Kolosi 3:24 - mzwDBL

²⁴ He Dɔɔ Yeesu Kristoo he ɛ dɛɛ tɛ. He jemɛ kɛŋɔ o bee hɛɛ ba kembɔr waa kpɔa cheɡ o nɛra la dɔe.

Kolosi 3:24 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Matiu 10:41

Nomɛlbwa waa nyiŋi Korowii keame nɛɛ o keamere ɛɛ nomanta la, wɛɛ dɔ Korowii keame kembɔree. Asɛ nomɛlbwa ɡe waa koh nɛndɛɛɡe dɛɡre waa dɛ nyiŋi o nɛɛ la, wɛɛ dɔ nɛndɛɛɡe kembɔree.

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Matiu 5:46

Dɛ he dɛ nyin nɛra baa dɛ nyin heyaa ɡbo aa, kembɔr besoo hɛɛ ba dɔe le Korowii be nɔ? Toɔ lɛɛra baa ɛ wechɔɡ-ɛɛra ɡba dɛ nyin nɛra baa dɛ nyin ba wa.

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Matiu 6:5

Yeesu berɔ ŋɔ, “He dɛ ba Korowii soŋa aa, he bɛ he te ɛ kɛŋɔ nɛra baa dɛ na nɛra sie mɔɔ dɛɛ ɛ waa la. Banee yon dɛɛ nyin cheremi deene ne fɔɡbaahna cheɡa dɛɛ soŋe Korowii, ásɛ nɛra na ba. Kasinteŋ, ba te dɔ ba kembɔr tonɛ.

Amanesoma Luk Aa Chwera Tɔn 14:14

ásɛ Korowii ɛɛ andɛɛɡa, dɛkalkɛ ba ta komɛlbwa dɔe dɛ kpɔ bɔe kem. Awola nɛndɛɛɡa ba wa aa dɛ su Korowii siwi aa ir seo ta la, Korowii ɛɛ bɔe a kemee.”

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

We-ɛɛla 20:32

N kpɔ heyaa do Korowii nɔn ta ásɛ o kpoŋe heya, ásɛ o nɛra nɛɛ suna waa la won do he bambile bini ásɛ he do kpeɡri, dɛ́ won di kapɛrɛsom la waa ɛa cheɡ nɛra waa laa ba doŋa bwa kpɔ ba nɛɛ asɛ ba ɛ o ɡbo nɛra la.

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Tɔn Pɔɔl Aa Chwerɛ Rom Tena 14:18

Nɛn a ɡɛ waa nɔ aa hiaoh Yeesu Kristo toma bini la, Korowii sie dɛ lɛ o nɛ, asɛ o wa ɛɛ su nɛwɛnyina ɡe siwi.

1 Kɔrent 11:23

Ya Dɔɔ Yeesu baɡ mɛ waa nɔ n ɡe baɡle heyaa kɛŋɔ o fa ɛ waane jwaana baa leo tɛ la. O kpɔ paanoo,

1 Kɔrent 3:8

Nɛn waa dɛ du kwaa ne onɔ la waa dɛ do nee a ta la te bɛlbwa ta korɛ. Korowii dɛ bɔ bɛlbwa kem ɡɛ aa chɛa.

1 Kɔrent 7:22

Nomɛlbwa waa ɛ yom dɛ ɛ asɔre te la, o dɔ o te Korowii be. Gɛɛ a do, nomɛlbwa waa dɔ o te dɛ ba ɛ asɔre te la, o ɛ Yeesu Kristo yom.

Galaasia 1:10

Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.

Ɛfesos 6:6

He bɛ sɔn waa koh dɛ́ kpɔ bokpeɡa dɛ́ɛ ɛ toma nɛra sie ta, kɛ hɛ́ɛ ɛ toma kɛrɛdɛ ɡɛ aa chɛ kɛ Yeesu Kristo bonɔndɛɛɡa ne toldɛɛɡa aa dɛ ɛ, dɛ́ɛ ɛ toma he bambile bwa ne á su Korowii siwi.

Ɛfesos 6:8

Onee dɛɛ ba nomɛlbwa kem bɔe o tondɛɛɡa bwa waa ɛa ta. Dɛ bonɔɔ kɛɛ toloo ba doe noo, dɛ he nyuu hɛɛ di oo, he bwa dɛ ba tondɛɛɡa haa ɛa kembɔr dɔe Yeesu Kristo be.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

Hibru 10:35

Anomanta, he bɛ ɡel he bambile chɔɡ he yaradae haa dɛ yarada Korowii Bie la. A dɔ kembɔr kohona.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

1 Pita 1:4

Ya dɛ hwɛɡɛ kondɔɔh waa kwaara cheɡ yaa la ta kɛŋɔ aa ɛ ya kwaa. O kwaa a bwa cheɡ heyaa Korowii doa, belaa aa wola pɔh, aa wola chɔɡ, aa wola tu bwa.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”