Kolosi 4:1 - mzwDBL

¹ He banɔ la haa dɔ bonɔɔna ne toli la, hɛ́ɛ ɛɛ ba waa aa toɡra dɛ do wer, dɛkalkɛŋɔ he ɡba lɔ nomɛl lɔɡa, o do Korowii doa.

Kolosi 4:1 ပူးပေါင်းရင်းမြစ်များ

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Aesaya 58:3

Ba dɛ ŋɔ, “Ɛrɛɛ ya vɔwɛ nyoa Korowii aa wola na, dɛɛ pwɛr ya te waa wola jemɛ nɔɔ?” Korowii ŋɔ, “Haa vɔwɛ nyoa la, he ɡbo nɛɛ he sie lɛ dɛ yon dɛɛ ɛ he tom-ɛɛra hɔhɔrɔwa.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 20:4

Anee o ŋɔ ba be ŋɔ, ‘Hé ɡe kaa n koo la ta ka ɛ toma, ásɛ n tɛ heyaa kembɔr aa chɛ heya.’

Amanesoma Luk Aa Chwera Tɔn 19:15

Kɛ ane a bwa, o dɔ o kora la, dɛ laa berɛ ba. Waa bala la, o ɡelɔ ba yerɛ o bonɔɔna waa tɛɛ ba suuɡa la tɛo, ásɛ o na suuɡa baa dɔa.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.