Lewi Dea Tena 1:1 - mzwDBL

¹ Korowii yerɛ Mosis le o Dea Cheremibɔr la bini dɛ ŋɔ o be ŋɔ,

Lewi Dea Tena 1:1 ပူးပေါင်းရင်းမြစ်များ

Kaala 19:3

Anee Mosis teeh la Korowii be bwe la doa. Asɛ Korowii yerɔ bwe la doa ŋɔ ó ka ŋɔ Israel tena baa ɛ Jekɔb naanar be ŋɔ,

Kaala 25:22

N ne he Danseɛ Daka la doa Kerobim la baah taa mɛɛ ba he chema, dɛ́ kpɔ me Mmarare bwa tɛɛ hé kpɔ tɛ Israel tena.

Kaala 29:42

Gɛɛ dɛ chɔ le tɛ naanar baa ka ba la baa fuh a ɡɛ saraha kwaa nɔ tɔperee bwa n Dea Cheremibɔr doonyoa bela men Korowii sie. Belaa mɛɛ ba heyaa chema, dɛ́ bol waa he be.

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Nɛra Kura 7:89

Saŋ bɛlbwa Mosis aa jo Korowii Dea Cheremibɔr bela, o ne Korowii bol waa la, o dɛ no taa la dɛɛ le Kerobim la baah ta. Ba sɛah chɔŋɛ Korowii Ne Nɛwɛnyina Fɔo Daka tɔ la doa. Belaa Korowii do dɛ bol waa o be.

Kaala 39:32

Gɛɛ a do Israel tena tonɛ toma aa lɔ Korowii Tɛnte Dea waa ɛ o Dea Cheremibɔr bela bwa, ɡɛ Korowii aa do Mosis la.

Kaala 33:7

Mosis yon kpɔ tɛnte le kaa bela baa soɡa la dahara tama ka baŋre dɛɛ yerɔ ‘Korowii Dea Cheremibɔr.’ Nomɛlbwa waa dɛ nyin ó jemɛ waane le Korowii be la yon la bela.

Kaala 24:12

Asɛ Korowii ŋɔ Mosis be ŋɔ, “Teeh ba bwe nɔ doa, dɛ́ ba soŋni n be bonɔ. Mɛɛ tɛɛ bwepɛle maa chwerɛ me Mmarare haa dɛɛ teŋɛ a ta, ásɛ nɛra la ka hweli dɛ́ jemɛ waa maa do ba a ta.”

Lewi Dea Tena 7:38

Sinai Bwejen pua hɛŋle ɡbo harɛ ta belaa Korowii kpɔ ɡɛ waa nɔ tɛ Mosis awola tenten waa do Israel tena ŋɔ bá kpɔ ba saraha kwaa baa tɛo la.

Lewi Dea Tena 9:16

O kpɔ saraha kon baa fuuh la ɡe ba, dɛ ba ɛo ɡɛ aa chɔ le kɛ baa ɛa la.

Kaala 3:4

Korowii aa naa kɛŋɔ o ba sie dɛ́ ba na la, o yerɔ dawii la bini ŋɔ, “Mosis! Mosis!” Asɛ o chaŋe ŋɔ, “N Naa Korowii, menee nɔ.”

Kaala 40:29

O kpɔ kon baa fuh saraha kwaa o ta dɛɛ tɛ Korowii la ɡe ba cheɡ Korowii Tɛnte Dea waa ɛ o Cheremibɔr la doonyoa bela, asɛ dɛ kpɔ saraha kwaa baa dɛ fuah ne mea saraha ba tɛ Korowii ɡɛ waa doo la.

Nɛra Kura 1:1

Israel tena aa le Ijipt harɛ ta la, ba soɡe Sinai Bwejen pua hɛŋle ɡbo harɛ ta. Ba soɡa bini bennɛɛte korobie waa teŋa nɛɛ o tɔpere waa tɔ sie ta la, Korowii bol waa Mosis be o Dea Cheremibɔr bela dɛ ŋɔ,

Nɛra Kura 7:15

ne nabale beŋkpoŋ ne pebal beŋkpoŋ, dɛ pebale beŋkpoŋ aa di benanyoa bá kpɔ ɛ saraha baa dɛ fuah,

Mmarare 27:6

Bwea baa wola an sɛɛh nee chɛ kɛŋɔ hé kpɔ ɛ kon baa dɛ ɛ saraha o ta dɛɛ tɛ Korowii haa dɛ tomɔ la. O taa chɛ kɛŋɔ hé fuh kwaa baa kpɔa dɛɛ ɛ saraha dɛɛ tɛ Korowii haa dɛ tomɔ nɔ.

2 Koranar 16:13

O ɛ saraha baa dɛ fuah ne mea saraha, dɛ fuɡe sen saraha ta o ta, dɛ ɛ deŋnesɔɔhna saraha waa ɛa la chal merɛ saraha kon la ta.

2 Webena 29:32

Ba kpɔ nabala fifraanuanɛ ne pebala lafa, dɛ pebiiri lafraanɛ ba fuh ɛ sarahare tɛ Korowii.