Kolosi 3:23 - mzwDBL

²³ Wobɛlbwa haa dɛɛ ɛ la, hɛ́ɛ ɛa bambile bwa ne kɛŋɔ he Dɔɔ Yeesu Kristoo he ɛ dɛɛ tɛ. Nɛn laa he ɛ dɛɛ tɛ.

Kolosi 3:23 ပူးပေါင်းရင်းမြစ်များ

2 Webena 31:21

Wobɛlbwa Kooro Hɛsɛkea aa ɛa Korowii Dea Jerusalam, ne ɡɛ waa teŋɛ Korowii Mmarare, ne waa waa doo a ta bambile bwa ne la ɡelɔ o wobɛlbwa chiɡu kɛrɛdɛ.

Yela 103:1

N dɛ kpɛɛ Korowii n bambile bwa ne! N kpɔ n bwadabii bwa dɛɛ kpɛɛ o sɔn waa do ɡoroŋ la!

Yela 119:10

N dɛ tomɛ n bambile bwa ne. Bɛ ɡel n vɛh waa haa do mɛ a ta la ta teŋa.

Yela 119:145

N Naa Korowii, n dɛ yerɛ n bambile bwa ne. Sɛh n be, mɛɛ teŋɛ he Mmarare taa.

Yela 119:34

Cha mɛ n won dɛɛ no waa mun, ásɛ mɛɛ teŋɛ he waa ta, n bambile bwa ne.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Tɔn Pɔɔl Aa Chwerɛ Rom Tena 14:6

Nomɛlbwa waa dɛ lii kɛŋɔ tɔpere bɛl ɛ onjen dɛ ɡwaa bɛl la, o dɛ tɛ Korowii duure, a waa wɛɛ ɛ ɡɛ. Nomɛlbwa waa dɛ di komɛlbwa la, o dɛ tɛ Korowii duure, a waa wɛɛ ɛ ɡɛ, dɛkalkɛŋɔ o dɛ jam Korowii kondikwaa la wa. Nomɛlbwa waa dɛ ki kondikwaa ane soo dii la, o ɡe dɛ tɛ Korowii duure, a waa wɛɛ ɛ ɡɛ. O ɡba dɛ jam Korowii.

Tɔn Pɔɔl Aa Chwerɛ Rom Tena 14:8

Yaa lɔ mkpa ta nɔ, dɛ ya Dɔɔ Yeesu waa ya do le. Dɛ ya baa sewɛ ɡe aa, dɛ onee ya sewɛ tɛ. Anomanta, ya lɔ mkpa ta noo, sewaa ya sewoo, ya Dɔɔ Yeesuu dɔ yaa.

Ɛfesos 5:22

Haahna, hɛ́ɛ no he jaranar waa kɛŋɔ he Dɔɔ Yeesu Kristo waa hɛɛ no la,

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 2:13

Hé koh ya Dɔɔ la waa dɛ́ pwɛr he te dɛɛ tɛ nomonome baa cheɡ ba harɛ bonɔ bwa, he harɛ bwa nyu waa chɔ wobɛlbwa nyoa,

1 Pita 2:15

Korowii dɛ nyin kɛ hɛɛ ɛ wedɛɛɡa, dɛ́ won dɛɛ tɔ ɡɛna ŋwɛnɛ ba bɛ won bol ɡɛnewaa dɛɛ chɔɡ heya.