Kolosi 2:7 - mzwDBL

⁷ A taa aa ba cheɡa he won che kiŋkiŋ dɛ́ kpeɡ o waa la ta, dɛ́ won yarada o waa bwa kɛrɛdɛ ɡɛ baa baɡle heyaa la, dɛ́ɛ jam Korowii saŋ bɛlbwa.

Kolosi 2:7 ပူးပေါင်းရင်းမြစ်များ

Ɛfesos 3:17

dɛ́ won dɔ yarada kɛrɛdɛ, ásɛ he won lawɛ Yeesu Kristo he ne o pɛ. N dɛ soŋo he bambile won do o nɛɛ dɛ́ lawɔ kɛrɛdɛ,

Jeremia 17:8

Naate ɛɛ doo kɛŋɔ daa baa duu nee nyoa, o dɛ ta lune kaa nee la ta. Hwel cheɡɔ waa, aa on wobɛlbwa ɛ, dɛ o te ta dɔ papooni. Bwaala ta nɛɛ benanyobir kwaraa naa, dɛ o ta won nɔna.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

2 Tesalonika 2:17

bá tɛ heyaa ɡbemba dɛ ɡel he che kiŋkiŋ, ásɛ dɛ won ɛ wedɛɛɡa te bɛlbwa, dɛ́ won dɛɛ bola ɡe.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

Ɛfesos 5:20

dɛ́ɛ yerɛ ya Dɔɔ Yeesu Kristo sɔn, dɛ́ɛ jam N Naa Korowii waa bwa ta.

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Yela 92:13

Ba do kɛŋɔ daa baa dua Korowii Dea, aa dɛɡ Korowii yaa dɛ tomɔ Dea bela ken.

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

1 Tesalonika 5:18

Hɛ́ɛ jam Korowii wobɛlbwa ta, dɛkalkɛŋɔ ɡɛɛ Korowii che Yeesu Kristo nɛɛ dɛɛ baɡle o tetoowaa he be.

Amanesoma Luk Aa Chwera Tɔn 6:48

Naate do kɛŋɔ nɛn waa dɛ ba o dea doe, dɛ kwi o mun pae bɔɔ ka jaɡɛ bwetal ta mɔɔ dɛ ma dea la. Nee aa pala ba jo dea la mun la, o ta chole, dɛkalkɛ o doo kɛrɛdɛ.

Ɛfesos 4:21

He no o wa, ba baɡle heyaa kasinteŋ ŋwɛnɛ la, asɛ he jemɛ ɡɛ baa dɛ teŋɛ Yeesu nɛ.

Tɔn Jud Aa Chwera 1:20

N dandɛɛɡa, hé te swɛɛ siwi dɛ́ɛ cha dɔŋa dɛ́ won che kiŋkiŋ, ásɛ he yarada haa dɔa Yeesu Kristo ŋwɛnɛɡoroŋ nɔ ta la do kan kohona. Hɛ́ɛ soŋe Korowii o Domadɛɛɡe la kpeɡri ne.

2 Kɔrent 1:21

Korowiirii ɡela ya ne he bwa won lawɛ Yeesu Kristo nɛɛ teŋa la kpoŋe kɛrɛdɛ, dɛ le yaa tɛ o toma,

Tɔn Jud Aa Chwera 1:12

He yon cheme dɛ pɛ dɛɛ di kondikwaa aa dɛ baɡle beŋkpoŋri ɛɛ haa dɔa he Dɔɔ tom nɔ ta la, a ɡɛ nɛra la lɔ he baah kɛŋɔ doŋa dɛɛ chɔɡ he wer. Ba ta sihiih dɔe. Ba ɡbo waa baa dawɛ, baa nɛra waa dawɛ. Ba waa ta hwɛɡa dɔe kɛŋɔ baama peu aa dɛ kaa a ne aa wola bwaala nee ne ba la. Ba do kɛŋɔ daa aa wola won a nɔna saŋ nɔnɛ, asɛ ba chuɡra ta a den serewe kwaraa la.

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.