Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolosi 3:4 - mzwDBL

4 Awola Yeesu Kristo he mkpa aa lɔ o be aa ba harɛ ta la, he ne o bwa ɛɛ pɛo dɛ ba ɡɛ saŋ, dɛ ba dɔ jirima o bala la ta.

အခန်းကိုကြည့်ပါ။ ကော်ပီ




Kolosi 3:4
36 ပူးပေါင်းရင်းမြစ်များ  

N waa aa toɡra nomanta, mɛɛ nae, n chɔɔ ir aa, n sie ɛɛ lɛo kohona, ń na ɡɛ haa doa.


He dɛ baɡ mɛ asɛ mɛɛ teŋɛ he waa la ta. A habɔɔ la, hɛɛ lɛɛ mɛɛ ń dɔ jirima.


Ásɛ name nɛra baa dɛ ɛ wedɛɛɡa ba wa ɛɛ su Korowii siwi la chaah kɛŋɔ wee ken ba Mɛɛ Kora la ta bela. Nomɛlbwa waa no la, ó no.”


Gɛ tentenee aa ba ɛɛ awola Men Nɛn Bie la aa ba ja la.


Asɛ Yeesu ŋɔ o be ŋɔ, “Menee dɛɛ chum nɛra seo ta, menee dɛɛ tɛɛ ba mkpa. Nomɛlbwa waa yarada mɛ la, dɛ o sewɔ kwaraa naa, wɛɛ dɔ mkpaa.


Dɛ n kaa kwaa bɔr cheɡ heyaa bela aa, mɛɛ berɔɔ ba ásɛ dɛ ba kpɔ heyaa kaa bela maa lole, ásɛ bela maa so la, hé ɡe do bela.


Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.


N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.


Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.


Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la.


Wahala nɔ yaa dɛ na taraken nɔ, he nyiŋi som yaa dɛ ba nae kerekere la aa, a ta wahala ɛɛ kwaraa.


Korowii kontaala bwa siwi swɛɛrɔ aa kpa tɔɔ la wee Korowii aa baɡle nɛra baa ɛ o bii la.


Anomanta, taraken haa kpɔ hwɛɡa dɛɛ kpa ya Dɔɔ Yeesu Kristo bala nɔ, wobɛlbwa kpeɡri ta heyaa nyae le Korowii be.


Bwadabii yaa dɔa mɔɔ dɛ serewe la ɛɛ chɔɡoo. O ɛ kompɛɛ baa huɡo, kɛ Korowii ɛɛ leo seo taa, ásɛ o ɛ kondɛɛɡe. Kon baa huɡo la aa kpeɡri bɛlbwa dɔ, kɛ Korowii ɛɛ iruu ásɛ o do kpeɡri.


Wahala tama nɔ yaa dɛ na tɔpera anɛ bɛl nɔ ɛɛ ɡeloo ya dɔ jirima aa wola jaɡa dɔe, ásɛ a ɡwaa wahala nɔ kwaraa ken.


Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.


Dɛ o balaa, wɛɛ beɡre ya bwadabisale aa won pɔeh nɔɔ á do wer kɛŋɔ o ɡbaɡba bwadabii aa do wer kohona ɡɛ la. O kpeɡri taa wɛɛ ba ɡɛ ɛɛ. O dɔ kpeɡri kɛŋɔ o won ɡel komɛlbwa no o be.


ásɛ Korowii kpɔ ba ne ya banɔ la ɡe ya ta aa soɡe le ɡɛ saŋ la bwa kaa nyundua baama bini, dɛ́ ka cheme ya Dɔɔ bela, ásɛ ya ne o so saŋ bɛlbwa.


kɛ hé lawɛ waa nɔ bini kɛrɛdɛ dɛ́ ɡel a toɡre, ásɛ nɛra bɛ a wobɛlbwa dɔ bol dɛ́ ka tel ɡɛ saŋ ya Dɔɔ Yeesu Kristo aa berɛ ba ja.


Men Pɔɔl maa ɛ Yeesu Kristo torome la, men chwerɛ tɔn nɔ. A too Korowii tea o lee mɛ ŋɔ ń ka bol mkpa waa baɡɛ nyoa ŋɔ yá che Yeesu Kristo nɛɛ dɔ la wa.


Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.


dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.


Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.


Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.


He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.


N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.


Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.


Nomɛlbwa waa kpɔ o te pɛl Korowii Bie la dɔ a ɡɛ mkpa nɔ. Nomɛlbwa waa wola o te kpɔe pɛl Korowii Bie la ta mkpa la dɔe.


Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,


Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”


Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,


Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