Kolosi 2:6 - mzwDBL

⁶ Haa dɔa kpɔ he te tɛ Yeesu Kristo kɛ he Dɔɔ nɔ, hé ne o pɛ wobɛlbwa ta.

Kolosi 2:6 ပူးပေါင်းရင်းမြစ်များ

Aesaya 2:5

Jekɔb naanar, hé ɡel yaa valɛ Korowii waa aa chaahna o kpɔ dɛɛ tɛ yaa la ta.

Maeka 4:2

Harɛre nɛra ɡalɡa ɛɛ bao dɛ́ ba ŋɔ, “Hé ba ya kaa Korowii Bwejen la ta, Korowii Israel tena aa dɛ tomɔ la Dea. Wɛɛ chaɡle yaa o ŋwɛnɛree, ásɛ ya won dɛɛ kpɔ a ta.” Korowii Mmara ɛɛ le Saayɔn Bwejen taa, ásɛ o kpɔ bol waa o nɛra be Jerusalam.

Matiu 10:40

Nomɛlbwa waa nyiŋi he nɛɛ la, menee o nyiŋi la. Asɛ nomɛlbwa waa nyiŋi n nɛɛ la, naate waa tom mɛ laanee o nyiŋi la.

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

2 Kɔrent 5:7

dɛkalkɛŋɔ waa yaa dɛ na la ne laa ya so. Waa yaa dɛ yarada a waa la nee ya so.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Galaasia 3:26

He ɡbabir na, haa yarada Yeesu Kristo la nomanta, he bwa ɛ Korowii bii.

Ɛfesos 4:1

Men Pɔɔl maa koh ya Dɔɔ waa la waa ba do mɛ dea la, n dɛ soŋe he bwa, hɛ́ɛ teŋɛ ɡɛ aa chɛ kɛ nɛra Korowii aa lee ba tɛ o te ɛɛ teŋɛ la.

Felepae 1:27

Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

1 Jɔn 2:6

Nomɛlbwa waa ŋɔa o ne Korowii pɛo la, a chɛ kɛŋɔ ó kpɔ Yeesu Kristo da la.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.