Kolosi 3:10 - mzwDBL

¹⁰ dɛ́ charɛ dafale. Korowiirii ɡela he do ɡɛ la. Onee dɛɛ kwaa he dafale la saŋ bɛlbwa ásɛ he do kɛrɛdɛ ɡɛ waa doa la, dɛ́ won jemɔ kɛrɛdɛ ka tonɛ.

Kolosi 3:10 ပူးပေါင်းရင်းမြစ်များ

Mumpar 5:1

Kenii Adam naanar teŋɛ dɔŋa nɛ. Korowii aa ta nɛwɛnyina la, o ta ba ɡɛ o tenten aa doa.

Job Tɔn 29:14

Toɡra n wa aa toɡra do kɛŋɔ maa tɔ yal, kasinteŋ bola ɡe do kɛŋɔ maa do batakaare dɛ kpɔ yal vɔwɛ nyu.

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 59:17

O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Ɛsekeɛl 18:31

Hé laa he te kpɔ wechɔɡa bɛlbwa ta, dɛ́ dɔ bambidɛɛɡe ne liifala dɛɛ teŋɛ n waa ta. Israel tena, ɛrɛɛ hɛɛ nyin kɛ he serewe nɔɔ?

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Tɔn Pɔɔl Aa Chwerɛ Rom Tena 13:12

Tɔpere waa kaa bɔr chaah la aa kanɛ kpa. Tɔɔ perɔ tonɛ. Hé ɡel ya ɡel waa aa ɛ biro bini waa ɛɛ, dɛ́ kpɔ bochaah laala do dɛ́ won yo biro bini wa.

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Tɔn Pɔɔl Aa Chwerɛ Rom Tena 6:4

Baa sɔ yaa Korowii nee la nomanta, a kaa ɛ kɛŋɔ ya ne Yeesu Kristoo ba pɛ huɡe. Ya ne waa pɛa sewɛ la nomanta, ɡɛ Korowii aa cheɡɛ o kpeɡri a dɔŋ aa wola toole la ta dɛ iru seo ta la, ɡɛɛ wɛɛ ba ya ɡe chae ya kwaa so sofale waa wera, dɛ́ charɛ dofale waa wera.

Tɔn Pɔɔl Aa Chwerɛ Rom Tena 8:29

Nɛra Korowii aa jemɛ ba waa cheɡ wubwa la, waa wola ban tae mɔɔ la, dɛ o tɔ sie lee ba ŋɔ bá ba do kɛŋɔ o Bie la ken, ásɛ ba bwa ɛ o Bie la nimanar, ásɛ o ɡe ɛ ba Dɔɔ.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

2 Kɔrent 4:16

Ken nɔ nomanta, bɔhwaah aa yaa lawɛ. Tɔ aa dɛ per nɔ bwaa ya bwadabii ɡwɛɡre dɛɛ la. Kɛ ya bini te la, kpeɡrii ya yarada do dɛɛ la.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

Galaasia 3:27

He banɔ la ba fa aa sɔ heyaa Korowii nee asɛ he ne Yeesu Kristo ɛ beŋkpoŋ la, Yeesu Kristo daa he kpɔ ɡɛ la.

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Ɛfesos 2:15

O ɡbaɡba bwadabii o kpɔ ɛ ɡɛ dɛ sewɛ dɛ laa Mosis Mmara la laa kpɔ ya nɛ, ásɛ banɔ la baa dɛ teŋɛ a ta la bɛ ba te pere le banɔ la baa wola a ta teŋɛ la nɛ. Onee wona kpɔ ya bwa pɛ, dɛ beɡre yaa ya ɛ nɛmbeŋkpoŋ, dɛkalkɛŋɔ ya bwa ne onee pɛa. Gɛɛ o ɛ dɛ ɡel ya dɔ nyopɛo.

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

Kolosi 3:14

Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

Faelemɔn 1:6

Waa maa dɛ soŋe Korowii laanee kɛŋɔ nyopɛo la he ne o nɛra aa dɔa hɛɛ yaradao la chae kɛrɛdɛ, ásɛ he won jemɛ wedɛɛɡa te bɛlbwa Korowii aa dɛ nyin o cha yaa ya won dɔ, pɛɛ ya ne Yeesu Kristo aa pɛa la nomanta.

Hibru 6:6

Anɔ bwa habɔɔ la, ba ɡel Korowii waa ba fa aa dɛ yarada la! A kpeɡri kɛ ba charɛ ba liire dɛ́ le ba wechɔɡa ta dɛ berɛ ba yaradao, dɛkalkɛŋɔ ba kaa ɛ kɛŋɔ baa kwaara kpaa Korowii Bie la dɛɛ pɛl o daɡaɡre ta, dɛ ɡel sihiih kpoo nɛra baah ta. Ba ɛo dawɛ ba nyu ta.

1 Jɔn 2:3

Ya teŋɛ o waa ta naa, anee dɛɛ ba yaa baɡla kɛ ya jemɔ.

1 Jɔn 2:5

Nomɛlbwa waa dɛ teŋɛ Korowii waa ta la, onee dɛɛ nyin Korowii waa kɛrɛdɛ. Anɔ taa yaa ba cheɡa dɛ́ jemɛ kɛ ya ne Korowii pɛo.

Wepila 21:5

Anee naate waa soɡe kookara la ta la ŋɔ, “Taraken n ɡelɔ wobɛlbwa berɛ anfala.” Dɛ berɛ ŋɔ, “Chwerɛ ɡɛ waa nɔ, dɛkalkɛŋɔ n wobol nɔ ɛ kpela, neɡra toole a ta.”