Kolosi 3:20 - mzwDBL

²⁰ Bechale, hɛ́ɛ no he nyare ne he mɛɛnanar waa saŋ bɛlbwa, dɛkalkɛŋɔ ɡɛɛ dɛɛ lɛ Korowii sie.

Kolosi 3:20 ပူးပေါင်းရင်းမြစ်များ

Mumpar 28:7

asɛ Jekɔb no o nya ne o mɛɛ deŋna wa dɛ kaa bela.

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Sɛɡla 20:20

He taah he nya kɛɛ he mɛɛ aa, he piɡro dɛɛ sewɛ kɛŋɔ kandea aa dima biro ta la.

Sɛɡla 30:11

Nɛra bane dɛ taah ba mɛɛnanar, baa andɛɛɡa sweerɛ dɛɛ tɛ ba nyare.

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

Sɛɡla 6:20

N bie, dɛɛ no waa he mɛɛ aa dɛ doe a ta. Bɛ waa he nya aa dɛ baɡle vɛh.

Jeremia 35:8

Ya teŋɛ wobɛlbwa ya nabaa Jonadab aa do yaa la ta. Ya ne ya haahna kɛɛ bibaala ne bihaahna bɛlbwa ta sen nyɔe bwa,

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Lewi Dea Tena 19:3

He bini bɛlbwa chɛ kɛ wɛ́ɛ duu o nya ne o mɛɛ, ásɛ dɛɛ di n Ona Tɔpera maa kpɔa tɛ heyaa la. Menee Korowii haa dɛ tom mɛ la.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Matiu 19:19

Dɛɛ duu he nya ne mɛɛ, ásɛ dɛɛ nyin he dɔŋ kɛ he ɡbaɡba.”

Ɛfesos 5:24

Anomanta, a chɛ kɛ haahna ɛɛ no ba jaranar waa wobɛlbwa ta kɛŋɔ asɔre tena aa dɛ no Yeesu Kristo waa la.

Mmarare 27:16

Ásɛ ba berɛ ŋɔ, ‘Nomɛlbwa waa wola o nya ne o mɛɛ duu la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Mmarare 5:16

Hé duu he nyare ne he mɛɛnanar, ɡɛ men Korowii haa dɛ tom mɛ la aa do heyaa la. Anee dɛɛ ba ɡela he dɔ mkpajaŋ, wobɛlbwa do wer tɛ heya harɛ maa kpɔa dɛɛ tɛ heyaa la ta.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

Kolosi 3:22

Bonɔɔna ne toli ɡe, hɛ́ɛ no nɛra haa dɛ tom ba harɛ nɔ ta la waa saŋ bɛlbwa. He bɛ ba siebɔr na mɔɔ dɛ́ɛ tom ba dɛ́ɛ nyin baa kpɛɛ heya. Hé ta tea dɛ́ɛ tom ba ɔma haa dɛ ɔmɛ he Dɔɔ Yeesu Kristo nomanta.

Taetos 2:9

Gel nɛra baa lɔ bane nɔn ta kɛŋɔ bonɔɔna kɛɛ toli la no kɛŋɔ báa no ba dɔɔranar wa. Bá ɡel ba wa ɛɛ lɛ ba sie wobɛlbwa ta, dɛ bɛ waa beɡre dɛɛ do ba nyoa,

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

Rut Tɔn 3:5

Asɛ Rut ŋɔ, “Mɛɛ ɛ wobɛlbwa haa bol n be nɔɔ.”