna chale aa men pɛla dɔ.

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Ɛsekeɛl 40:39

Bela baa cheɡa dɛɛ jo doonyoa ta la, teeburre anɛ cheɡɛ baŋ bɛlbwa ta. A taa baa kpoo saraha kwaa baa dɛ fuah, ne wechɔɡa kpɔe dɛ kɛ saraha, dɛ bolchɔɡe dii saraha kwa.

Lewi Dea Tena 1:10

Dɛ nomɛlbwa saraha kon ɛ kondɛɛre kɛŋɔ pee, kɛɛ booh naa, o ɛ ombal waa wola kirihiah bɛlbwa dii.

Lewi Dea Tena 14:10

Tɔ aa per tɔpenuatoro wee la, ó lawɛ pebali anɛ ne pelor aa di benanyoa, a bɛlbwa aa wola kirihiah dii la, ne men baa nama a kper kɛrɛdɛ kuruware atoro noo aa koo a ta, dɛ noo pɛrɛntoa fah.

Lewi Dea Tena 16:7

Ásɛ dɛ lawɛ boohna anɛ la ba n Dea Cheremibɔr doonyoa bela n sie.

Lewi Dea Tena 17:4

dɛ o ta kpɔe ba n Dea Cheremibɔr la doonyoa, dɛ ba kpo ɛ saraha n sie tɛ mɛ naa, dɛ o fuɡe chal ta dɛ di bolchɔɡe. Maa naate laanee kure ja n nɛra nɛɛ kpa.

Lewi Dea Tena 17:8

Berɛ ŋɔ ba be ŋɔ Israel te bɛlbwa kɛɛ hɔɔh bɛlbwa waa soɡe ba bini dɛɛ nyin ó ɛ saraha baa fuah, kɛɛ saraha te bɛlbwa,

Lewi Dea Tena 17:9

dɛ o ta a ne n Dea Cheremibɔr doonyoa balɛ ba ɛ saraha tɛ mɛ naa, a chɛ kɛ bá pere naate le o nɛra bini.

Lewi Dea Tena 23:12

Awola tenten haa ɛ saraha nɔ la, a chɛ kɛ hé lawɛ pebie ombal waa wola kirihiah bɛlbwa dii dɛ di benanyoa la ɛ saraha baa fuuh tɛ mɛ,

Lewi Dea Tena 23:18

Pebali anuanɛ a bɛlbwa aa di benanyoa, ne nabale beŋkpoŋ, ne pebala anɛ a bini bɛlbwa aa wola kirihiah dii chɛ kɛ hé lawɛ ja paanoo la ta ɛ saraha. Baa fuah tɛ men Korowii dɛ́ kpɔ mea sarahare ne sen saraha la ja a ta. A ɛ saraha baa fuah a sɔɔh ɛɛ do som n be.

Lewi Dea Tena 3:1

Korowii berɔ ŋɔ, “Dɛ nomɛlbwa kpɔ nao ba, dɛ́ ba ɛ deŋnesɔɔhna saraha tɛ mɛ naa, ó lawɛ ombal kɛɛ onnee waa wola kirihiah bɛlbwa dii, dɛ́ kpɔ ba n sie.

Lewi Dea Tena 4:15

Nomonome baa chɔ ba nyoo la kpɔ nɔɔra dawɛ nao la nyu ta n sie, ásɛ mɔɔ dɛ teŋe o baŋa bela.

Lewi Dea Tena 4:23

Dɛ o berɔ ba na kɛŋɔ o ɛ wechɔɡa aa, a chɛ kɛ o lawɛ bombal waa wola kirihiah bɛlbwa dii ba ɛ saraha.

Lewi Dea Tena 4:3

Dɛ Sɔfonomoa ɛa aa, o ɡelɔ nɛra la bwa di bolchɔɡe. A chɛ kɛŋɔ ó lawɛ nabal waa wola kirihiah bɛlbwa dii, dɛ́ kpɔ ɛ wechɔɡa kpɔe dɛ kɛ saraha tɛ mɛ o wechɔɡa la wa.

Lewi Dea Tena 4:32

Dɛ pebie ɡee naate dɔ dɛ́ kpɔ ba ɛ o wechɔɡa saraha aa, ó lawɛ onnee waa wola kirihiah bɛlbwa dii.

