Kolosi 3:16 - mzwDBL

¹⁶ Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Kolosi 3:16 ပူးပေါင်းရင်းမြစ်များ

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Webena 25:7

Ba ne ba lolanar baa ja ba nɛɛ bwa lɔ nɛra lafraanɛ fifraanuatoro dɛ banuatoro, ba chaɡ ba ba dɔ yela ɡoe wejema, dɛ ɡo dɛɛ kpɛɛ Korowii.

Nehemia 12:46

Le Kooro Devid ne Asaf bere saŋ, dɛ nɛra tɔ yelɡoola sie baa kpɛɛ dɛɛ jam Korowii yela ne.

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Yela 119:54

N soɡa tama harɛ nɔ ta nɔ, he waa laanee ber mɛ yela mɛɛ ɡo.

Yela 138:1

N Naa Korowii, mɛɛ kpɛɛre n bambile bwa nee, mɛɛ ɡo yelaa kpɛɛre voɡa sie.

Yela 28:7

Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Yela 32:7

He bee n chwa baa sɔh, hɛɛ lɛɛ mɛɛ le sibeɡra ta. Mɛɛ ɡo yelaa kpɛɛre, lɛɛ haa lɛɛ mɛ la wa.

Yela 71:23

Mɛɛ do lɔŋɔre silɛɛ nee, mɛɛ ɡo yelaa kpɛɛre, he lɛɛ haa lɛɛ mɛ la wa.

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 18:1

Nɛn waa wola nɛra baah jo la waane laa nomɛlbwa wa, o dɛ lɛ ɡaeh, waa nɛn waa lɛɛ dɛɛ do.

Yelsom 1:1

Kooro Solomɔn yela bini yelsomee nɔ.

Aesaya 10:2

Ba laa nyaara waa sie dɛɛ berɛ, dɛ laa nɛra baa lɔ wahala ta waa dɛɛ ɡole, dɛ lɛ luhaahna kwaa dɛɛ le ba be, dɛ berɛ dɛɛ kah bilalbii ɡe kwa.

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 30:29

Korowii nɛra sie ɛɛ lɛo baa ɡo yela kɛŋɔ, baa dɛ di tɔpejena dɛɛ ɡo yela jwaana la. He baah ɛɛ sɔɔh heyaa kɛŋɔ nɛra aa hoh kalipere dɛɛ kaa Korowii Dea. Korowiirii do kɛ Israel tena Bwetal waa dɛ lɛɛ ba.

Aesaya 5:1

Mɛɛ ɡo nɛn maa dɛ nyinu yelee. Gɛ yel nɔ ɛ n chamenate, ne o daa koo yel. O para deŋɡare harɛdɛɛɡe bɛl ta.

Jeremia 15:16

Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.

Matiu 26:30

Asɛ ba ɡo yel kpɛɛ Korowii dɛ ir le kaa Ɔlevere Bwejen la ta.

Amanesoma Luk Aa Chwera Tɔn 2:51

Belaa Yeesu ir ba chiɡ ŋwɛnɛ ta dɛ kaa Nasarɛt. Waa lɔ o nya ne o mɛɛ be la, dɛ o dɛ no ba deŋna wa. O nya kpɔ waa la bwa do o nyu bini dɛɛ kara.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Tɔn Pɔɔl Aa Chwerɛ Rom Tena 10:17

He nyiŋo na naa, Yeesu Kristo waa la noe taa a che nɛra ɛɛ yaradaa, asɛ a bola ɡe taa a che nɛra ɛɛ noa.

Tɔn Pɔɔl Aa Chwerɛ Rom Tena 15:14

Yabala, n ɡbabir jemɔ kɛrɛdɛ kɛŋɔ he dɛ ɛ wedɛɛɡa taeh. He jemɛ waa kohona, dɛ won dɔŋa waa baɡla ɡe.

1 Kɔrent 14:15

Amee jaɔ? Mɛɛ soŋe Korowii n lileo nee, ásɛ dɛɛ soŋo n liire ɡe ne. Mɛɛ kpɔ n lilewee ɡo yela, dɛ́ kpɔ n liire ɡe ɡo ja.

1 Kɔrent 14:26

Yabala, amee jaɔ? Saŋ bɛlbwa haa cheme la, bɛl dɛ tɛ yel, bɛl dɔ sipila waa haa dɛ hwela, bɛl ɡe dɔ waane Korowii aa baɡlo, bɛl ɡee bol wobofala, bɛl ɡee baɡle a mune. Hé ɡel waa haa dɛ ɛ la dɔ tɔnɔ tɛ nomɛlbwa.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Ɛfesos 5:17

Hé ɡel he nfɛrɛ nyae la, dɛ́ jemɛ waa Korowii aa dɛ nyin la kɛrɛdɛ.

Ɛfesos 5:19

ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

Kolosi 4:6

Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.

1 Tesalonika 1:8

He bee ya Dɔɔ la waa che dɛ perɛ baah bela bwa. Bela tena ɡbo laa noa, kɛ yarada haa dɛ yarada Korowii la tel bobɛlbwa. Anomanta, a ta chɛ kɛŋɔ yá bol he waa nɛra be kpa.

1 Tesalonika 4:18

Anomanta, hé kpɔ waa nɔ dɛɛ larawe dɔŋa bwara.

2 Tesalonika 3:15

N ta ŋɔe ŋɔ hé kpɔɔ berɛ he dɔm te, kɛ hé jao kɛrɛdɛ kɛŋɔ ɡɛ haa dɛ ja he nimanar.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

2 Timoti 3:15

He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ.

Taetos 3:6

O Domadɛɛɡe waa kpɔa tɛ yaa la, ya Lɛɛ Yeesu Kristo waa o koh tɛ yaa kohona,

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

Jems 5:13

Dɛ sibeɡrewaane pu bɛlbwa naa, wɛ́ɛ soŋe Korowii. Dɛ silɛɛ waane ɡe pui naa, ɡo yela dɛ́ kpɛɛ Korowii.

1 Jɔn 2:14

N bidɛɛɡa, n chwerɔ dɛɛ tɛ heya, dɛkalkɛ he jemɛ ya Mɛɛ waa lɔ nyundua la. Nomonome, n chwerɔ dɛɛ tɛ heya, dɛkalkɛ he jemɛ naate waa lole le mumpar bwa la. Bonɔɔna, n chwerɔ dɛɛ tɛ heya, dɛkalkɛ he bwaraa kpeɡa, Korowii waa la do he bambile bini. Heyaa wona pɔ Bɔnsam nɛ.

1 Jɔn 2:24

Hé kpoŋe anɔ la haa noa dɛ le mumpar la bini. Dɛ he ɛ ɡɛ naa, saŋ bɛlbwa he ne Yeesu ne o Mɛɛ bwa ɛɛ wonoo pɛ bá kpoŋe heya.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

2 Jɔn 1:2

dɛkalkɛŋɔ kasinteŋ la lɔ ya bwa bambile bini. Wɛɛ do lee saŋ bɛlbwa dɛɛ la.

Wepila 14:3

Nɛra la cheɡɛ Korowii kookara ne hweera kwaa anaarɛ la ne nomonome la be dɛɛ ɡo yelfale bɛl, nomɛlbwa aa wola won hweli yel la, nemenɛ nɛra kaɡboŋa lafa fifraanaarɛ dɛ banaarɛ Korowii aa lɛɛ ba harɛ nɔ ta nɛra bwa bini la ɡbo.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,