Kolosi 3:15 - mzwDBL

¹⁵ Hé ɡel nyopɛo waa aa le Yeesu Kristo be la do he bambile bini wobɛlbwa ta, dɛkalkɛŋɔ Korowiirii yerɛ heyaa ŋɔ hé bwa ɛ beŋkpoŋ dɛ́ dɔ nyopɛo. Hé ɡel he sie ɛɛ su waa waa ɛa tɛ heya, hɛ́ɛ jaamo.

Kolosi 3:15 ပူးပေါင်းရင်းမြစ်များ

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

1 Tesalonika 5:18

Hɛ́ɛ jam Korowii wobɛlbwa ta, dɛkalkɛŋɔ ɡɛɛ Korowii che Yeesu Kristo nɛɛ dɛɛ baɡle o tetoowaa he be.

Yela 29:11

Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Ɛfesos 5:20

dɛ́ɛ yerɛ ya Dɔɔ Yeesu Kristo sɔn, dɛ́ɛ jam N Naa Korowii waa bwa ta.

2 Kɔrent 9:11

Wɛɛ ɡeloo he dɔ saŋ bɛlbwa dɛ́ won ta tea dɛɛ tɛ Korowii nɛra saŋ bɛlbwa, ásɛ nɛra warɛ pirim dɛ́ jam Korowii he koŋkɛɛla la yaa kpɔa tɛɛ ba la wa.

Ɛfesos 4:4

Yeesu bwadabii lɔ beŋkpoŋ, o Domadɛɛɡe ɡe lɔ beŋkpoŋ, asɛ hwɛɡa Korowii aa le yaa ya bwa dɔ la ɡe ɛ beŋkpoŋ.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Yela 116:17

Mɛɛ kpo kwaa ɛ jam sarahaa tɛɛ, dɛ́ kpɔ n wesoŋa bil he sie.

1 Timoti 2:1

Anɔ la aa tɔ sie mɛɛ ja asɔre tena kɛŋɔ báa teŋɛ a ta laanee kɛ hɛ́ɛ soŋe Korowii dɛɛ tɛ nomɛlbwa. Hɛ́ɛ soŋo dɛɛ jaamo wobɛlbwa ta.

Kolosi 2:7

A taa aa ba cheɡa he won che kiŋkiŋ dɛ́ kpeɡ o waa la ta, dɛ́ won yarada o waa bwa kɛrɛdɛ ɡɛ baa baɡle heyaa la, dɛ́ɛ jam Korowii saŋ bɛlbwa.

Ɛfesos 5:1

He ɛ Korowii bii waa dɛ nyin heya, anomanta, hé chaaro dɛ́ kpɔ o da.

2 Kɔrent 4:15

He waa Korowii ɛ anɔ bwa. Waraa nɛra Korowii aa na ba sum den na dɛɛ warɛ. Baa kpɔ jam kohonaa tɛ Korowii ásɛ o dɔ jirima.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Wepila 7:12

dɛɛ ŋɔ, “Aamen! Korowii chɛ kpɛɛra ne jirima ne jam ne duure. Onee dɔ wejema ne kpeɡri, ne bokpeɡa saŋ bɛlbwa. Aamen!”

Ɛfesos 4:16

Yan ɡee o bwadabi. Onee choŋri bwadabii la bwa, aa lawɛ dɔŋa kɛrɛdɛ dɛ bwa ɛ beŋkpoŋ dɛɛ cha dɔŋa, ásɛ dɛ won kpeɡ tel ɡɛ o mar aa doa. Dɔŋa nyinaa ɡela Yeesu Kristo bwadabii won kpeɡ ɡɛ dɛ do kpeɡri la.

Yela 107:22

A chɛ kɛ bá kpo kwaa ba ɛ sarahare dɛ́ jam Korowii, dɛ́ kpɔ silɛɛ ɡo yela baɡle waa waa ɛa.

Kolosi 1:12

dɛ́ won kpɔ silɛɛ dɛ́ɛ jaamo waa ɛ ya Mɛɛ la wa. Onee ɡela ya chɛ kɛ ya ne o nɛra ba wa aa toɡra bwa won dɔ kondɛɛɡa waa dɔa tɛ o bii baa ja o Kora waa ɛ Bochaah Kora la ta.

Yela 100:4

Hé kpɔ silɛɛ ɡo yela jaamo, dɛ́ jo o Dea bini kpɛɛro. Hé jaamo dɛ́ kpɛɛ o sɔn la.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

1 Kɔrent 7:15

Dɛ onɔ la waa wola asɔre te ɛɛ ŋɔ wɛɛ vɛh o dɔŋ waa ɛ asɔre tee yaa, tɛo ŋwɛnɛ wɛɛ la. A ba ɡɛ naa, a ta wechɔɡa ɛɛ. Korowii dɛ nyin kɛŋɔ ya so deŋnesɔɔhna ta.

Tɔn Pɔɔl Aa Chwerɛ Rom Tena 1:21

Nɛwɛnyini jemɔ kɛŋɔ Korowii lole, kɛ baa on duu ɡɛ aa chɛ kɛ baa duuru. Baa jam kpɔe dɛɛ tɛo. Nɛwɛnyini wechɔɡa ɡelɔ ba wili, ba ta liire dɔe kpa.

Jona 2:9

Kɛ n te, mɛɛ jaame yel nee, anee dɛɛ ba saraha ɛɛ. Nyoo maa baɡa bwa, mɛɛ chuɡraa. Korowiirii dɛɛ lɛ nɛwɛnyini.”

Aesaya 27:5

Kɛ dɛ n nɛra dɔma dɛ nyin kɛ n kpɔ nɔn tɔ ba nɛ aa, n ne ba baah ɛɛ do werii.”

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

1 Kɔrent 10:17

Ya warɔ, kɛ paanoo beŋkpoŋ la yaa pɛa di la nomanta, ya ɛ beŋkpoŋ.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.