Lewi Dea Tena 5:15

“Dɛ nomɛlbwa ɛ wechɔɡa o ta kwaa a fe aa chɛ kɛŋɔ ó kpɔ ba ɛ saraha tɛ mɛ ɡɛ aa chɛa dɛ o laa saahna aa, ó lawɛ pebal waa wola kirihiah bɛlbwa dii ba ɛ saraha, dɛ́ kpɔ bɔ o wechɔɡa kem. O yoɡ chɛ kɛ ó do ɡɛ baa maɡa bil Korowii Dea la aa doa. O ɛ bolchɔɡe dii saraha.

Lewi Dea Tena 5:18

Naate lawɛ pebal waa wola kirihiah bɛlbwa dii, o yoɡ do ɡɛ baa maɡa la dɛ́ kpɔ ka tɛ sɔfo la, ásɛ o kpɔ ka ɛ naate la bolchɔɡe dii saraha. Gɛɛ sɔfo la ɛɛ ba ɛɛ dɛ soŋe naate wechɔɡa waa wola saahnɛ ɛ la ásɛ n kpɔ kɛo.

Lewi Dea Tena 6:2

“Dɛ nomɛl kpɔ komɛl tɛ o dɔŋ ŋɔ o kpɔ cheɡ, asɛ naate neɡro dɛ kpɔ berɛ o kon kɛɛ dɛ ŋwɛo, kɛɛ dɛ faahro waa, o ɛ wechɔɡa dɛ jo n nɛ.

Lewi Dea Tena 6:8

Korowii berɔ ŋɔ Mosis be ŋɔ,

Lewi Dea Tena 7:16

Kɛɛ dɛ saraha la ɛ nyobaɡa saraha kɛɛ o ɡbabir bambile ta saraha aa, bá dia awola tenten. Dɛ ane kao tɔɔ per a ta naa, ba won a dii.

Lewi Dea Tena 8:18

Mosis berɔ kpɔ pebal baa kpɔ ɛ saraha dɛ fuuh la ba, asɛ Arɔn ne o bibaala kpɔ ba nɔɔra dawɛ o nyu ta.

Lewi Dea Tena 8:21

O yaɡle o tea bini kwaa ne o nakpale, dɛ fuh ane ol la bwa saraha kon la ta, dɛ ɛ saraha baa dɛ fuh o bwa o sɔɔh ɛɛ do som Korowii be ɡɛ waa do Mosis la.

Lewi Dea Tena 9:2

Mosis ŋɔ Arɔn be ŋɔ, “Lawɛ nabale ne pebal a bini bɛlbwa aa wola kirihiah dii ba Korowii sie. Ásɛ nao la ɛ wechɔɡa kpɔe dɛ kɛ saraha kon, ásɛ pee la ɡe hé kpɔ ɛ saraha baa fuuh.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Nɛra Kura 15:3

dɛɛ nyin he fuh saraha kwaa tɛo dɛ́ le he nae kɛɛ peera bini a sɔɔh do som o be naa, dɛ saraha kwaa haa fuah kɛɛ nyobaɡa saraha, kɛɛ anɔ la aa le he bambile ta, kɛɛ he tɔpejena la dii saraha bɛlbwa ɡee yaa,

Nɛra Kura 15:8

Dɛ he kpɔ nabale dɛɛ ba ba ɛ saraha baa fuuh kɛɛ nyobaɡa saraha kɛɛ deŋnesɔɔhna saraha tɛ Korowii aa,

Nɛra Kura 19:2

“Mmara maa dɛ nyin n do Israel tena a ta laanee kɛŋɔ, bá lawɛ naneswɛm waa wola kirihiah bɛlbwa dii, baa wola daa kpɔe dawɛ o nɛɛ dɛ kpɔɔ parɛ ka ba tɛ mɛ.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Nɛra Kura 23:27

Kooro Balak berɔ ŋɔ Balam be ŋɔ, “Ba ya kaa bofale, a ken ɛɛ too Korowii tea, ásɛ he won che bela tomɛ ba toma tɛ mɛ.”

Nɛra Kura 23:3

Balam ŋɔ Kooro Balak be ŋɔ, “Che saraha kwaa la jwɛɛh ásɛ n le kɛrɛ, Korowii ken ɛɛ bol waa n bee. Wobɛlbwa waa pili a bini baɡ mɛ la, mɛɛ ŋɔ he bee.” Asɛ dɛ kaa deŋɡare bɛl doa.

Nɛra Kura 23:30

Kooro Balak ɛ waa Balam aa ŋɔ o be la, dɛ kpɔ nabal beŋkpoŋ ne pebal beŋkpoŋ ɛ saraha kon la bɛlbwa ta.

Nɛra Kura 28:11

Korobie bɛlbwa tɔpeloɡle ta la, hé kpɔ nabali anɛ ne pebal dɛ pebali anuanɛ a bɛlbwa aa di benanyoa, aa wola kirihiah bɛlbwa dii ɛ saraha tɛ Korowii.

Nɛra Kura 28:19

Hé kpɔ nabali anɛ ne pebal ne pebali anuanɛ, a bɛlbwa aa dɔ benanyoa aa wola kirihiah bɛlbwa dii ba ɛ saraha, dɛ́ fuah tɛ Korowii.

Nɛra Kura 28:31

Hé ɛ a ɡɛ kwaa nɔ ne a sen sarahare, dɛ́ kpɔ ja saraha haa ɛa dɛɛ fuah saŋ bɛlbwa la ne a mea sarahare bwa ta. Hé nyiŋi kɛrɛdɛ kɛŋɔ nae ne peera ne boohna la bɛlbwa ta kirihiah dii.”

Nɛra Kura 29:13

Hé kpɔ kwaa ɛ saraha a sɔɔh aa soma ba tɛ Korowii. Hé kpɔ nabali fi dɛ atoro ne pebala anɛ ne pebali fi dɛ atoro, a bɛlbwa aa dɔ benanyoa aa wola kirihiah bɛlbwa dii ba fuh ɛ saraha.

Nɛra Kura 29:2

Ásɛ he ɛ saraha dɛ́ fuah, ásɛ a sɔɔh ɛɛ do Korowii som. Hé kpɔ nabale beŋkpoŋ ne pebal dɛ pebali anuanɛ aa dɔ benanyoa, a bɛlbwa aa wola kirihiah bɛlbwa dii.

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Jɔn Aa Chwera Tɔn 1:36

O na Yeesu o baa kaa, asɛ dɛ ŋɔ, “Hé na Korowii Pebie la!”

Amanesoma Jɔn Aa Chwera Tɔn 10:7

Yeesu berɔ ŋɔ ba be ja ŋɔ, “Kasinteŋ, n dɛ ŋɔ he be, n do kɛŋɔ peera leɡ doonyoa la.

Amanesoma Jɔn Aa Chwera Tɔn 10:9

Menee doonyoa la, ɡɛ peera aa cheɡɛ doonyoa dɛ jo dɛɛ le, dɛ dɔ kwaa dɛɛ di la, ɡɛɛ nomɛlbwa waa yarada mɛ la ɛɛ ba mkpa dɔe.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

2 Kɔrent 9:7

Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.

Ɛfesos 2:18

Onee ɡela ya bwa dɔ Korowii Domadɛɛɡe la, dɛ che o nɛɛ dɛ won dɛɛ tel o Mɛɛ la be.

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

Mmarare 12:27

Ásɛ he kpɔ ol la ne chal la bwa ɛ saraha bela baa kpoo kwaa dɛ fuah dɛɛ tɛ Korowii la, dɛ́ fuɡe ol la bɛl ɡe chal ta bela baa kpoo kwaa dɛɛ fuah la, ásɛ dɛ di ol la te.

Mmarare 15:21

Dɛ kondɛɛre la bɛlbwa di kirihiah o nakpala kɛɛ o sibie kɛɛ o bobɛl aa, he bɛ on kpɔ ka ɛ saraha tɛ Korowii.

Mmarare 17:1

Mosis berɔ ŋɔ, “He bɛ nao kɛɛ pee waa di kirihiah kpɔ ka ɛ saraha tɛ Korowii haa dɛ tomɔ nɔ. O kii ɡɛ kwaa la.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.